منتديات بعد حيي

منتديات بعد حيي (https://www.b3b7.com/vb/index.php)
-   منتدى اوراق من ذائقتكم (https://www.b3b7.com/vb/forumdisplay.php?f=89)
-   -   ياللي تمر البال ياللي تمره (https://www.b3b7.com/vb/showthread.php?t=124764)

نسمات 05-09-2014 11:58 PM

ياللي تمر البال ياللي تمره
 


تفهق يمينك عن محياك غره


وشوفتك تفهق عن حياتي خطرها


ياللي تمر البال ياللي تمره


وين أنت يانور العيون ونظرها


وين أنت ياجم الجمال ومقره


ياللي شبوحك ساكنتني صورها


تعال لم واعتب علي وتشره


تعال ياورد الحياه وزهرها


وارسم تباشير الفرح والمسره


وامسح عجاريف الزمان وكدرها


ماتدري إن العمر فالعمر مره


ولاتدري إن النفس عافت قدرها


داله وأنا اللي مع نجوم المجره


في ليلة ٍ ماأسرج سماها قمرها


أرقبك والفكرة على الكيف حره


ماعاقها الهاجوس وإلا حصرها


راحت تسوق القاف مدري تجره


والسحر مرساها وفكري بحرها


تومي على راس الغرير وتغره


وإلا غزير العرف مايحتقرها


ليا ضيقت جول الصدور الأزره


كم من مسيلة سيلها ماحدرها


وكم خالفت خطو العطوف المدره


وكم غيمة ٍ ترعد وتمسك مطرها


ياغرسة ٍ غراسها ماتسره


كم غرسة ٍ تغرس ويجنى ثمرها


ماكل من غاص البحر جاب دره


ولاكل من قال المعاني صخرها


والهاجس اللي جر الأشواق جره


هاض المشاعر لين فجر نهرها


والشعر أنا قد عفت خيره وشره


من ناس ٍ يقدي عماها عورها


خلوني أقفي عنه حلوه ومره


لو هو على صاف المشاريب يرها


واليوم مافي نقض فتلي مضره


لا صرت أبا اوجز كلمتي وأختصرها


,,,,


الشاعر / فاروق العتيبي


ماجد الحربي 05-10-2014 12:35 AM

نسمات

إنتقاء جميل ورااائع

صح نبض شاعرها ويسلم ذوقك

يعطيك العافيه

براق 05-10-2014 02:53 AM

النسمات
ذوق راائع ومميز
كاانتي
سلم احساسك العذب وانتي
الله يسعدك ويرعاك ولاعدمناك

انتراوي 05-10-2014 05:21 AM

قصيده روعه وذوق اروع

تقبلي مرروي

همس الجنوب 05-10-2014 11:48 AM

صح لسانك ولسان شاعرها
نقل مميز ورائع كروعة حضورك
لاهنتي

على النيه 05-10-2014 01:26 PM

نص عذب
وأحسآسك مرهف غآليتي
لآعدمتك يآ عطر ,,,

رواء الروح 05-10-2014 03:03 PM



رائعه وربك
ل ذائقتك ترنيمة خاصه أستلذ بها دوماً
ل نبضك تراتيل من السعادة
لاحرمناك

نبراااس 05-10-2014 03:24 PM

يسلم شعورك
العذب
ولاهنتي

وتم بعيد 05-10-2014 11:42 PM

نسمــآت الغـلا
ذائقه بجمآل احساسك وَ روحك
يسلّم قلبك وَ كلك يّ أنيقه
إلهي يسعدك ولا يحرمنا اياك حبابه
~

عقاب النهار 05-11-2014 11:23 AM

نقل مميز كتميزك
يعطيك العافيه ولاهنتى
تقديري واحترامي

الغند 05-12-2014 09:37 AM

فديييييتك حبي
كلك ذووووق ياملا العاافيه

نسمات 05-13-2014 08:54 PM

شكرا لكم على مروركم الطيب
لاعدمتكم
واحد واحد
واعذورني على الرد الجماعي


الساعة الآن 04:31 PM.

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

mamnoa 5.0 by Abdulrahman Al-Rowaily