|
الحنيش اللي طردني عن غداي
طبعا هذي قصه حقيقيه لذلك اوردتها في هذا القسم وهي اني في يوم من الايام طلعت للصيد جنوب بقعاء لوحدي وكانت الارض جبليه وعندما جيت اسوي الغداء على الطيور لوحدي وجيعان جدا اخترت مكان ليس له الا مخرج واحد لان الظلع وراي ويميني ويساري طلحة شوك0 وفجأه على المدخل امامي نزل ثعبان وصار بطريق خروجي ومالي عبور الا عن طريقه او اقفز الطلحه وهي شوك0 وطبعا اخترت القفز اكيد00 وقد حدثت مثل هذه القصه للشاعر فهيد الفرج ولعلي احصل على ابياته واعرضها لكم 0 اما انا فقد قلت بعدها :
لاسـقـى الـلـه لـيـالـي طـلـعـتــي بالـشـعـيب=مـارويـتــه ولـكـن ذقــتــهــا مــن شــقـــاي قـصـتـن لـه بـقـايـا فـي حـــيـــاة الاديـــب=ابـي اصـيـد الـقـمـيـري واكـبـسـه فـي غـداي فـي جـحـيـم الـقـوايـل والـهـبـايـب لـهـيــب=جـايـعـن عـقـب لـقـمـه ذقـتـهـــا فـي عـشـاي وقـمـت اسوي طـعـامي عـنـد ظـلـعـن قريب=وطـلحـة الـشـوك صـارت لـلـذرى فـي قـفـاي ويـوم زان الـقـمـيـري صار ريـقـي صبـيـب=قـلـت احـطـــه ولا احـدن راح يـاكـل مـعـاي انـطـلـق لـي حـنـيـشـن مـن شـقـوق الشـطـيب=والحـنـيـش الـمـنـقـط هـو سـبـايـب غـثــاي اسـودن ســـم نـابـه مـايـفــيـــــده طـبـيـــب=وخـفـت مــن لـون عـيـنـه لاتـسـبــب عـمـاي والـلـه ان الـجـدايـل مـن عـيــونـه تـشــيــب=وشـوفــة الــداب يـلــسـن بالـخـلا هـو بـلاي صار صـدري شـخـيـره بـالـحـنـايـا غـريــب=والـشــجـاعـه نـسـيـتـه مــن مـواجـع كـلاي وقـمـت اراعي طـعـامـي مـن ردات الـنـصـيـب=وهـبـرة الـطـيـر دايـم هـي نـهـايـة غــلاي لـو خـذيـنــا دقـايــق مـن لـعـيــن الـصــلــيــب=وطـلـحـة الـشـوك دربـي لو تـحـقـق مـنـاي وقـمـت افـكـر بـذبـحـه في طـويــل الـعـسـيـب=دام هـو فـي طـريـقـي قـاطــعــن مـبـتــغـاي لـو قـضـعـنـي بـنـابـه شـمـس عـمــري تـغـيـب=وتـفـقــد الـنـاس كـلـه طـيـبـتـي مـع حـلاي اقـطــم الـذيـل هــذا نـهــشــتــه مـاتـخــيــب=ولـو يـنـوشــن بـنـابـه كــان امـوت بـضـحــاي وقـمـت اراقـب عـيـونـه مـثـل عـيـن الحـريـب=وسـدرة الـشوك طولي راح تـشـعـط خـصـاي صعـب اقــابـل بـخـيـلـن طــق بـابـي طـلـيـب=ومـن نـفـخ عـنـد وجـهـي ضـاع مـنـي رجــاي وهو يـجـيـنـي وانـا اقـمـز مـع طـريـقـن صعـيـب=طـايـرن ياجـمـاعـه فــي غـبـايـب سـمـاي اوجـس الـنــاس تـحـتـي والـخـوافــق حـطـيــب=عـقــب ماكـنـت قـاعـد سـاجـعـن فـي خـلاي كـيـف قـلـبـي تـعـــدى مـادري بـالــقــلــيــب=ولـو تـهــلـفـيـت وسـطـه غـيـر يـقـطـع ضناي خـطـوتـيـن وقـــمـزتـه كالـحـصـان الـعـريـــب=ولو بـغـيــت الـمـبـارز كـان طحـت بخـطـاي صار لــي مـن عـيـونـه بـالـشـغـايــا هــذيــب=وهـو خـسـيـسـن واخـبــره يـبـي يـلـعـن ثواي لـو بـغـيــت اتـعــدى لـلــهــلال الــخــصـيــب=سـرعـتــي فـي زيــــاده لاذكــرتــــه وراي الكـتـاده وطـــيـــتـــه بـــس شــوكـه حــبـيـب=والــشـمـاغ بـيـمــيـنـي قـاضـبـه مـن ذكــاي دام راسـه عـريـضـن تــقـل عـلـبـاء خـطــيــب=وش يـفـيــدن قــبـالـه يـاجـمــاعـه عـصـاي خـطـوتـي خـمـسـة اذرع بالشـجـر والـكـثـيـب =وكـل صـوتـن بـجـنــبـي يـقـلعـن عن مـــداي واحــمـــد الـلـه لـحـالـي مـانـظـرنـي صـحـيـب=كـان اكـابــع لــحـالــي مـاذكــرت اخـويــاي |
خطوتين وقمزته كالحصان العريب
ولو بغيت المبارز كان طحت بخطاي صح لسانك يالحصان يسلمك على القصه بارك الله فيك |
ماقصرت عافاك الله
على القصه والقصيده ابن غسلان ونعم فيك وبسوالفك |
ماقصرت فواز الغسلان
قصه بالفعل رائعه خصوصا انها لك صح لسانك على ماقلت ماننحرم منك |
ويوم زان القميري صار ريقي صبيب
قلت احطه ولا احدن راح ياكل معاي صح لسانك ياعزوتي انت وسالفتك وقصيدتك |
الله يلبسك العافيه
على موضوعك الشيق قصه رائعه وقصيده اروع |
وقمت اراقب عيونه مثل عين الحريب
وسدرة الشوك طولي راح تشعط خصاي هههههههههههههههههههههه صح لسانك اجل الملويات فكهن الله من الشوك هذولي جح مو فيدوات لكن وينه هالحنيش والله اني ابي اذبح له الي فضخ قلبك |
ابو فهد الحمد الله على السلامه الله لا يبااارك بهذا الدااااب الى فظخ قلبك وحرمك من غداااااااااااااااااااك لاهنت على السالفه والقصيده بيض الله وجهك لك مني الغلا اخوووك سرحان |
اقتباس:
الا خ العزيز نوفاني000 تشرفت بمرورك الغالي وتعليقك النبيل الراوي00 |
ياعزوتي والله
فواز ماقصرت عافاك الله على القصه والقصيده |
ياحبيبي يابو فهد اثري الحنيش حاشرك انت وقمريك
اضحك الله سنك يافواز :) طيب كان رجعت عقب وكليت القمريه الظاهر من الخرعه ماوقفك الا دوار بقعاء هذه اسثناء يابو فهد من الشجاعه لأنه أمر طارئ ولا أخبرك من شجاعتك تمسك الحنيش وتطبخه مع القمري ياملا العافيه والله يابو فهد وصح لسانك يالعزوه عشوق |
خطوتين وقمزته كالحصان العريب ولو بغيت المبارز كان طحت بخطاي هههههههههه ماشاء الله عليه كله خرررررعه صار لي من عيونه بالشغايا هذيب وهو خسيسن واخبره يبي يلعن ثواي لو بغيت اتعدى للهلال الخصيب سرعتي في زياده لاذكرته وراي الكتاده وطيته بس شوكه حبيب والشماغ بيميني قاضبه من ذكاي دام راسه عريضن تقل علباء خطيب وش يفيدن قباله ياجماعه عصاي خطوتي خمسة اذرع بالشجر والكثيب وكل صوتن بجنبي يقلعن عن مداي خخخخخخخخ عووووووووووافي يابوفهد الف شكر لك وربي اني مت ضحك.. |
اقتباس:
اشوف شكلكم مبسوطين وفرحانين علي؟؟؟؟ احسبكم تبون تاقفون بصفي وتمدحون شجاعتي على هالقمزه اللي من طوله قمت اشوف الناس تحتي واثريكم فرحانين علي بالشر ياهالشماته وجع00 |
ماعليك يابو فهد
من الغيره البنات يستابقن يبن يشوفن جتك اصابة من القمزة ولالا هههههههههه |
اقتباس:
ياعشوق ماهي سالفه اوجس ان رجولي ماتت بالدقايق الاولى وعقبه جاني لي نشاط والله تلقى شاربن لي بانزين طياره00 |
| الساعة الآن 07:19 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010