|
ليت لي من نسل وايل من يعرف ظروفي
ليش تفرح ياغناتي يوم طال وقوفي=ويوم شفت الدمع لاجلك بالخفى ذرافي اعترف لك في لهيبن يشتعل في جوفي=وان قلبك بالمحبه ماحلب لي صافي شلت قلبي في عيونن داعجه وردوفي=وزولك اللي بالعذارى في جماله وافي لك من لباس العذارى في حلاه صنوفي=تودع القلب المعنى بالحلا رجافي عندلن بك عن خواتك بالوصايف نوفي=بس زينك من طبوعك يالغلا ينعافي صرت مثل اللي طريحن والقدم مشنوفي=طاح من ناسن سلاحه بندقن وشلافي في قيوضن حر ناره للحشاء ذايوفي=في صحاصيحن سروحه دوم ماتنشافي حوله ذيابن فعوله بالعرب معروفي=من سمعها في هروجي صاح بي ياكافي كيف تلعب في خفوقن صاحبه مكتوفي=لين صرت اطرد غرامك في قيوضه حافي ليت لي من نسل وايل من يعرف ظروفي=لاجل اشوف الخيل تمشي بالرجال اسلافي ماكرن فيه الحرار اللي تجيك صفوفي=والوجع برماح وايل يالعشير اضعافي لانخيت اولاد وايل لاتسوق حلوفي=شلفهم هدت رجالن كان راسه جافي مجدهم في نجد كله ظاهرن للشوفي=مثل ظلع طويق زامي فوق ماهو خافي في جبال الطيب تنقش رسمها بحروفي=وهم علاج اللي زبنهم والطبيب الشافي هم حرارن باللوازم بالمراجل توفي=اصغر الويلان طيرن ينزل المشرافي اشقرن خلا الحباري دمها مغروفي=لاصفق صيده يشادي صفقة الخطافي هم شموسن مايجيها في سماه كسوفي=وفي سباق الطيب وايل صعب ماتنطافي ياسباعن بالملاقاء ينقلون حتوفي=واطرف الويلان رجلن بالفعول سنافي يابحور الطيب كله ياغناة ضعوفي=ياسباعن بالملاقاء تاصل الاطرافي من ظلم حظه بوايل كذبهم مكشوفي=ومن يناطح خيل وايل فاعرف انه هافي المعادي جفن عينه بالقهر مطروفي=راجحن ميزان وايل والعداة خفافي مامدحت فعول وايل ناقصن مصروفي=بس احب اللي كرمهم يارجال اصنافي من سهر للضيف كنه بالسهر مكلوفي=مايساوي من لياله بالشتاوي غافي مثل مشعان السرايا مايهاب جروفي=ومثل ابن مجلاد يقلط والعداة احلافي او خلف ذيب الغداري لاوطاك جنوفي=او عقاب اللي خيوله بالعرب تنخافي ومثل ساجر بالحرايب ساتر الغطروفي=لاضرب وجه المعادي غصب يعطي قافي له شلافن بالمعادي ترتوي وسيوفي=وله قلوبن للمجاور بالشتاوي دافي هم ربيع اللي يجيهم ضايقن ملهوفي=وكل ثوبن زان وايل بالمراجل ضافي لبسهم ديباج عزه والردايا صوفي=وكم حريبن صار دمه سايرن وكافي صعب اعد اجواد وايل لو مليت رفوفي=وكل شيخن له بربعه باللزم ميقافي وياعنودي لو خفوقي عندكم مخطوفي=وايلي يسوى حلاتك واسكن الخصافي |
الشاعر القدير
فواز الغسلان صح لسانك و سلم منطوقك على هالقصيده الرائعه دمت بهذا الالق دوما يا مبدع وردة العين |
ابو فهد
صح فكرك , وسلمت يدااك على ماخطت لنا . دمت ودام إبداعك اخي لك مني فائق التقدير وجل الإحترام |
فواز الغسلان
صح لسانك مدد لاعدد لاهنت ولاهان منطوقك رائعه يابو فهد كروعة حضورك دمت ودام ابداعك اخي العزيز متشوقون لبوحك المميز فلا تحرمنا تقبل مروري |
فواز الغسلان
صح لسانك وسلمت اناملك شاعرنا المبدع قصيده في قمة الجمال والروعه يعطيك العافيه وبانتظار جديدك سهر |
اقتباس:
العزيزه الغاليه ورده العين000 سعدت بمرورك وتشرفت بتعليقك الغالي والنبيل0 لكم مني كل الود والتقدير والتحيه العطره الصادقه0 الراوي |
أحلى صباح مع هالقصيده الروعه يابو فهد صح قلبك وصح لسانك يالذيب عشوق |
اسعد الله اوقاتك فواز
الغسلان قصيده رائعه تحمل كثير من الابداع دمت بود |
الشاعر القدير فواز الغسلان ابو فهد شااااعر الكلمه تحيَرك هذه القصيدة البديعة أي بيت تقتبس ....فــ/ كل ما فيها يستحق أن تضعه في الذاكرة لأن شاعر كــ / مثلك فنه في قلمه....مبدع شفاف غائر في معانيك مبتكر في تراكيبك .. صح الله لسااااانك حتى ترضى ودمت لنا وداااام نبضك احتراااامي اخوووك سرحان |
ونعم فيهم بني وايل
ونعم فيك صح لسانك يابو فهد الله لايهينك |
الأخ الفاضل الشاعر فواز
صح لسانك مليون ولاهنت ولاهان شايب على الطيب رباك دمت ودام قلمك آآمنتك الله |
| الساعة الآن 12:46 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010