فرقَى اللقاء .!
 

حزني كلاني مثل ماتاكل النملة
السكر اللي وقع من كاسة الشاهي

ليت الحِزِن لاوصلني ياصلن جملة
ولايجيني مْفَرّد أو أنا ساهي

ماعاد فيها عقب فرقَى اللقاء صملة
توعّد الحزْن ليلي وانكسر جاهي

وش فيه باقي معي من باقي الحمْلة
حتى يكون البعير شعيل متْباهي

يازامل الزمل مايحتاج له زملة
يحتاج له شيخ قومٍ لا ادْبرت راهي

اللي إذا ضاقت الأوضاع يجهم له
مهو مْتحرّي بزوغ الشمس يالفاهي

لولا الجبل والشعيب ولمعة الرملة
والله فلا اعيش يوم ان الردي لاهي

ماعاد فيها عقب فرقَى اللقاء صملة
توعّد الحزْن ليلي وانكسر جاهي

وش فيه باقي معي من باقي الحمْلة
حتى يكون البعير شعيل متْباهي

يازامل الزمل مايحتاج له زملة
يحتاج له شيخ قومٍ لا ادْبرت راهي

بيض الله وجهك يابوخليفة وصح لسانك بحجم الكووون
تقبل إعجابـي وأجمل تحياتـي لاعـــــــــــدمنا وجووودك.

تم التقييم

حزنك جبل ما تهده ريح ولا عِلّة
وأثرك صبورٍ ولو صكّتك لياليه

تمشي على الجرح لكن خطوتك ذِلّة
للهمّ، وانت السنام اللي يعاليه

إن ضاق صدرك ترى الرجال ما تِمِلّه
تصبر وتصنع من الصبر معانيه

ما كل ثقلٍ يبين الحمل في الشِّلّة
بعض الثقل في ضمير الرجل مخفيه

اللي كسر جاهك اليوم بكرة يذِلّه
وقتٍ يعيد الأمور بميزانيه

وانت إن حضرت المواقف صارت مِحَلّه
للحق، لا مالها إلاك راعيه
صح قلمك

عساك للعافيه الصافيه
مبدع اخوي الشاعر عياده الجهيلي
ربي يحفظك

عشت وسلمت ويسلم بوحك الراقي

حياك الله ابوطارق وصح بدنك والف شكر لك
على الحضور والتقييم

حياكي ربي مشرفتنا فرح الايام وصح بدنك
والف شكرلكي

حياكي ربي اختنا زفرات الصمت وصح بدنك وآمين على دعائك
والف شكر لكي

حياكي ربي اختنا بقعاويه والف شكر لكي
الله يحفظك

حياك الله يالذيب وعاشت ايامك وسلمت
والف شكر لك

الله يعزك ويسلم لسانك وبنانك

كل الشكر والامتنان على روعهـ بوحـكـ
وروعهـ مانــثرت .. وجماليهـ طرحكـ

صح لسانك اخوي عياده

صح لسانك ابو خليفة
وسلم بنانك والطيب والتميز والتألق والإبداع طبعك وعنوانك . كتبت وأبدعت وتألقت وأمتعت بإحتراف راقي
دمت وسلمت يابعدي