|
((لغز))ياراكبن من فوق بنت السلوقي((حله العاصوف))
هذا اللغز اسمه (دوخة راع الشعلا) لانه حل كم واحد وانتفخ علينا قام مايسلم بعد0 بس يجي راكبن الشعلا الجرباء ويحل اللغز وهو راكبه ماينزل ويروح0 وهالحين جاك الموت ياتارك الصلاة00 [poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] ياراكبن من فوق بـنت السلوقي=اللي بسرعتها تصـيد الجرابــيع له هـدتن تقـطع قـوي العـروقي=تنـقـل لكم لغزن صعيب المراميع ياويـش رجـلن له مقـام وحقوقي=فـارس سيوفه بالمعارك لواميع اسمه شهيرن مثل ضوح البروقي=اربع حروفن مثل عد الاصابيع حرفــين الاولى منـزلن فيه ضوقي=وتالي ثلاثن لافقدت المفاريع في وسـط قـلـبك للحـبيـب الـنسوقي=لاغـاب وابـطى في بعيد المرابيع[/poem] |
جيتك ماني مطسسه دوخانه وفيني نومه بس عندي رمعه بس لا تضحك علي مدري صح ولا لا ما هو عنتر بن شداد اذا ما هو هو قربه شوي هو صفه او انسان مشهور
|
اقتباس:
حوريه انتي من سرعتك تتعدين اللغز ماتضبطينه زين00 شوفي اللوحه مثلا اذا عقبتيها مسرعه يصير مكتوب عليها بقعاء وتقراه جبه0 هالحين اكثر اللي حلوا الالغاز راع الشعلا لانه راكب عليها وهي من الجوع تاكل من العشب اللي بين الرصيفين وتمشي شوي شوي وصار يفغص من الالغاز ويحل ويترزق الله مع المسلمين0 ويوم نــثرت عليها انا خيشة القردان طارت به من الحكه وشوفيها سج مع وادي النسلي هو واياه00 ولذلك رثاه هو يقول: [poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] يــافــاطـري سالت علابـيـك قــردان=والزيـت بالكـرتـيـل ياهـــيه منــقـــوص جتك البلاوي من فعول ابن غسلان=وصار الدبل ماهو مع الطعس مفحوص اول نــحــل الـلـغـز لـو كـان مـلـيان=والـيوم لاشـفـتـه غـدى الخشم مقصوص اول اجي للمـنـتـدى تـقــل فـسقان=والـيـوم جـاك قـعـيطـلــك يامــلا الـبوص كـنداسـتك تطلع من اسـبــوع دخـان=ولازم تدخــن دام بـلـعــك مـن الخــوص[/poem] علمي به عاد المقرود قاطعن عرق منيذر اللي شمال طعس عشوق وان حوريه تطارده بالددسن هو وجرباه من طعس لطعس تجلده جلد وهو متمسك لايقع والشعلا طايرتن عنها الرحمه يقولون رغاه واصلن السماء000 |
السلام عليكم ورحمه الله وبركاته
وشلونك ابو فهد <<< صاير يسلم هههههههه امممممممم والله اني دخت من الغازك التاليه لكن بنت السلوق سريعه عجزت اميز الغز ورمعه سريعه مثل سرعه بنت السلوقي ماهو( الجنازه) الله يرحمه الجن منزلهم فيه ضوقي يمكن |
وبه رمعه ثانيه قبل ما انام
<< قام من فراشه وجاء يكتب الي جاء باله يمكن ابو فهد يكون [a7la1=FF0000]هــــــــــــــــــــــداج[/a7la1] الهدى<< مكان ضيق بعد وتالي ثلاث( داج)تدج لافقدت المفاريع |
اقتباس:
راع الشعاليل شعللوك الرجال يالعزوه والشمس ماهي بمحله امس اكرب روحك وتمسس ياملا ابازووووووعه00 مالك لوا يالغالي حاول ثانيه يالعزوهه0000 |
امممممممم
طيب طيب ماهو (مطلق) الجرباء اخر ثلاث حروف طلق << من الطلاق وبه تفارق المفاريع والله الشعلا تحضلم براطمه( مثل براطم نانسي هع مير الا) مادري وش تقول ككنه تقول ما خلفة سهرت البارح ولا وبقلبه له بويتات |
اقتباس:
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"] قل لها تلبس مع المشي زنوبه=والكـــنادر بالشغايا ثقــيلاتي او تكون من الشياطين مركوبه=خلنا نقرى لها بعض الآياتي ولغزنا ماجيت يامسندي صوبه=اكرب وروكك وحاول بالابياتي[/poem] |
ياويش رجلن له مقام وحقوقي
فارس سيوفه بالمعارك لواميع اسمه شهيرن مثل ضوح البروقي اربع حروفن مثل عد الاصابيع حرفين الاولى منزلن فيه ضوقي وتالي ثلاثن لافقدت المفاريع في وسط قلبك للحبيب النسوقي لاغاب وابطى في بعيد المرابيع صح لسانك فواز اول اسمه بحرف القاف ؟؟ |
هلا وغلا يالعزوه 000
مالكم لوا يالغالين 00 ويابنت القصيد مالك لوا ماهو بحرف القاف0 الراوي00 |
هلا وغلا بشاعرنا المميز والمبدع ابوفهد
انا من شفت الغز عن اسم توقعت انه من بيننا وخاصه اعداء فواز المعروفين حرفين الاولى منزلن فيه ضوقي وتالي ثلاثن لافقدت المفاريع ابوفهد انا عندي رمعه وعسى تكون صحيحه المنزل الضيق هو(عش)والباقي اذا فقدت الحبيبه(شوق) وعلى كذا رمعتي بحل الغز(عشوق) ومن فينا مايعرف (عشوق) زميلنا العزيز والمميز بالمنتدى اذا حل الغز صحيح الله يعينك ياعشوق على ابوفهد تحمل مايجيك منه خخخخخخخخخخخخخخخخخخخخ تقبل تحياتي ياشاعرنا المميز |
النسيم والله يمكن انك جبته
هاه لا لا لا مانت هادي ابد ننتظر ابو فهد |
اقتباس:
عاش الذيب الجواب صـــــــــــــــــــــح يالعزوه نســـــــــــــــــــــــــــــوق العشوق ياملا ابازوعه ياعشوق اسمك بكبره الحل وماعرفته؟؟؟ كود يجي النسيم ويعلمك ياملا الهشله00 قل لي انت مع بطاقه؟؟ ليش ماتعرف اسمك هاه0 وانت ياراع الشعلا من يوم طاحت ذلولك بالسبط وقامت تنثرهن وراه تقل سبحه وانت مابك خير00 بدل اكلها جرب الشاورما يمكن ينفع00 [poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] الشعلا عجـزت عن عروق النفود=يوم طاحـت عقب الارطى بالصبـط عنها اســم الـدلــه يــذكـر خــلــود=وفـوقــها خـبــلك الـيا هـجـت لـبـط ويـن حـوريـه تـعـقــبـهـا الـحـدود=لاجــل تاتــيـهـا تـقـل نجـمــن خـبـط[/poem] |
صح لسانك يالنسيم الهادي .. جبتها وانت كفو يابعدي
ــــــــــــــ ابو فهد ياعلي ما اعدم هالخشم :) تصدق اني ماسكن كتاب اسمه ( موسوعة حروف الثقافية ) وكن بعيني تشوف بعض الغازك :p وودنا يابو فهد نعطي الناس فرصه .. ونجحت بسياستي هذا النسيم الهادي ماشاء الله عليه صار مبدع وحنا ما درينا :) وترى محاتسيك مقفي عن اخر حروف حل لغزك .. والشعلا قمنا نعبيها بنزين :p واللي ما ياصل النجم يضوي له :) وخلنا نعطي الشباب فرصه << عجز وهو يرقع :p |
| الساعة الآن 10:57 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010