|
ومن يوم سمع القارعه جاك مابه(الازيمع)
عائلة الازيمع من مطير انجبت العديد من الشعراء الفحول والذين يتسم شعرهم بالقوه المخلوطه بالفكاهه
وذاع صيتهم بشكل لافت خاصة محمد الازيمع وابناء اخيه فهد وسالم ابناء مطلق الازيمع ولهم اشعار متداوله يرددها البعض دون ان يعلم لمن تكون مثل قصيدة محمد الازيمع عند وفاة زوجته ومطلعها:
شان كيفي ياعـلـي وانـشـده بالي=يوم ابن مرشود جاب الخبر ليه آه واويـلاه مـن فجـعـة الـغـالـي=كان بـدلت الـنـزك ثوب شامـيه فـرقـكـن يـالـبيض رجلي وخيالي=مثل سلم السوق نـيـره وربـيـه واوجودي وجد من ورد الاجلالي=قربته في واهج القيض مـطويه وقد اشار عليه شخص يقال له الركياني بالزواج من بنت احدى العوائل لكي ينسى فراق زوجته وفعلا تزوجها وانقطعت اخباره فخاف الركياني انه ربما لم يتوفق معها ويكون قد تسبب عليه بهذا الشور فأرسل اليه قائلا:
يامحـمـد بـديـل الثوب وشلونه=اتحرى ومنك العلم ماجاني هو نظيفن سواد الكحل بعيونه=او لعنتوا مشاوير الركياني فسمع بالابيات عدو الازيمع اللدود(بالشعر طبعا)الشاعر الفحل ابوعلي الباحوث من عنزه فارسل ابيات لاولاد الازيمع يخبرهم ان والدهم مريض بمرض معدي وهو بذلك يريد تخويف البنت لكي تهرب عنه فقال:
يانـديـبـي تـرحـل فـوق مـامـونـه=دايـبـن ماتـريـد شـداد وبطاني سر لنايف واخوه سعود من دونه=طيور شلوى رفيقك منهم الداني قل لـهـم عـودكـم ماهـو علـى لونه=شان لونه عقب مطراش عماني يـذكـرونـه لـنـا نـاسـن يـمـرونـه=صورتـه بـاقـيه والبطن ملياني ابـعـدوا مـبـركـه لـمـا تحـكـمـونه=مايخـلا صحـيحن جنب عطباني وفعلا هربت عنه الزوجه الا بعد زيارات ودوخة راس بسبب خصومة الباحوث المستعصيه00 وكانوا في حائل يخرجون للبر ويبحثون عن الوناسه ومعهم شخص اسمه (سداح) وكان لايعمل معهم شي بالبر بس جالس وياكل ومدامهم يشتغلون هو ينام0 فخرجوا ذات يوم في رمضان علشان يفطرون بالبر ومجرد وصولهم للموقع وارادوا تجهيز امورهم قام سداح ونام كالعاده وتركهم يشتغلون00 فقام الازيمع واشار لخوياه ان يسكتوا لكي لايصحوا النائم ودفعوا السياره بايديهم لين ابعدوا علشان مايصحي بصوت السياره وراحوا وخلوه نايم ولاصحى الا منتصف الليل فقال الازيمع يشمت به:
ياسـمـي الـذيـخ يـوم انـك تـنامي=وش فـطورك يوم خلوك الجماعه من صلاة الفجر في وقت التمامي=لين جاء عقب الاخير بربع ساعه وانـت تـسـبـح بالـهذاري والحلامي=ثـايـرن عجـك تعلمت الشجاعه وذات يوم كان الازيمع في سفر وعندما مر بمكان فيه رمل ناعم حوالي العشاء الاخير وهو مكان يستريح فيه سائقوا الشاحنات والسيارات فجلس وكان عنده ثلاثه اشخاص لايعرفهم فأراد تخويفهم لكي يهربوا عنه لانه يريد ان يدخن وكان الدخان امرا معيبا في نجد الى وقت قريب0 فأظهر لهم انه من (الاخوان)لانهم غير محبوبين لدى العامه لتشددهم بالدين ولم يعلم ان الثلاثه من قبيلة حرب وهي قبيله يغلب التدين على افرادها ففرحوا بذلك لانهم يحبون ان يسمعوا الحديث والذكر واقتربوا منه اكثر واخذوا ينادونه الشيخ محمد فتورط اكثر ولم يستطع التدخين عندهم0 ومع طلوع الفجر الاول ايقضوه لكي يصلي بهم فقام واثناء الصلاة مر عليهم بالصدفه الامير محمد السديري ورأى شيخة الازيمع والمأزق الذي وقع فيه وعندما انتهت الصلاة اعطى السديري ورقه صغيره للازيمع ومشى وكان مكتوبا فيها:
الله يثيبك ياخطيب السواويق=والله يوفـقـك الـسـعد والخطابه مطوعن تجهم على فكة الريق=وبعض الجروف المظلمه ماتهابه فقال الازيمع ردا على السديري:
راعي الامـثــال مـربـاه بـطـويق=واسمه مااعرفه ضيعتنا الكتابه ياكثر هرج مـقـطـعـيـن الطواريق=كيف المـطـوع يلحـقونه سبابه قدمت انا المحراب قـدم السواويق=وصليت بالحربي صلاة الصحابه خـشـع مـن الايات جـنـه تـوافـيق=ومن يوم سمع القارعه جاك مابه صارت عيونه من دموعه مغاريق=مـومـن وجـاه مـطـوعن مادرا به حـلـف فـلا مـثـلـي بكـل الـمخاليق=من ضرب ركعاتن على الله ثوابه سوالف عائلة الزمعان كثيره وطريفه وراح احاول تنزيلها على اجزاء ان اعجبتكم اخواني الاعزاء والسلام0 |
الله يثيبك ياخطيب السواويق والله يوفقك السعد والخطابه مطوعن تجهم على فكة الريق وبعض الجروف المظلمه ماتهابه تسسسسسسلم والله على هالنقله. ياكثر هرج مقطعين الطواريق كيف المطوع يلحقونه سبابه قدمت انا المحراب قدم السواويق وصليت بالحربي صلاة الصحابه خشع من الايات جنه توافيق ومن يوم سمع القارعه جاك مابه صارت عيونه من دموعه مغاريق مومن وجاه مطوعن مادرا به حلف فلا مثلي بكل المخاليق من ضرب ركعاتن على الله ثوابه الله الله استمتعت جدا" بالقراءه عوااااااااااااااااافي ياابن غسلان ومنتظرين الأجزاء الثانيه قوااااك الله.. |
ياسمي الذيخ يوم انك تنامي
وش فطورك يوم خلوك الجماعه من صلاة الفجر في وقت التمامي لين جاء عقب الاخير بربع ساعه وانت تسبح بالهذاري والحلامي ثايرن عجك تعلمت الشجاعه ياكثر الي كذا والله عزالله معهم حق يوم راحو وتركوه الله يوفقك على القصص والقصائد الله لايهينك |
ماقصرت وفيك وكفيت يالذيب
فواز اسعد الله اوقاتك على هالقصه والابيات كل التقدير |
ونعم والله بالازيمع
ونعم بمطير .. يعطيك العافية على القصة... |
الف الف شكر لك
فواز الغلسان الرااااااااااااااااااائع |
راوي الجبل ابو فهد الله يسعد قلبك ولاهنت يالعزوه على السالفه والقصيد الى فيها ايييييييييه نبي بعد يا ماااااااااااال الغناااااة لا تحرمنا من السواااالف الطيبه لك الغلا اخوووووك سرحان |
اقتباس:
الغاليه قايدة الخيل0000 ارتحت لحروفك وسعدت بتعبيرك الغالي ومرورك النبيل00 كل الشكر والتقدير لك على ذلك يالعزوه000 تحياتي العطره بريح المسك والعنبر0 الراوي000 |
اقتباس:
دائما وافي يالوافي تسلم يالعزوه لاهنت يابعدي |
اقتباس:
عيونك اوطاني هلا وغلا يالعزوه00 تحياتي العطره000 |
اقتباس:
العزيزه بنت الهيلا هلا وغلا يالعزوه وتسلمين ويسلم راسك00 |
اقتباس:
دستور هلا وغلا بك ومشكور يالعزوه00 تحياتي لك000 |
اقتباس:
هلا وغلا اخوي ومشرفي سرحاااان00 لاعدمنا هالصوت يالغلا وعساك سالم ومشكوووور |
| الساعة الآن 10:34 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010