|
ريق صبري
مدخل صَدري المُوجوع للرّمْق الأَخِير و ريقْ صَبرِي بلّله بعْدك " هَوا .. صاحبي ‘ والدّمع في عِيني كثير قمْ نفلّ الحزْن / ونغنّي سَوا ! عمق أنا شِـ اللي معنّيني وأفكّر بالجفا والضيْق . . مدام الله مقدّر لي قضَائي يعْني ارضى بِه أنا لازم أشوف الضحْك واسعَى للفرَح وافيق . . وأحسب حْساب أحلامي واسكّر للعَنا بابه أنا من هالمِسا بعْلن تمرّد ضحكة التّوريق . . بنسّي قلبي الذكرى مع انّه ذنْب ما تابِه بشطّب من ورَق دفتر حياتي بالقلَم تفريق . . شتات الجَرح والطعنات وهْمومي وما شابَه بحمّل خافقي يبْصر خًفايَا والنفوس تْطيق . . كلافَة نظرتي ‘ وإلا وجيه الناس (تتشابه) ببطّل سآلفة باني اجَامِل وابْلتع هالرّيق . . إذا قالوا لي أخبارك ! وقلت : بْخير , واهْنا به أنا يَ هالفرح كنّي تنفّست القَهر بشْهيق . . ولا ألحقتَها زفرَه .. وبان مْن العنا نابِه بعلّم حلمي يْعانق بِعاد الغيْم ؛ والتّشريق . . وافهّم ضحكتي تجبر غُصون الجرح واسرابِه كفايه والحزٍن شايب قضَى بي عمْره بْتحريق . . رُماد الذكريات وطال دربِي بعد ما شابِه خلاص ! وقلتها لأني تعبْت شْهور من تلفِيق . . حكايات الفرح ، والضيق ماودّا ولا جابِه (أنا) بنهي تعاقُد قلبي وعُمري معَ هالضّيق . . وبدعِي ربي يْقوّي عزيمَة نفْس مِرتابه " مخرج يا حَزين الحَرف كم فيني لِبثْت ؟! صاحِبِك من آه ما ذاق ‘ المَـرَاح وانّ نِشدْك النّاس عن شعرٍ [ نفَثْت ] قلّهم : بطّـل تعاويذِه .. ورَاح ! قلّهم : بطّـل تعاويذِه .. ورَاح ! قلّهم : بطّـل تعاويذِه .. ورَاح ! لأرواحكم النقيه |
المُخـتـلـف
من المدخل الى المخرج ألييييييمه كَ العاده ذائقه مترفه وَ متميزه شاعرنا يسلّم قلبك وَ ذوقك يّ أمير الهي يسعدك وَ يديمك ~ |
هلابك براااق ولك الشكر والتقدير على حسن الإختيار
لاعـــــــــدمنا وجووودك. |
صح بوحك يا انيق
دمت لنا بحسن اطلالتك وما تختاره لنا صولجان تقديري |
براق
أنتقآء يعانق الغيم بترف أنسكابه ذآئقتك ممطره واحسآسك مرهف يآ نقي ،، |
منورين
ياغالين ماخلا ولاعدم |
سلمت يداك ابدااع راائع شكرا |
| الساعة الآن 04:36 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010