يامل قلبٍ ليال الشوق تلعبه=بين الحنايا يجي ويروح لعبوبه
اسهر و اعاني ونار الشوق مشتبه=كن السعاير بوسط الجوف مشبوبه
لا غابت الشمس بين الجنح والغبه=احس نفسي مع ادنيا بغيبوبه
لا قلت هانت تجيه اشواق منكبه=والعين لا حان وقت النوم منكوبه
لا من طرالي بعيد الدار مع قربه=زادت عليّا هموم وكثرت أدروبه
ياهاجسٍٍ كل مامريت افكربه=يضيق صدر القصيد وينفض اجيوبه
ياطفلةٍ ترسم الاحرف على التربه=يانفحة النسمه اللي زادت عذوبه
يالون روضن زهاه العشب وازهربه=روضن كساه الربيع ولبسه ثوبه
من واديٍٍ يوم ذاك السيل دحدربه=اللي سقاه المخيل وفاضت اشعوبه
ياغربة الشاعر اللي زادته غربه= جوه الحناشل وكل المال قفوبه
لو قيس ليلى بغا مجنونه ابحبه=كان السمن مانتثر من يد محبوبه
ياقيس ربك يزيل الهم والكربه=وش لك بخلقٍ علينا اليوم محسوبه
يالله ياللي جميع الخلق يجهربه=ياواحداً فوق عرشه عالم غيوبه
ترفق بحال الذي دنياه مكتربه=تروف به ياألاهي واستر عيوبه
التايب اللي طلب عفوك ويشعربه=وانت الكريم الجواد وقابل التوبه

المشاركة الأصلية كتبت بواسطة بندر الساكت (المشاركة 1494382) قيس الحسيني يسعد مساء الشعر ويسعد مساك صح لسانك وسلم بنانك ولاهنت رائعه وجزله من رائع وجزل ودي ...

المشاركة الأصلية كتبت بواسطة عنود بعد حيي (المشاركة 1494482) امير الشعراااء مساك الله بالخير رقيقة هي صفحتك كالمطر.. جمال في المعنى وجمال في الكلمات وكل الجمال يكمن في قصاائدك وصفحاااتك عزيزي مهما كتبت لك ستبقا حروفي اقزام امام روعه حروفك لـ روحك الفـــرح يـ مبدع

المشاركة الأصلية كتبت بواسطة العذوب (المشاركة 1494519) : : ماأجمل تلك المشاعر التي خطها لنا قلمك الجميل هنا صح لسانك مليار اخي :) : :

المشاركة الأصلية كتبت بواسطة مطلق البخيتان (المشاركة 1494543) شاعرنا المبدع جداً قيس الحسيني هنا للشعر الأصيل حضووووووووووووور وللواقع المر مرووووووور وللحر الأبي شعوووووووووووووووووور صح كلك كلك كلك تحياتي وتقديري لك ثم لك ثم لك

المشاركة الأصلية كتبت بواسطة ابو طــــارق (المشاركة 1494695) اللهم آآآمين شاعرنا المبدع قيس الحسيني تسلم وصح لسانك بحجم الكون ولله درك,وأسال الله أن يبعد عنك الأحزان دمت شآمخاً ومتألقاً ولاعـــــــدمنا وجووودك.