ابوك يتزوج على امك
 

سؤال :: (أبوك يتزوج على أمك) سجل موقفك.. توافق وتحضر زواجه وإلا لا ؟؟!!

بحكم أنه حلال بالشرع التعدد للرجل .. وله أن يعدد ويأخذ 4 زوجات .. طبعا دون الجمع بين الأختين أو البنت وخالتها .. أو البنت وعمتها . .كما هو معروف .
لكن في حال كنت أنت أو أنتي .. نشأتوا وترعرعتوا في بيت يسوده الود والرومنسيه بين والديك .. صح يكون فيه أحيانا مشاحنات .. بس هذي سحابة صيف واتعدي ..

ولكن فجأه .. يتغير الوضع .. وتحس التوتر و الغموض يكتنف أسرتك.. .. وحسيت إن ( الأمر أمر ) و أبوك مخبي شي ...

ومع التنبيش اكتشفت ان ابوك عقد قرانه على عروس جديده .. وفي عالم ثاني ....

وأمك المسكينه .. حاسه إن الموضوع فيه إنّ .. لكن مهيب قادره تجزم ...
وجا موعد الليله الكبيره ...


شو راح يكون موقفك:

====================

1- بتصارح أمك وتقنعها إن الوالد معاه حق ..بس ما تحضر !

2- بتتناقش مع أبوك.. وتقف في صف الوالده.. وتثنيه عن عزمه .. وتفركش الزواج!

3- أو بتبارك لأبوك .. وتحضر معاه العرس .. وإنت مرتاح الضمير !

4- والا بتخاف على شعورأمك .. وماتحضر العرس .. وتزعل منه مع الوالده !

5- ... سجل موقف آخر لو فيه ؟؟؟

نقلته لكم لاني واثق من صراحتكم
وحبكم لمناقشة مثل هذه الامور

احترااااماتي

جرح الهجر
موضوع رائع لو انه يقهر http://www.b3b7.com/vb/images/smilies/cool.gif
عن نفسي وبما اني يمكن اكون في يوم من الايام بموقف أمي فلن ارضى بهذه الزيجه http://www.b3b7.com/vb/images/smilies/090.gif يعني راح اناقش والدي واذا لم يقتنع راح اقف بصف والدتي ولن احضر هذا الزواج مهما حصل http://www.b3b7.com/vb/images/smilies/h73.gif
كل الشكر لك على موضوعك الحساس
يعطيك الف عافيه وبانتظار الجديد
سهر

شي عادي الحين
اخوي
الزواج
وبقنع الوالده
اكيد
وشكواي لله الاب لازم اطيعه والام كذالك
وشر لابد منه

تشكر على موضوعك جرح الهجر

مرحبا اختي سهر
اشكرك على ردك الحساس
والله يعافيك

مرحبا
عشوق
و
منذر
و
بدر البدور

انتم راح تحضرون ومألومكم لانكم اذا ما حضرتوا
ما راح تسلمووون من كلام الناس
والنقطه الثانيه ماراح تكووون فرحتكم كامله
لانكم اذا رجعتوا للبيت راح تحصلووون دموووع الوالده

واسعدني ردودكم

جرح الهجر

اكيد راح احضر وزواجه من وحده ثانيه كفله له الشرع وهو حلال

اما بالنسبه للوالده اكيد راح اقعد معاها وافهمها بكل هدوء

وهذه سنة الحياة

شكرا لك علي موضوعك

هلا الحيران

كلام منطقي وجميل
اسعدني حضورك

جرح الهجر موضوع جيد ولاكن من وجهت نظرى ان كلا يميل لجنسة

فترى اغلبية المعاضة تاتي من الأناث . لنها تتخيل أنها في موقف امها

فترى تمقت الزواج وبقوه . أما الذكور فألأمر ارى عندهم عادي له يفكر

بالزواج

مشكور على موضوعك
احاول اني مااعترض على شرع الله
بالعكس قد مافيني احاول اصلح الوضع
واهدي امي
وهو شرع الله وعلينا ان تقبله بكل خضوع

الصارم
و
احمد

اشكركم على تواجدكم
وطرح ارائكم الجمليه

صراحه عادي واكثر الان
صرات عاديه جدااا
شكرا لموضوعك
جرح الهجر

هلا ولد الخبر
بس مهما كانت الزوجه تعتبرررها قهر
حتى لو بالغت بانها راضيه

واسعدني حضورك

جرح الهجر

تسلم اخوي على هالطرح

من قرائتي للموضوع وردود بعض من اخواني الاعضاء مت قهر
صح ان الاسلام و الدين حلل لرجل انه يتزوج 4 ولازم الابناء يتقبلو هالشي
و يحضرو الزواج
بس الام محد يفكر فيها ؟؟ كيف بيكون شعورها لو عرفت ان زوجها
الي كان ملكها و ابو عيالها و الي عاشت له خدامه سنين طويله
يروح بكل بساطه يتزوج عليها من غير لا احم و لادستور
بس كذا نزوه و اهيه ابد مب مقصره بحقه في شي !!!

عادي احضرو الزواج و صبوا القهوه و غيره
بس تذكر ان امك اللي حملة فيك 9 شهور و شافة الموت لما ولدتك
و ربتك احسن تربيه
و سهرت اليالي علشانك و طول الوقت تداريك و تحاتيك و قلبها و عقلها مشغول
كله فيك كل هذا ماله قدر عندك ؟؟!!!
بكل سهول بنحضر زواج ابونا و ننسى الام الملاك الي قاعده في البيت
و قلبها محروق !!

المهم اما عني انا لو ابوي فكر يتزوج
ما نقدر نقوله لا
بس مستحيل احضر زواجه
و اسلوبي معاه بيكون عادي و تعلقي و حبي بامي بزيد اكثر منه
الانها بتكون معانا اكثر و اهتمامها لنا ابد ما بيتغير و بتكون مثل ماهي
لكن الاب بعد الزواج بيلتهي و بنشغل بالعروس الجديده و بينسى انه له
اولاد و زوجه

عسى ربي لا يجيب ذاك اليوم^_*

و السموحه منكم

وردة العين