|
مرثية ابن غيث الاسلمي لاخيه عام 1257 للهجره
صاحب هذه القصة هو عبدالله بن غيث بن دباس بن مجيلد بن محمد بن صالح بن محمد بن رخيم الجحيشي الاسلمي الشمري وهو من الأسرة التي تسكن منطقة القصيم وتحديدا بريده وكان عبدالله واخوه ناصر الاصغر يعيشان في حاله فيها شي من الضعف مثل اكثر اهل ذلك الوقت وهو مايقارب 1257 للهجره0 فذهب ناصر للعراق واخذ يعمل ويرسل المال لاخيه الكبير عبدالله حتى تحسنت حالهما بعد الحاجه واصبح عبدالله من اغنياء بريده 0 وكان ناصر بالرغم من ذلك صاحب مجلس وعلوم رجال وعندما تحسنت الحال وضع عمالا بالمجلس لتكون القهوه دائما والمه للزائر والضيف0 وبعد مرور اكثر من عشر سنوات وبينما كان ناصر يفكر بالعوده مرض مرضا شديدا فتوقع انه الموت وارسل كتابا لاخيه عبدالله يقول فيه ابي اشوفك قبل اموت00 وبالحال ركب عبدالله ورحل لبغداد وعندما وصل كان الناس يحملون جنازة ناصر فلم يتمكن من رؤيته قبل مماته فهاج الحزن في قلبه وصدح بمرثيته الشهيره فقال: [poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"] قال بن غـيـثن حاربت عـيـنه النوم =عبدالله الصابر على حكم والي لفا الكـتـاب وصار بالقـلب معـلوم =يذكـر لنا اللي من بعيد يسالي يامال عين شافت الخط مرشوم =تبشربطـوي اليـاس وفراق غالي دنـيـت مايطوي الفيافي من الكوم =ثـنـتـيـن لـمـا تــركن الجــفـالي متـعـلٌي باكوارهن كل شغموم =ضاري على قـطع الفجـوج الخوالي في فرجتن مابه صديق ولاحوم =محذى الوحوش ومهرف الذيب خالي تضالعن عقب الزعانيف والزوم =وقلت اصبرن يانوق هــذي فعالي كم ماردن مع طلعه الشمس مدهوم =يتـلـن مـواردهن غــديرن زلالي اسري بليلن خرمسن مابه نجوم =واصبح على دو(ن)سرابه يلالي مضامي(ن)مابه صديق ولاقـوم =نسقي ونوردهــن قراح زلالي يوم استقل الدرب عن كل زيزوم =وافـقـن مع جـسرالمـسيب عجالي طبيب بغداد الـمسـمى تخـت روم =انشد ولاأدري ويـن ربـي نـوالي كني غـشــيمن تايه الدرب منجوم =غريب دار ويعــلم الله بحـــالي لفيت بيت العز والحبل مبروم =وفكرت باركــانه والى البيــت خالي واللي يناطحــني دخيلن وسلٌوم =وعلي يفــجــع يوم شافــن شكالي قلت الخبر عن ناصر قال مرحوم =جبرك على الله واعتصم لاتسالي وسجمت اعالج زفرة البين بهموم =وصفقت باصباع اليمين الشـمالي وعلى وزيـن الـروح ماناب مليوم =حـيــدن يدنى للحــمول الثــقـالي قلت آه من وجــدي وقول آه مذموم =وجد الجــمـيـلي حين قفا وشالي لو يـنشـرى أشريه واغليه بالسوم =وافـديه بـعـيـالي وحـالي ومـالي كبــدي وجـيــعة ماتبي كل مطعوم =والشرب لو هو من حليب الـمـتالي وقعدت انا مااحبي ولاامشي ولااقوم =وصبرت صبرمحجُرات الجمالي وغديت مثل اللي عن الدرب منجوم =وتغـطـلـست صارالجنوب الشمالي انحـب نحـيب الورق والعي كما البوم =واقـنـب كـما ذيـبن لقا الجو خالي والا علـيــلــن مســتـه سقــوة الروم =تـداركــن بـه مـعـسرات اللــيالي على وزين الروح مانيــب ملــيـوم =والله مايجــلي عــن الكــبد جــالــي كيــف ابانام وساقــف البــيـت مهدوم =عـضيــدي اللــي بالمـودة صفالي مايـوم كــدر خاطري دايم الدوم =ولاعــمــر يومــن قــال ذلك وذالي صــغــير ســن مــات والموت مقسوم =ولاينـفــع النواح كــثرالعوالي اخـوي خادمــني وانا كـنت مخدوم =وحــاش الــمراجل دقــها والجلالي له سفــرتـن تلــقا بها الزاد وشحوم =والعبــد عــند مراكـيـات الدلالي مــن ضــلــع سنجارن لياخشم لملوم =والـضــيف يقرى والعطايا جزالي كــثر البـكا يـرث عمى العين وهزوم =وكــثرالــبكا يالعــين ماهو بجالي مالك عن المكتـــوب يالــعــبد ملزوم =باللــوح مــالك حــيــلةٍ واحـتيالي عــساه بالجـــنة عن النار محــروم =مــتــبــهـجن مــع صالحـين العمالي[/poem] |
[align=center]رااااوي الجبل
ابو فهد لاهنت على هذي القصه والمرثيه الي تقطع القلب ياااا مال الغنااااة يابعدي داااايم سوااالفك طيبه يالقرم لك مني التحايااااااااا اخوووك س رح ا ن [/align] |
اقتباس:
هلا وغلا مليوون ولايكفوون يالعزوه00 ولو ماللشخص من الجمهور غيرك لكان كافيا جدا00 الراوي00 |
سلمك الله وابقاك لنا رواي وشاعر
وقاصص ماقصرت لك كل الشكر والتقدير |
اقتباس:
العزوه تذكار00 هلا وغلا مليون ولايكفون ومشكور جزيل الشكر على تعبيرك الغالي والمحبوب الله لايهينك يالعزوه تحياتي العطره بريح الورد |
سلمت فواز على المشاركه
الي عرفتنا على شي ماكنا نعرفه اسعدك الله ووفقك ربي كل الشكر لك |
اقتباس:
سحابة شمر يالعزوه00 اشكرك جزيل الشكر على المرور والتعليق النبيل00 الراوي00 |
الله يعطيك العافيه ويسعدك يالغالي..
مجهود قمة في الروعة كل الشكر لك.. تقبل مروري.. بقايا حلم.. |
لاهنت ابو فهد علي القصه والقصيده
وودنا نشوفك عند فيصل بن نجيفان هناك لانك قطعت والله لايهينك |
اقتباس:
العزيزه الغاليه بقايا حلم00 هلا وغلا والله000 مرورك نبل وتعليقك تكريم وشهادتك تشريف لي ولحروفي اشكرك جزيل الشكر على ذلك واتمنى لك التوفيق 0 دمتم بود ومحبه0 الراوي00 |
اقتباس:
اخوي العزيز بدر الشمري00 هلا وغلا ومشكور يالعزوه على تعليقك الغالي00 راح تشوفن قريبا عند الاخ فيصل0 الراوي00 |
الله يوفقك اخي على ماكتبت
الرججال تعرف الرجااال وعلومهم وانت رجل متمكن من كل ماتقول اسعدك الله |
فواز الغسلان
تسلم اخوي على هالسالفه وربي يعطيك الف عافيه يا راوينا الرائع وردة العين |
اقتباس:
الاخ العزيز هباس00 تشرفت بمرورك وتعليقك النبيل وكل الابداع هو ماورد في حروفك الفاضله النبيله0 فتقبل احترامي وتقديري واعتزازي الكبير بك وبحروفك00 تحياتي العطره بكل بود الراوي00 |
اقتباس:
الغاليه وردة العين00 كلي فخر وشرف واعتزاز بمرورك وتعليقك ومشاعرك واحاسيسك الصادقه تجاهي اتمنى ان اكون عند حسن ظنكم واشكرك على تشريفي بالمرور تقبل تحياتي العطره الراوي00 |
| الساعة الآن 07:26 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010