منتديات بعد حيي - تغطية أمسية الشاعرين عبدالله علوش وفيصل اليامي ( صور )

http://www.fadhaa.com/vb/attachment....3&d=1153304156

في ثاني أمسيات مهرجان الشعر الخليجي الثاني بمدينة حائل وضمن فعاليات مهرجان صيف حائل 27 ( يا طيب مالقاكم ) أقيمت أمسية شعرية أكثر ما يقال عنها بأنها الأروع بحضور شعرائها وعريفها وجمهورها .
أمسية قادها عريفها الأتي من عمان الحب الأستاذ حميد البلوشي وشاعرها عبدالله علوش وفيصل اليامي .
بداء عريف الأمسية بمقدمة جميله .

http://www.fadhaa.com/vb/attachment....5&d=1153304519

ثم كانت البداية للشاعر عبدالله علوش .. الذي أسرف شعراً وتألق حضوراً ، وكثراً ما داعب الجمهور:

ابتـدي يالله بذكـرك قبـل اصـوغ النـادرات
جل شانك كـل شـي بـدون ذكـرك مايزيـن
انت الاقوى وانت الاعظم وانت محمود الصفات
انـت الاول وانـت الاخـر يامعـز ويامهيـن
لاإله الا انـت يامـن ننحنـي لـه فـالصـلاة
يامغيـث المستغيـث ويامعـيـن الصابـريـن
أسئلك مـن زود فضلـك والسلامـه والثبـات
والكرامـه فـي وطنـا دام حـنـا عايشـيـن
ولا لامتنـا فحنـا مانـبـي غـيـر النـجـاة
واستـلام الكتـب لامـن وزعوهـا باليمـيـن
جانا بالكتب السماويـه وفـي شـرح الثقـات
والبخـاري بالصحيـح أكـد بإسنـادٍ متـيـن
تدخل الفردوس الاعلـى باجتنـاب الموبقـات
وبولائـك للحكـومـه واحـتـرام الوالـديـن
يالله تـعـز الشـيـوخ ويالله تـعـز الــولاة
والملوك اللـي ربينـا فـي ذراهـم منعميـن
عيشونـا فـي نعيـم ورفهونـا فـي الحـيـاة
خلّـو الرجـال مـنـا لايـعـان ولايعـيـن
خلـو الرجـال منـا مايـوسـوس بالغـنـاة
القناعـة كـنـز مايفـنـى وحـنـا قانعـيـن
حاوطونا بالسعاده اكثـر مـن اربـع جهـات
فوق وتحت وقدم وخلف ومن يسار ومن يميـن
فكو الشعب الخليجي مـن كبـار المعضـلات
طوقونـا بالسلامـه وحرسونـا بالـف عيـن
وحدونـا تحـت رايـة لانـزاع ولاشـتـات
أرض وحده شعب واحد دين واحد .. مسلميـن
(ا)كسرو شوكة بليس وحطمـوا روس الطغـاة
ورفعوا نفط الجزيره عـن كفـوف الطامعيـن
للسياسـه واقفيـن وللقضايـا هــم قـضـاة
وش نبـي منهـم وحنـا ماكليـن وشاربـيـن
لانعـرف الـواردات ولانعـرف الصـادرات
بيّـض الله الوجـيـه وطــوّل الله السنـيـن
الضمايـر مستريحـه والخواطـر قانـعـات
دام حـنـا طيبـيـن ودامـهـم مستانسـيـن

وقال أيضاً ..

كثر المواصل فالهوى ماهو بزين
ودك بخلـك بيـن مــده ومــده

لن البنادم ماتـرك طبعـه الشيـن
لاحب له شي وشبـع منـه هـده

لكن لمنه جاك من حين لي حيـن
قـدرة جياتـه وقــدرة صــده

فأن قلت ابيك وقال ماهوب ذالحين
لاتبلشـه يمكـن ظروفـه تـحـده

اصبر عليه ايام وشهور وسنيـن
ان كانـه يـودك وكانـك تــوده

وخلك لمنه اعطاك ماتطلبه ديـن
ماجـاك منـه اخـذه ومـارد رده

ولاتسوي مثـل نـاس مساكيـن
اصلك وفصلـك فالهـوى لاتعـده

الحب مايعـرف قبيلـه ولا ديـن
نكـس حكومـات وكسـر اشـده

جاووه عقـال وراحـوا مجانيـن
وكم واحد خاضـه ولاهـوب قـده

يقوله اللـي جاحـد علتـه ليـن
بـارت محافيـره وبيـح بـسـده

هذا كلامي وانت بتشوف بعديـن
والله ان تميز بيـن مزحـه وجـده

http://www.fadhaa.com/vb/attachment....7&d=1153304156

وهنا كان الشوق مغاير :

أهلين ياسمح المحيا وسهليـن
ياراس مال اللي يبيك ورصيده
أشتاق لك شوق الشقي للملايين
اللي حياتـه كلهـا عالحديـده
لاشفت وجهك قلت للهم بعدين
يروح هم القلب ويعود عيـده
يميزك عن باقي الناس ثنتيـن
ثنتين من غير المزايا الفريـده
معطيك رب الصايمين المصلين
اللي جعلنا كـل ابونـا عبيـده
عطاك عينٍ ماخلق مثلها عيـن
والخد بـلحاله يبي له قصيـده
ياعاقلٍ ماغرتك موضة الفيـن
ولالقينا صورتـك فالجريـده
وجهٍ الياشفته تذكـرت شييـن
الحظ الاوفر والحياة السعيـده

وقال:

اللـي يقـول الـحـب مـوجـود كــذاب
حـاجـات ممنـوعـه يسمـونـهـا حـــب
واللـي يقـول أسهرنـي الشـوق نـصـاب
ويـعـرف نصـابـه وعلمـتـه الـنـصـب
ماشـافـت عيـونـي موالـيـف وأحـبـاب
والـعـشـق لاخـطــى بقـلـبـي ولا دب
أكتـب غـزل كلـه علـشـان الأعـجـاب
ماهـو علـشـان الـهـوى كــل مـاهـب
لاهـب نسـنـاس الـهـوى خافـقـي ذاب
لاكـمـل النسـنـاس وشـلــون بـشـتـب
أوهـام... أشعـار ... وخرابـيـط كـتـاب
والجيـل ذامـن يـوم جاوالـهـوى خــرب
نهيـت قلـبـي مــن طبـوعـه ولاتــاب
قـد قلتلـه خـل الصراحـه عـلـى جـنـب
لأن الصـراحـه دايـمـا تفـتـح أبــواب
صـار الكـلام الواقـعـي يشـبـه الـسـب
اللـي يـبـي يـزعـل بيلقـالـه أسـبـاب
لـو إن مـالـي ذنــب بيحطـلـي ذنــب
حب أمك وأبوك.. حب أهلك.. حب الأصحاب
ذولا لاقـلـت تحبـهـم فـعـلا تـحــب؟؟

http://www.fadhaa.com/vb/attachment....4&d=1153304156

وتفاعل الجمهور إلى أن قال :

بابٍ تجـي منـه العواصيـف فكـه
لان العواصف مايدقـر لهـا بـاب
لاتسمع اللـي ينصحونـك تصكـه
المدعـي بالعقـل والعـرف كـذاب
شف خدك اللي كل من جـاه صكـه
عزيز قوم وذللك شـرك الاحـزاب
مقفـلٍ قلبـك ومــوزي مفـكـه
ذلٍ عقب بيض الشحم تاكـل تـراب
مايدخـل الجنـه مَــرَاحٍ لمـكـه
فتوى مطولة اللحى نتـف الاشنـاب
ان مـت فـي جنـات عـدنٍ تفكـه
مشروبك الكوثر ومقطوفك اعنـاب
تقـول عـن دنيـا الإهانـات فكـه
ياذلة الأمـه أنـا خاطـري طـاب
وان عشت لاترضى بعيشة مضكـه
لاتفهـم القصـه ولاسمـع اسبـاب
أبـوك إذا تقـدر تبكيـه .. بـكـه
عوضه عن دموع الشقا دمعة اعجاب

وقال أيضاً :

دام وجدي طايلٍ والليـل طايـل
لايهمك ياقلـم حجـم المساطـر
صغ لها من كل حرماني وخايـل
ليش قسوتها مثل قسوة لـباطـر
قل لها لازلت يـاورد الخمايـل
عايشٍ عمري على حلم التشاطـر
شاطريني كل عدل وكـل مايـل
ليمتى ذا الحلم وعيونـي نواطـر
يستطيعون الصبر نـاسٍ قلايـل
ماقطر فـقلوبها من الحب قاطـر
ماتعرفين الجفـا وشلـون قايـل
اسمعي فيروز لاغنت لـاناطـر
حزنها في مقطع النسيـان هايـل
أبكت المينا وكان الجـو ماطـر
عاشق ومثّر علي عشق الاوايـل
للوفا ناطر اليـن امـوت ناطـر
ماتوقفنـي المصايـب والهوايـل
في غرامـك سندبـادٍ للمخاطـر
منهو اللي قد غزى ملوك وقبايـل
يوم قالو مهرهـا ميتيـن فاطـر
ساق روحه ماخذٍ كـل الوسايـل
قدرها والخيل وسيوفٍ شواطـر
يفشل العاشق اذا حـب بتحايـل
يطلع الشاطر حسن ماهوب شاطر
وان غمرتيني بعطـرك يانفايـل
طابت جروحٍ على قلبي فواطـر
وان كسرتي خاطري ماني بسايل
يسلم اللي غنى عن كسر الخواطر

بعد ذلك كان للجمهور موعد مع شاعر الحب .. فيصل اليامي الذي أستمتع الحضور بروعة حروفه وشعرة
وكانت البداية أبيات قدمها هدية لحائل :

http://www.fadhaa.com/vb/attachment....6&d=1153304519

القلب كنـه بوصلـة باتجاهـات
صوب الشمال يروح سهمه ويختال
وللمجد في رجال حائل علامات
كريم ويزيده فخـر ميلـة عقـال
والجود واضح مايبي قول واثبات
لازان فعله صار مضرب للأمثال
تشهد على حاتم توارن ولو مات
ما مات من خلّف على طيبه رجال

ثم قال :

ياسلام الله بـالاول والاخيـر
للرجاجيـل الاعـزاء الكـرام
لوبصدري مكتبه تشبه جريـر
مدحي لكم ماهو بقـدر المقـام
لومعاكم ذا المساء طفل غرير
ودي انه يطلـع وجـوه تمـام
شفتكم والقلب من فرحه يطير
وانحنت هامة قصيدي احتـرام
احترام لارض ضمتنا بخيـر
للوطن للسلم لاسراب الحمـام
والوطن بعروقنا حبـه يسيـر
انتزاحم بالغـلا لجلـه زحـام
نحني للارض لو مهما يصير
لاعتزت فينا ثـم قالـت: قيـام
وفي محبه موطني مابي شوير
قلتها بأسمي واسم صبيان يـام

وتفاعل الجمهور مع :

خلاص انا ناوي على تغييـر تفكيـري السقيـم
عزمت اغيـر منهجـي مـادام عنـدي الاختيـار

بفصل الثوب الجديـد وبرمـي الثـوب القديـم
واغير اصحابـي اذا مـا طاوعونـي ف الخيـار

قرار جـدآ منطقـي وجـاي فالوقـت السليـم
عصر انفتاح وفرصـه الواحـد يغيـر فالمسـار

اللي يفكر فالغنم والبـل تـرى عايـش جحيـم
ان قال اساميها تحـس انـه طلـع معهـا غبـار

حتى قصايد ( ياوجودي ) هب ذعـذاع النسيـم
والجمس الأحمر ماتوفي بالغـرض والفكـس آر

ماعاد تنفع وقتنـا الحالـي وذا منطـق حكيـم
الحين صارت شمس ( روبي ) واضحه مثل النهار

اقوى مغني فالعرب : شعبان ابـن عبدالرحيـم
و( البرتقالـه ) تعتبـر فيديـو كليـب الانبـهـار

صار اهتمامات البشر ( دي جي ) وتشغل: حكيم
عمار يامصر القديمـه مـع جديدتهـا .. عمـار

اتفه مغني عندنا .. هو صاحب الفكـر القويـم
تصريحه الناري مثـل .. يلقـى معـزه واعتبـار

شبابنـا شبابنـا راحـوا ورى لـيـل ٍ عتـيـم
وباعوا اصالتهم برخـص وغيـروا نهـج الكبـار

الوقـت ضايـع والبطالـه فعلهـا فينـا مقيـم
واكبر مشاغلنا ( مسج ) ونرشح السوبـر ستـار

هـذي حضـاره مـا تجملنـا وذا واقـع أليـم
وين المبادي والقيـم ؟ ويـن المعـزه والوقـار ؟

في هالزمن ما عاد تعرف من كريم ومن لئيـم ؟
في هالزمن كـل شـي توجـه باتجـاه الانحـدار

عادي اذا شفت المطر في هالزمن من دون غيم
وعادي تقبلهـا تـرى النـار تبـدا مـن شـرار

الله يثبتنـا علـى نهـج الصـراط المستقـيـم
والله يحسن خاتمتنـا فـي زمـن صايـر دمـار

ثم قال:

http://www.fadhaa.com/vb/attachment....6&d=1153304156

ياليت ان الزمن يرجع ورى ولا الليالي تدور
ويرجع وقتنـا الأول وننعـم فـي بساطتنـا

زمان أول أحس انه زمان فيه صدق شعـور
نحـب ونخلـص النيـة وتجمعنـا محبتنـا

زمن مافيه لاغيبه ولا حتـى نفـاق و زور
ياليته بس لـو يرجـع ونسترجـع طفولتنـا

صغار قلوبنا بيضاء نعيش بعالـم محصـور
ولا نعرف أبد أغراب ما غير عيال حارتنـا

صحيح صغار بالتفكير لكن ماعلينا قصـور
نخطـط نكسـر اللعبـه وتسعدنـا شقاوتنـا

نروح المدرسه بدري ونضحك داخل الطابور
نحاول نزعج العالم فـي روحتنـا و جيتنـا

وعشان نأخر الحصه نخبي علبه الطبشـور
نشاغب بس فـي الآخـر تميزنـا براائتنـا

ثم قال قصيدة الصيف :

يجينا الصيف وننتظره وإذا عدى نبيه يعـود
ونفرح به إذا جانا نقول الصيـف لا يعـدي
نحسب حسابنا بدري نفكر في الليالي السود
نفكر كيف نستانس وكيف نجيـب ونـودي
ندور للوناسة وين..شباب وقدهـا وقـدود
نسولف مع نجوم الليل ذوات المبسم الوردي
نغير موجة اللهجة حسب جنسية الموجـود
مابين شكون وعاوز إيه وشو بدك وما بدي
بعضنا فلوسه كثيرة وبعضنا بين نقص وزود
وبعضنا مسافر بسلفة وفيزا.... بس متحدي
يبي ينقط على هذي ..يلبس ذيك عقد ورود
يضحكها وهي تضحك عشان يقول من قدي
يظن انه ملك دنياه وودع حظـه المقـرود
وما يدري انه بوضعه غدا في حال متردي
يفاخر بالخطايا اللي ترده عن خطاوي الجود
يضيع نفسه بنفسه ..... يظن انه بعد مقدي
غلط والغلطة بعشرة لرجلٍ يعرف المنقـود
خطا وأكبر خطا و الله أضيع نفسي بيـدي
مدام ان العمر يمشي وتالي هالجسد للـدود
أجل بالله وش وضعي إذا حطوني بلحـدي؟

وقال أيضاً :

الغـرام الله علـيـه والله الله عالـغـرام
رددت نبضات قلبـي للغـرام الله عليـه
ابتدى قلبي يحبه والسهـر جافـى المنـام
من يجيه النوم أصلاً والقمر ناوي يجيـه
أبتديت آحب واحلم واللي مثلـي مايـلام
والله اني من لمحته قلت هذا اللـي أبيـه
قبل اعرفه كان فجري لونه اشبه بالظـلام
من عرفته والليالـي لونهـا مالـه شبيـه
ان تكلـم قـال قلبـي آه ياحلـو الكـلام
ينتهي حكيه وانا اجلس انتظر شي يحكيـه
لمسته ياهي حنونه يلمـس الطفـل وينـام
مرة جا يلمس يديني وضاعت علومي بيديه
ضحكته عزفة موسيقي رايق وجوه تمـام
وماحد يدور سببها السبـب دايـم وجيـه
مشيته إيقاع هادي حالـه بحـال الحمـام
قلبه ابيض من نهاره طيبتـه منـه وفيـه
صح هو يمشي لحاله لكن يسبـب زحـام
ماهو ذنبه وش يسوي كل هالعالـم تبيـه
بعد كل اللي ذكرته اللي مثلي هـو يـلام
وش يسوي القلب شافه وقال ياويلي عليه

وواصل إبداعه إلى ان قال :

ياللي تحدى لاتتعب نفسـك بطـول انتظـار
تبطي وانا في مرقبٍ عالي ولايعلـى عليـه
الشعر ماهو معضلـة ولاتجنـد وانصهـار
الشعر ذا ياصاحبي هو يعتبرني مثـل ابيـه
متعو القي هالشعر والنـاس تسمـع بانبهـار
وتقول عني بص شوف الأخ فيصل يعمل ايه
عشاق عرفنـي بهـم شعـرٍ كتبتـه باقتـدار
لكن محبة هالبشر ماهـي كتـاب ونشتريـه
صيتي أنا مبني على عـزة ولابـه وافتخـار
أما القوافي والوزن صيـتٍ يـزول وماأبيـه
والحمد لله ماعلي قاصر وانا صاحب قـرار
من صغر سني والقدا يمشي معي كني أخيـه
عندي طموح وماانتهى عايش معي ليل ونهار
وان عاند الوقت الغبي وجهت للوقت النبيـه
واعرف كثير قلوبهم مثلـك ولامنهـم فـرار
نشبه ولافيهم رجا ووجيههـم ماهـي وجيـه
الضاهر انك مامسكت الطار لكن فيـك زار
دقوا لك طبول الحكي عندك وخلوك تحكيـه
غشيم واسلوبك قديـم ولعبتـك فيهـا غبـار
لعبك على المكشوف ياشاطر وبان الكذب فيه
لكن على ميـن اتغيشـم ياولـد حنـا كبـار
خلك على قدك وصدقني بتلقـى لـك شبيـه
أسمع كلامي واحفظه حطه بعيـن الاعتبـار
دربٍ مشينا به ترى ماهو لزوم انـك تجيـه
وان ماعجبك حكيي ابد دور على اقرب جدار
يمكن يوفي بالغرض راي وأضن انه وجيـه

إلى أن قال :

مـا درت عـن حبهـا ياليتهـا تــدري
ليتهـا ياليتهـا لــو قــدرت مــره
ان قلبي من كثر شوقـي مـلا صـدري
وان صدري من كبر قلبـي نفـذ صبـره
من ( صباح الخير ) لين الشمس ما تسري
ومن ( مساء الخير ) لين نصير في بكره
والغلا في داخلـي مثـل النهـر يجـري
ليتهـا تـدري بغلاهـا داخلـي شكثـره
هي تحسب اني طلبت الشهـره بشعـري
والله ان حبـي لهـا نسانـي الشـهـره
من يقول ان الشعر بيزيـد مـن قـدري
بس انا شعـري لهـا بيزيـد مـن قـدره
ليتغزلـت بحلاهـا يصطفـق بـحـري
والقصيد يروق لي في عجـزه و صـدره
وان بديت الوصف دوم اختار في امـري
م الجبين او م العيون او أ وصف الغـره
والخدود اللـي مـن الله لونهـا زهـري
وفمها من زود زينـه زاد فـي صغـره
مشيهـا لـو هـو فتنـي والله بـعـذري
قدهـا الميـاس يشبـه ميلـة الـزهـره
كل شي فيهـا مـن الله خلقتـه مغـري
وقلبهـا خيـره يغطـي دايـمـاُ شــره
العطرهـو يشتريهـا لـو نـوت تشـري
وردة ٍ والـورد دايـم يعـرف بعـطـره
هي هواي وهي بعد لي قلبـي وعمـري
وابتسامة خاطـري لـو خانـت العبـره
ليتها تدري عن اللي يدور فـي صـدري
وليتها تـدري بغلاهـا داخلـي شكثـره

وفي ختام الأمسية الرائعة قدم رجل الأعمال الأستاذ مشاري المشاري منظم مهرجان صيف حائل27 شهادة شكر ودروع للشعراء للمشاركة .

http://www.fadhaa.com/vb/attachment....9&d=1153304519

http://www.fadhaa.com/vb/attachment....8&d=1153304519

http://www.fadhaa.com/vb/attachment....0&d=1153304519

صور من الأمسية :

http://www.fadhaa.com/vb/attachment....4&d=1153304519

http://www.fadhaa.com/vb/attachment....8&d=1153304156

http://www.fadhaa.com/vb/attachment....7&d=1153304519

http://www.fadhaa.com/vb/attachment....2&d=1153304156

http://www.fadhaa.com/vb/attachment....1&d=1153304519

http://www.fadhaa.com/vb/attachment....2&d=1153304519

http://www.fadhaa.com/vb/attachment....3&d=1153304519

ولكم من قلبي اطيب وارق تحيااتي

اخوكم المحب لكم