بسم الله الرحمن الرحيم

مساء الخير .. للجميع


أنثر بين أيديكم


هذه القصيدة .. وهي

من احب قصائدي إلى نفسي وإلى نفوس الكثير

(( مع أنها تعرضت لسرقة فكرية)) وقام أحد المتطفلين بنسبها إلى نفسه وإلى قبيلته ( المحترمه طبعا)
ً
فأحببت ان أضعها بين أيديكم

في زيها الحقيقي وثوبها الاصيل

...............

إليكم القصيده

....

..

في غربتي عيني على مطلع الشمس=لـي لابـةٍ مثلـه علـوّه وضّـيـه
لا غبت عنهم ينحمس خاطري حمس=وأرضى إذا جيت النفوس الرضيّـه
بعض الخلايق ذكرهم يجلب العمس=وبعض الخلايـق ذكرهـم شاذليّـه
وأنا هلي بنٍ مـع أرناقـه الخمـس=من لامني لاصـرت كلـي حميّـه
لي لابةٍ تاريخها يرفـض الطمـس=بكتب العجم لـو خانـت الأبجديّـه
تِسمع بعال الصوت لو تنطق همـس=صفحة فخر يصعب على الناس طيّه
أمجادها باليوم .. وأمجادها بأمـس=لها عـروقٍ عبـر الأزمـان حيّـه
ولي ديرةٍ يطرب لها الحكي والرمس=حايـل وحايـل تحـفـةٍ حاتمـيّـه
حايل لو إنه ينلمـس حبهـا لمـس=أبصـم وتظهـر بصمتـي حايليّـه
أنا من اللي عزهم يشبـه الشمـس=أحرار طي .. وعزوتـي شمريـه
والله ... مالي عقب ماطبّق الخمـس=إلا الوفـاء للشـمـري والحمـيـه

....



وسلامتكم

تقبلوا تحياتي/

فالح الناهي