|
خــشـوف حــايــل
يامدير اهل المحبه خافقي مظلومي=اخبروا لي سيدات اهل الهوى والساده وقل لهم هذا طريحن بالهبايب يومي=من خشوف اريام حايل واعسى ماعاده ليت عين اللي حرمني من لذايذ نومي=لو يعاف النوم مثلي في ليان وساده يوم يجرحني ويرخص في هواي السومي=صابرن واتبع دروبن قلبنا ماراده كل زين الخلق يسكن خدها المرشومي=وهي تهادى عند عيني وجهها لاجداده شفتها وانهار جسمي عقبها وعزومي=والخريف ابعد ربيعي واستوى بشداده ضعت برموشه ولا به ياجماعه لومي=وانتظر فزعات ربعي لاجلها واجواده في بحور العشق غايص قبل اعرف العومي=تايـهن قـلبي بـمـوجـه والـضماير باده السماء تلعج بروقه والعطب مرسومي=والشواطي غير خلي بالهوى مافاده مايطفي جمر نارن بالحشى مكتومي=غير محبوبن قصوره في خفوقي شاده صرت مثل الطير ضايع في مدار الحومي=استدار الراس وابعد تاركن صياده هاربن عن كل ربعي لاتعرف علومي=والهواجس في ظلوعي نارها وقاده ياحسايف ياقـصورن شــدتــها بـــحلـــومي=كلـما هانــت دروبـه عـند وجـهـي كـــاده شفـت قصره عـند عيـني طايـحن مهدومي=وذقت نيــران المــحبــه فـي خفــوقـي زاده وطاح جسمي من عذابه ذابلـن مسمـومي=يـطـرد الصيـده وغابــت شمــسنا ماصــاده غصب عني راح اخلي بابها مردومي=لين يظهر لي رفيقن فزعته مجواده |
تسلم اخوي فواز الغسلان
شاعر طيب مايجيب الا طيب طاب فالك اخوي وصح لسانك اختك |
مشرفنــا .. وشاعرنــا .. القدير .. فواز الغسلان.
قصيدة .. ابداعيه .. لـ أبعــد مدى ..! صح لسانك .. وسلم نبضك .. وسلمت .. ودمت بخير جل تقديري لك ،،، ملاكي الحنون |
روعه صح لسانك
فواز الغسلان كعادتك نجم تضئ لنا طريق الفن الشعري لنرى من خلال اعين وجوهك واقنعتك متعة التذوق الشعري نحتاج جرعات تعميق الرؤية في اشعارك فاكثر منها لنشفى من سوى الذائقة الابداعيه ايها المبدع |
الـــلــــه الــــلــــه
تسلم فواز الغسلان صح السانك وعلا شانك تسلم يمينك على هالقصيده الرائعه ويسلم هالبـــــــــوح المميز يعطيك العافيه يارب واحنا في انتظار جديدك القادم فعلاً قصيده راائعه ومعااني جميله |
تسلم يمينك على هالقصيده الرائعه
لاعدمناك يابو فهد تطربنا دائما بجديدك |
شاعرنــا .. القدير .. فواز الغسلان ابو فهد ياجدي انت يالطربه صح الله لـــــسانك واعتلى شـــــــــانك ولله درك على الجواااهر والدرر نثق تماماً ونجزم عند حضور فكرك وفاتنتك .. بأن لنا موعد مع الابدااااع .. وهنا .. انت تلحق بنا في سماء الابداااع والتميز .. ابوفهد راوينا كن كما انت بخير وصحه وعافيه ودمت لنا وداااام نبضك وهتانك اخوووك سرحان |
فواز الغسلان
صح لسانك وسلمت يمينك مبدع دائما في اشعارك بانتظار جديدك سهر |
المبدع فواز الغسلان
هذا النزف الشعري رائع يارائع حرام عليك ياخوي تحرمنا من هالروااائــع بيض اللـه وجهـك وصح اللـه لســانـك وتسـلم يمينـك وذوقــك وفكرك الدائم لاخلا ولاعدم ايها الشاعر المبدع وبيض الله وجهك ووفقك للخير تقبل تحياتي |
ياحسايف ياقصورن شدتها بحلومي كلما هانت دروبه عند وجهي كاده شفت قصره عند عيني طايحن مهدومي وذقت نيران المحبه في خفوقي زاده وطاح جسمي من عذابه ذابلن مسمومي يطرد الصيده وغابت شمسنا ماصاده غصب عني راح اخلي بابها مردومي لين يظهر لي رفيقن فزعته مجواده الله الله يــــــــــارائـــــــــع يــــــاأميــــــــر الكلمـــــــــه انــــــــت بجـــــــد رائـــــــــــع.. صـــــــــح لســـــــانـــــــــك وصـــــــح منطــــــــوقــــــــك.. |
اقتباس:
طاب فالك انتي عزيزتي لاخلا ولاعدم يالعزوه00 تحياتي العطره لك الراوي00 |
اقتباس:
لك التحيه والتقدير للمرور والتعليق النبيل00 تحياتي يالغلا الراوي00 |
اقتباس:
تعليقك فاق في ابداعه ابداعات الشاعر والقصيده00 هذا من ذوقك يالغالي لاهنت تحياتي الراوي00 |
اقتباس:
تسلم روحك ويمينك على تعليقاتك الحلوه والمحبوبه عزيزتي تحياتي العطره لك الراوي00 |
هلا وغلا ابو فهد
صح لساانك يابعدي مبدع اينما كنت هذا انت تسلم على الكلمات الرائعة لاعدمتك ولا عدمت قلمك يارب تحياتي الساري |
| الساعة الآن 12:44 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010