"من دريت إن الأماني حلم .. ناديتك ..!"
 

يا ليت للذكرى شفاه / لا سولفت عن هيبتك
اقرى ملامحها / مثل ما كان يقراني رضاك

يبه تدري ..
معاد أحس بي / مدري !
أو إنّي من دريت
إن الأماني حلم .. ناديتك ..

يبه شفني أنا بنتك ..
حبيبة قلبك وعمرك ..
هذيك الطفلة اللي ياما لعبها أذاك ..
ولا تكلمت ..

يبه تذكر أغانينا أنا ويّاك ..
وسكّة حلمنا مع بعض ..
وصوتك لأنخلط مع بحة سكوتي ..
يبه حنّيت ..
ورب البيت ..
ل أيام الشقا حنّيت ..
لدروب السهر والحلم ..
وذاك الشارع المنفي ..
وضحكة أمي الخجلى ..
إلى من قلت ياليتك ..

يبه ودي أنا أحكي لك ..
عن أسراري ..
عن اللي صار ب/أخباري ..
عن بكاي .. وقهر داري ..
عن الضّيق الي ساكني ..
ولبّسني معاه سكوت ..

وأبي أكثر من أحضانك ..
وأبي أكثر من أسوارك ..
أبيك تكتف يديني ..
وتسجني وسط روحك ..

يبه ناظرني بعينك ..
وعمّق نظرتك فيني ..
ولاحظ كل تفاصيلي ..
بتقرأ كل عناويني ..

بتقرأ هالتعب وشلون دمرني ..
وكيف إن الضحك فيني ..
غدى موجع ..
نعم موجع ..

يبه تكفى تعال شويّ ..
وأبي تسمعني بقلبك ..
يبه إسمع ..
ضجيج .. وزحمة من حولي ..
صدى مطعون بهمومي ..
وأنا من بينهم أشعر ..
بغربة إمتلت كوني ..

وأصوّت لك ..
وأنا عندك ..
وأنا جنبك ..
يبه تسمع أحاديثي ..
وتسمع كيف أحتاجك ..
ابيك تمدّ لي يدّك ..
ابشعل فيني سراجك ..

يبه برحل ..
وبترك لك معاك حروف ..
إلى من جيت في بالك ..
تذكّرها ..

تفضّل
تفضّل واقرى في عيني
ملامح [ حلم ] متحطم !!

تشوف الكون كيف اسود ؟
تحس فْـ حالتي بالضعف؟؟

أنا ويّاه قويّة حيل
أبيّه صامدة ما اميل
ومن بعده غدينا اصحاب
أنا واحزاني والمنديل !!

تعال :

بس افتحه صدري
وش اللي لقيته في عمري ؟!

حلم مذبوح ؟؟
أمل موجوع ؟؟
ضياع ودموع؟؟
قلب مكسور؟؟
صدر مخنوق
ثمار [ فراقه ] لهالـروح !!

غيابه زوّد آلامي
خناجر مع وجع وآلام

غيابه حطّم احلامي
وصرت آعيشه بأوهام

صحيح هذا الزمن قاسي
زمن سارق أعز ناسي

بحاول أحيا
و أفرح !

بعاند يازمن واجرح
بطيح
لكن عشان اذبحك

أبوقف يازمن واضحك !

وش بقى لي غير دمعٍ بعد ماهم .......... غسلوك؟!
وش بقى لي من فقدتك [ غيـر ] صـورة لـك فبالـي

آه لوّ تحس فيني بعد ماهـم .......... كفنـوك !!؟
كنـت [ اهـزّك ] قـوم يالله إمسـح دموعـي ياغالـي

قوم مزحك ماهو وقته بسّك انته .......... واحملوك !!
وصرت اتمتم [ ويـن رايـح ] ليـه تتركنـي لحالـي ؟

هذا يضحك لسّـه عايـش وفجـأه عنـي [أبعـدوك] !!
ليه عني تبعـدووووه واهـوا مستانـس قبالـي !!!؟؟؟

رد ياثوبـه [ علامـك ] ليـه تـرضـى يشلـحـوك ؟
أحتضـن ميـن فغيابـه ثـوب [ مرمـي ٍوخـالـي ]؟

ربــي إرحمـهـم عـبـادٍ كـبـروك وعـظـمـوك
ربـي ماهـو كفـر منـي ربـي إغفـر لـي هبالـي .
,,,,,,,,,,,,,,,,

ياصغر هالدنيا بعيني | لا طرت لي غيبتك
دام المشاعر لا غفت عن صوتك . . تفز لصداك

الموت حق : ولو يخيّر / إستحى .. من طيبتك
وإستغفر الله ما تعدّى باقي الخلق .. وخذاك !!

لآمست شيئاً بدآخلي
لأعينكم يآ أحبه http://www.b3b7.com/vb/images/icons/smile35.gif

حجز مقعد ولي عوده

أسدلتي عنآقيدٌ الإبدآع ’’ فألتقطتهآ أنــآ بـ ِ نهم !
وسمآءك َ الثآمنه تستمدٌ منهآ رقصآت ٌ الوجع !
على النيه
حبي
حٌزنآ ً سكنني لكلماتك المؤلمه
وأحتضآر ِ حيآة ٍ بأكملهآ !

اشكرك لهذا الأنتقاااء يسعد لي قلبك

:
:
:
لا إِلَهَ إِلا الله
أَحسَستُ بـِ صُعُوبَة بـِ أَنفَاسِي
وَغَرَقتُ بـِ تَنهُّدَات مَصحُوبَة بِذكرَيَات وَجهُ أَبِي وَمَلامِحِه

إِمتَدَّت مُلامَسَة هَذِهِ الأَحرُف لتَعبُرَ الشِفَاهـ وَتغُوصُ بـِ الأَعمَاق
مُتَدَفِّقَة بـِ حُزن كَفِيل بـِ طَبقِ الشَفَاهـ وَجَفَافِهَا

لُطفَاً يَارَب
أَطرَافِي صَابُهَا شَيء مِن البَرد
وبـِ الحَلقِ غَصَّة تَكَادُ تَخنِقُنِي

كَيفَ سَتَسكُنُ المَوَاجِع ! وَسَطَ هَذِهِ الإِلتِفَاتَات التَي يَشوبُهَا الضِيق

"
"
عَلَى الجَرح يَا عَلَى النِيَّه
مُقَدِّرَاً لَكِ الطَرح والمُشَارَكة
مَوَدَّتِي

=

ربــي إرحمـهـم عـبـادٍ كـبـروك وعـظـمـوك
ربـي ماهـو كفـر منـي ربـي إغفـر لـي هبالـي .


اللهم آمين ... اللهم آميييين


الجميله :
" على النيه "
أنتقاء مؤلم جداً ,رسم لنا ملامح إلألم و أدمى القلوب , و أجبرنا على البُكاء !
سَ أخرُج من هُنا باكيه ومُتمتمه بَ دعوات لهم لا تنتهي بَ الرحمه و المغفره ...

دُمتِ بَ خير ...

شاعرتي

صاحبة الحس المرهف والانتقى الرائع

على النيه


الاب ما اجمل المشاعر عندما تتكلم بالاب

الله يرحم ابائنا ويدخلهم فسيح جناته

والله يبقي اباء جميع المسلمين

نص يدمع العين

اذهب واعود لهذا الطرح

انتي رائعه

بحق رائعه


تحيتي ...

عٌلَيَ آلَنِيَهّ
جّيَتٌ آلَصّبًحً بًتٌصّفُحً وٌآتٌآبًعٌ
وٌلَقُيَتٌ لَکْ شُيَ جّدٍيَدٍ وٌآقُبًلَتٌ مًسِرعٌ بًآتٌآبًعٌ جّدٍيَدٍکْ
وٌلَقُيَتٌ شُيَ يَهّزٍ آلَقُلَبً وٌيَنِثًر آدٍمًوٌعٌ
دٍمًوٌعٌ مًآتٌرجّعٌ مًنِ فُقُدٍتٌهّمً وٌلَآتٌرحًمً قُلَبً بًکْآ عٌلَيَهّمً
آلَلَهّ يَرحًمً آمًيَ وٌآبًوٌيَ وٌوٌآلَدٍيَکْ وٌآلَمًسِلَمًيَنِ آجّمًعٌيَنِ وٌآنِ يَبًقُيَ آلَحًيَ وٌيَرحًمً آلَمًيَتٌ
صّحً لَسِآنِکْ وٌآخِتٌيَآرکْ مًمًيَزٍ
وٌآلَدٍلَيَلَ مًآ آحًزٍنِنِآ هّذِآ آلَصّبًآحً ذِآئقُهّ مًتٌرفُهّ
لَآهّنِتٌيَ يَآلَآنِيَقُهّ



تٌقُدٍيَريَ وٌآحًتٌرآمًيَ



.

تحية ممزوجه بعطرالورد لجمال حرفك
وحضورك حبيبتي الغآليه
دمت ودآم لي وجودك غآليتي ,,

رحم الله والدي ووالدي وجميع أموآت المسلمين
هي لحظآت ذكرى تتجدد بعد حين ..فعذراً لمَِ سببه أختيآري

بقي أن أقول يتأنق متصفحي بحضورك
ويكسبه الجمآل
دمت بسعآده لآ تنتهي ,,,

وجودك غآليتي يدخل الفرح إلى قلبي
يزهو متصفحي بطلتك
لآحرمتك حبيبتي ,,,

اللهم آمين
شكر بكل اللغآت لروحك الطآهره
وجميل حرفك يآنقي ,,

اللهم آمين رحم الله أموآتنآ
وأموات المسلمين جميعاً
آهلاً بنورك يآ حبيبه
وسلمت روحك النقيه غآليتي ,,