آآه يا شبــاك ريــم !!
 

اه يـا شبـاك ريـم اللـي مقابـل للحديقـه
.....................كل مانامت عيـون النـاس صحينـاك معنـا

تستلـذ بهمسنـا المجنـون ويبللـك ريـقـه
....................تحتمل نار العتاب وتوجعـك دمعـة وجعنـا

كم غسلنا وجهك النعسـان بالدمـع وحريقـه
...................كم على عيونك تقاسمنا الوصال ومـا شبعنـا

وكم رسمت احلامنا في قلوبنا صدق وحقيقـه
..................كم صدقنا في مواعيد الغـرام وكـم رجعنـا

اه يا شباكها الغرقـان فـي العيـن الغريقـه
..................كيف مرت خطوة العمر الجميل ومـا سمعنـا

وكيف طاح الليل في كاس الوصل واخفا بريقه
................وكيف نفس الموعد اللي قد جمعنا ما جمعنـا

منهو اللي خان من غير عن احبابـه طريقـه
................أنـت يا شباكهـا والا بــداوة مجتمعـنـا !

او انا او هو زمن( مهدي )حبس وجه الطليقه
................ليـن كفّنـا بقايـا أحلامنـا فينـا وطعـنـا

اه ياشباكهـا فرقـى الحبايـب مـن يطيقـه
..............ومن يطيق الحب لاضاعت مواعيده وضعنـا

واه ياشباك ريم اللي شـرب وجـه الحديقـه
..............ذبلت زهور الغرام وضاعت الأحـــلام معنا



رائعـــة الشاعـــر // عبد الله عطيه الحارثــي

ملاكي الحنون

تسلمين يالغاليه على هالقصيده الرائعه
صح الله لسانك و لسان الشاعر عبد الله عطيه الحارثــي

وردة العين

ملاكي الحنون

شكرا لك علي نقلك

[align=center]ملاكي الحنون

عفااااااااااااااك الله اختي

احااااااسيس وكلماااات مثل الدر


لله درك ورد ذوووقك العذب


وصح الله للساااانك وللسان شاعرهااااااااااا


بنتظار جديدك المميز

لك مني التحاياااااااااااااااااااا


اخوووك


ابو الشعثاء[/align]

ملاكي الحنون

الله يعطيج العافيه ع هـ نقل القصيده الرائعه

حمامة السلام

صح لسانه الشاعر عبد الله عطيه الحارثــي
وعافاك ياملاك
على هالنقل