|
من جواهر اشعار قبيلة شمر
بسم الله الرحمن الرحيم
((من جواهر ابيات الشعر لشعراء قبيلة شمر مما اصبح يتردد كثيرا على ألسنة الناس))) قال عبدالله بن رشيد:
اخو عبيد لياهبى كل مسبوع=اسهر ليانامت عيون السرادي كم خير(ن) عاني لنا يشكي الجوع=حاديه من لوعات الايام حادي لو مانعرفه راح منا بمنفوع=من راس مال(ن) نجمعه للنفادي وقال ايضا:
انا ليا ركب الرشاء للمحاله=واستثقلت مانا من الحرب ملال ارسي كما ترسي رواسي جباله=ماتنهزع من وطي حافي ونعال يمناي ماترضى زوايد شماله=واعطي الحقوق اهل المعالي والارذال شهودي بجلدي والعدو به بداله=والناس تدري بالجدايد والاسمال وقال عبيد ابن رشيد:
انا ولد علي سلايل كحــيــلان=ربــي جـعـلـنـي لـلـسـبـايا وداعه وعيبن على اللي يختفي عقب مابان=عيبن طمان النفس عقب ارتفاعه اضرب على الكايد لياصرت بحلان=وعند الولي وصل الرشاء وانقطاعه اما تـجـي بـعـقـود حـص ومرجان=والا بـشـيـطـانـن يـطـيـر بـشـعـاعه وقال ايضا:
يادارنا من جاك جيناه عجلين=بالليل نسري والصفر والقوايل كان انهم عنا بالانشاد محفين=من الراس مانحتاج دز الرسايل واللي وطينا مايشوف المحبين=والكذب تنفاه العلوم الصمايل وقال مطلق الجرباء (وقيل مسلط ولده):
نطيت روس مشورفات المراقيب=رجم(ن) طويلن نايفن مـقــلحـــزي وجريت صوتن مثل ماجره الذيب=واوجس ضميري من ضلوعي يـنـزي والحر لاصكت عليه المغاليب=ملزوم عن دار المذلة يـفــزي وقال عبدالكريم الجرباء:
ارسلت لي يابيه خط(ن) يروعي=تطلب عذاب ملاويات الفروعي ابي ليامن حضبن الجموعي=اثني عليها مع عيال الطنايا ماهمني البيه والا الشريفي=حنا منزحة العداء بالحفيفي بالغصب مانعطي عدال الرغيفي=وعند الرضا حنا كبار العطايا وقال سمير ابن زيدان الجرباء:
ياحيف وان الحيف مايقري الضيف=والحيف ماتبرك عليه الجمالي لي لابتن لاغبت عنهم مواليف=ولا جيتهم دبت علي الـنـمالي لاجيت مجلسهم تجندت بالسيف=وسلامتي منهم على شده بالي وقال ايضا:
نامت عيون الناس وانا عيوني=هـــلـت دمـوع وتـالـي الـدمـع بـه دم من لابـتــن ماكـنـهـم يـعـرفـوني=عــدي مـن الاجـنــاب مـانـا ولـد عم اطـلــب خلفهم شايبات المتـوني=وبعــدك عـن اللـي مايودك جلي هم وقال زامل بن سبهان:
ياما على العيرات دورت من عال=وياما فرحت بركضت العايلـيـني وياما حلفت وقلت فرز الوغى قال=وحطيت روحي خادمن له حـنـيـني وهذاك ماجوب البناخي على الخال=وصيور ما كل المخفى يـبـيـنــي وقال عدوان الهربيد:
ياسعيد انا ثنواي دون الاجاويد=اهل المصاحف متعـبـين الدلالي اللي بهم ياسعيد صدرن وتوريد=وفهق وتقـلـيـطـن وفتل وفعالي والا انت مابك عند ربعك مناقيد=وانا بعد معـكـم على قـــد حالي وقال الوبير:
الله يثيبك ياموارث عطيه=وكيف انت ياشيخن كسبت الـنـوامـيـس يامير انا ابي اوصيك بالشمريه=يامير ترهم زوبـعـن والـسناعيس واهل اللحيسه كان هي بالحميه=واولاد علي محـضـبين المتاريس وقال غريب الشلاقي:
ماينشمت ياعيال بامر(ن) لياكان=ولا يهتدي عبد(ن) حذى الله دليله افطن لبيت عبيد كان انت غويان=وابن مهلهل يالعقول الهـبـيـله وقال ابو زويد:
لاصرت ماتدعى لياصار قاله=ترك مع العالم هـدومن به ازوال الحمرة تدرك معوشة عياله=والا الرجل يبغى منه بعض الاحوال وتر ربع يومن مقعدك بالشكاله=تسوى حياتن عايـشـيـن به انذال وقال ايضا:
خويك اللي قبل جـيـلك وجـيـلي=خوي جدك بالوقوت الاوايل لاتطيع به هرج القفى والنـقـيلي=وعدل معه شيله لياصار مايل وعدوك اللي بغض جده محـيـلي=ياتيك لو صافاك منه النـقـايل [size=5][color=#00008B] وقال فهد الغسلان البقعاوي:
واديرتي وان جت ليالي مجده=تطرب قلوب اللي مشوا بالدواتي ديرة جدودن للضيوف استعده=اهل الصخى نقوة عيال الصفاتي ماكنه الا ديدحانن برده=بالقفر ماجاه الحــلال الشـتـاتي وقال ردهان ابن عنقاء:
امكن تراها ماتفيد الحسايف=شي يفوت البارحه كـنـه العام من قبل كسرن ماتضبه سنايف=كسرن ضرير ولا يواليه حزام وقال التريباني:
يامحارب العـمان يامـرافــق الـقــوم=ياشيخ حورانـيـتـك وش ذنوبه اذخر هل الجدعاء الياجاك مـزحـزم=اليا جنبت خطو الجهامة دروبه يخلون عـيـن المانـعـي تـقـبـل الـنــوم=لافـتـقـت بـقـعاء عليكم جيوبه وقال عبدالله الاشقر:
ياعيال شيلوا مابقى عمرن طويل=كله عمارن قافيه ديانها انا احمد اللي لاعطى ماهو بخيل=يعطي العطايا لو تزود اثمانها انا احمد الله لابتي ماله مثيل=عند القبايل زايدن ميزانها وقال دغيم الظلماوي:
ابــي لـيــاشـبــيــتــهــا بالـمـشبه=يجذب سناه اللي سراتن غيابي بـنـسـريـتـن ياكـلـيـب صلفن مهبه=لياهب نسناسه تقل سم دابي الـوالـمـه ياكـلـيـب عـجــل بـصـبه=والرزق عند اللي يسوق السحابي وقال مبارك التبيناوي:
حالتي يعلم الله والمدامع فضوحه=واهني عين رعيان البهم والمياحي ماانتثر دمع عينه فوق تالي صبوحه=قلت ياعين كفي دمعتك من صباحي لعنبوهم سريه ضد شخصن بروحه=طقتينن براسي ماتردي كفاحي والمصايب بدربي لوحتن عقب لوحه=قيل تخفيف ذنب قبل عيد الاضاحي وقال حواس التبيناوي:
دونك حصاتن بس عضه بنابك=ياللي تقول محيرن حب شاهـيـن اما بنو الخير ماينحكى بك=انتم مربية اليتامى القـديـمـيـن ندخل على الله ماجحدنا حسابك=انتم ضواري بس حنا ضريـريـن وقال ثامر الغريب الشلاقي:
صداقتن تبنى على مخضر الروض=تقضي اليا لفح السموم انـتـفض به لو كان برق الحاتمي فيك له نوض=وبك من فعل عنتر بالاكوان حضـبـه لاصرت لازبـده ولافـيـك مـمخـوض=لابد تشوف عيون الاصحاب غـضـبه وقال فواز الغسلان البقعاوي:
لولا ربوعي علوم الطيب ماعاشه=والا تلاقي ضعاف الناس مبروصه الجوع لابان بالعربان نهاشه=اهل اللحيسه علاج الجوع وغصوصه صكوا على الطيب قفل المجد وابياشه=وشاموا عن اهل الردى ودلاه ومحوصه هم راحة الجار عز الدار واحواشه=هم مزبن الناس عند الباس ونغوصه هم عسكر الجود وقت الكود واجياشه=هم جمرة الهزم عند الخصم ومغوصه هم منبع الطيب ناب الذيب بهواشه=مقباس تفهم حقوق الناس وشقوصه هم ورد الاكوان والقبطان والباشه=مزبان ناسن جهدها بان ناقوصه هم نور الافلاك كان اوذاك خفاشه=زادت على الناس بالمقياس والبوصه هم علة الجوع للمسبوع مخواشه=لاقيل زادت جياد الجوع بقحوصه اهل الطويلات والطولات واقفاشه=والدار للجار مهما جار مبحوصه ماهي توالف سوالف طاش ماطاشه=امجاد الاجواد ياعواد مبخوصه هذه نقطه في بحر افتتحت بها هذا الموضوع وارجوا من الاخوه ان يدلي كل شخص بدلوه حتى يكتمل الموضوع لكي نجمعه بعد ذلك بموضوع واحد والسلام000 (((الراوي))) |
ونعم فيك وبشمر
وهذي قصيده لناصر القحطاني قال
|
بارك الله فيك الراوي فواز
هذه قصيدة في قبيلة شمر شمّــري وأفتــخر بتنــكيس العقــال مــن نـبــع شــمّـــر وردي وســـقــايا شمّــري ومـوطـني عـروس الشمــال والـصيـــت واضـح لــلملا مابــه خـفايا شمّــر هـلـي هــم ذربـين الأفــعـــال عـزوة القــــاصي وبــعـــيد المــــدايا مـاأهـاب أنـا يـا نـاس كـل الـرجــال لصــار ربعي وعـــزوتي هـم الطـنايا لمـن نخـيتـهـم هبوا لفـزعتي بالحال مـثــلـهــم مـثــل شــارب سـم الحـيايا ياكـم واحد من كاسـنا يـذوق ويـنال يهــلـك ولا يجـغــم مـن حـوض المنايا جـونـا أهل الـبــيارق وحـنّا لــحــال وحــصـدت رؤسـهـم لين غـد(ن) حنايا حـنّا حـكمنا الجزيرة هـضاب وجـبال واليوم لـحـكـم شــمّــر بالأرض بـقـايا شـمـس الـطـنـايا ماتـغـطى بـغـربال تــاريخـنا بـيّـن وعــنـدكم عـنّـه درايا ضـيفـــنا مـقـــدم لــه زيــن الـحــلال تشـهــد لنا خيـل حــاتـم بحلو السوايا مـالنا خـشـير بالـكـرم ومالـنا ظـلال حـنّا الـكــرم كلّـه بــدايــته والـنـهـايا زيــزومــنا الـطيـب وطـيــبـنا مـازال أهـل الشجـاعة والكرم جزلين العطايا كـم طايل للسناعيس ياعزوتي يطال نـنــول المـعــالي مانـرضى بالدنــايا واليــوم ان كان الـدهــر عـلـي مـال وشــفـت مـنـه الـضيم والقهـر والـبلايا أعـيـش بـنفـس عـزيزة عـيشة رجال وأطوع الأيـام ليـن تمـشي على هوايا مـا أبي مـن دنـيـتي لاجاه ولا مـال لاصـارت شــمّــر هـلــي عـندي كفـايا |
اقتباس:
هلا وغلا اخوي الجهني ومشكور يالعزوه على مرورك النبيل واضافتك الرائعه للشاعر القحطاني00 تحياتي لك يالغالي000 |
نطيت روس مشورفات المراقيب رجم(ن) طويلن نايفن مقلحزي وفي رواية نطيت روس مشمرخات المراقيب 00 رجم ٍ طويل نايف ٍ مقلحزي والدليل وجود جبل المشمرخة المطل على المغواة :) وهذي قصيدة اعجبتن لعلها تعجبكم
يالله يالمطلوب يارب السما=ترحم عبيدك ياكريمن معتلي لطفك على من لاذ بك يوم الطنا=عند الحساب وكل نفسن تسألي نكسر صليب اللي سعا في حربنا=ونورده الموت الحمر يصلى صلي هذي عوايد لابتي ماتجهلا=جشعم ضياغم والنسيل معربي من عبده اللي ما أهتنا من ضامها=عصاة ماتلقى بنا من يجهلي عزي بربعي وافتخر بأفعالها=في ضل بن قشعم رفيع المنزلي شيخ الشيوخ المعطين مد العطا=وافي الخصايل والكرم ماينحصي قرم شجاع والمواقف تشهدا=والحمدلله يوم وفق لابتي بارك الله فيك يالعزوة تحيتي لك |
قصيدة لشنينان ابن سند الحسيني الشمري
يقـول شنينـان الحسينـي مثايـل=وقيلن على غير الفاهميـن عسيـر أبن عريعـر يبـي يأخـذ دخيلنـا=يبي دخيـل البيـت هـذا مايصيـر غوش الهيافا مزبنن للـي زبنهـم=أسـود غـابـه لـهـن زويــر ماشفتهم ساعه زعلهم من الغضب=مثل الزمـول اللـي لهـن هديـر غوش الهيافا من سناعيس الجبـل=من نسل عـودا" مايطيـع شويـر غوش الهيافا اليـا تناخـوا بينهـم=حبـس الجبـل اليـا نـوخ البعيـر أبن عريعر محيف على البيض بالفلا=وش عـاد لوهـو ينتخـي ويجيـر خذوا مراسيلـه وقفـت ضعونهـم=وعيون مراسيلـه كلاهـن الطيـر ونطحنا أبن هذال على سـرج قبـا=وعليـه العـذارا فككـن وسـيـر ونطحنا أبن شعلان مع أول سربـه=وصوابـه مايسـده مشلـح كبيـر ونزلنا على شيخ الحويطات وانتخى=نعـم القريـب مدلهـه القصـيـر وثمان أسنين نزلنـا عنـد نزلهـم=ياما أنتهاء حكـم العريعـر بغيـر هذا الكلام اللـي ذكرتـه بماجـرى=ولافيـه تزويـدا" ولافيـه تقصيـر |
وهذه قصيدة لطليحان ثلاب الحسيني الشمري
من لابة هم ماكر الجود والطيب = حسينات ياصكت جموعه طوابير دخيلهم كنة بروس الشخانيب = بروس الجبال الشامخات الشناظير ندخل بحق لاجنب الحق تجنيب = ونركي على كبد المعادي مسامير زبن الجلاوى عن سموم اللواهيب=على ظهور معسكرات المسامير لحقوا على قب سواة اللواهيب = قحصن يسخرن أشقح الريم تسخير وعند العشائر ينطحون المواجيب = ياما وقع بنحورهم من مشاهير منا ومنهم يشبع الطير والذيب = وعند العشائر مانحسب المخاسير وياما نهجنا مع إديار الأجانيب = ويما عقبنا حرب وسبيع ومطير ومن الحسا شلنا شمال بتغريب = ياما وردنا خبر الأمحاص وصوير يبرن لهم قطعانهم به دبابيب = متخالفات اللون صفر ومغاتير ويما تحدرنا على ديرة السيب = ومقيضهم على عسيله واباالقور يتلون شغموم يهد المصاعيب = أبن سند ريف الصغار المقاصير |
أبو فهد بيض الله وجهك يالغالي رواينا وغالينا دوم تميزك في طرح المواضيع تقبل احترامي والمعذره على القصور عشوق |
والله وسبعة انعام بشمر وشعارها ..
ونعم فيك يابن غسلان .. |
اشكرك فواز
وهذي قصيده
من يم نجد وشـرق مكـه وطيبـه = لين الديار اللي جنـوب القريـات جيت بخفوقي شوق ماينحكـي بـه = اكبر من حروف الشعر والكتابـات شوق(ن) ماهو شوق الحبيب لحبيبه = شوق (الطنايا للكرم والجمـالات) ولو قالوا ان الـدار ماهـي قريبـه = بقول : يعنـي ماتهـون المسافـات ماهـم بربعـي بالليالـي الصعيبـه = أجل وربـي ماحسبـت المشقـات (شمر) ليا صك الصليـب بصليبـه = أهجد ياجن وأنس لاهل الطويـلات يرضخ لهم هاالطيب حشمه وهيبـه = ويرفع لهم بالعـز بيـرق ورايـات ومن مرهم طرقي بياخـذ ضريبـه = فنجال(اشدا من خضاب الخوندات) والموقدة تشهـد بـراس الرقيبـه = ومن طيبهم ما ينزلـون الطمانـات (والشمري) من طيب راسه وطيبـه = به ميزة(ن) عدة حـدود المـروات لاثارت الفزعات ، لاتنتخـي بـه! = لانه يثور من(الطنـا) دون فزعـات الله خلقهـم للمصيبـه مصيـبـه = وللنار نار٠٠ وللمعالـي ريـادات وللموت موت ٠٠وللهيبـه لهيبـه = وللطيب طيب٠٠وللمراجل سيادات لكن : بهم حاجه ، ولاهـي غريبـه = يمكن يخون بها الشعـر والعبـارات اليا بطشوا: خلوا المضارب عطيبـه = واليا عطوا: ما مدوا الا الجزيـلات ما ارفع مكانتهم بشعـر(ن) اجيبـه = هم يرفعون حروف شعري مقامـات واخر ما اقول بالشعر وانتهـي بـه = بحطها بقوسين واربع علامـات !!!! (الشمري ! عيبه ! وعيبه ! وعيبه ! = اليا ارتكي للحمل شال الثقيـلات ) ما ارفع مكانتهم بشعـر(ن) اجيبـه /.../ هم يرفعون حروف شعري مقامـات واخر ما اقول بالشعر وانتهـي بـه /.../ بحطها بقوسين واربع علامات !!!! (الشمري ! عيبه ! وعيبه ! وعيبه ! /.../ اليا ارتكي للحمل شـال الثقيـلات ) محمد بن ساقان القحطاني |
اقتباس:
تسلمون والله يالعزوه وانا اول بغيت انزله عن التثبيت ويوم شفت المشاركات الرائعه رسمت ببقائه مثبتا وننتظر المزيد |
ياخليف حدتني على بعض الاوضـاع ناس تمس الحبـل مـن فـوق يدهـا ناس مـن النعمـه محاميـل وشبـاع وليـا سمعـت علومـهـا تنتقـدهـا ناس علـى راسـه معمـه ومركـاع تبي المغـازي ميـر ربـك ضهدهـا نـاس تناجينـا علـى زنـد وكـراع عجزت اعرف احوالها مـن حسدهـا ناس كلـت سبـع المذاكيـر بصـاع مـدري شعـاه ابليـس ولا ولـدهـا وعديت عنهـم يالجهيلـي بالاصبـاع يامـا وقفـت بنمـرت(ن) مابعدهـا وانا طبيب وعـارف كـل الاوجـاع عارف عمى عين المريض ورمدهـا عندي خرز داب ومصبـه ومقـلاع واكوي مريض الراس واقول عدهـا واقرى واحجم عن السبب خمسه انواع وانفـخ بقـروه والمريـض يحمدهـا وان طولت باقفلاها واضـرب القـاع يامـا يعـوم غبارهـا مـع زبدهـا وانا مـن اللـي يتناخـوا بالافـزاع هاضت صناصيد العرب من زهدهـا شمر ليشـان اللغـى والدخـن ثـاع روس الحـرار تعـدهـا وتهبـدهـا شمر ودايع نجد شمـر هـلا البـاع شمر هـلا النامـوس شمـر وحدهـا شمر هـلا الـردات ياخليـف بتـاع شمر حمـول الخيـل شمـر سندهـا شمر لياقالوا زعيـم العـرب ضـاع كـل الدلايـل تاخـذه مـن ولـدهـا شمر هلا الجـولات ياصكـت القـاع شمـر تعـدل المايلـه مـن سعدهـا شمر طعونه تقصف العمـر ووسـاع ياجـردت بسيوفهـا مـن غمـدهـا شمر على دور النبي ذكرهـم شـاع صالوا وجالوا واحتمـوا عـن بلدهـا شمر ياصكوا علـى القـوم مطـلاع كـم مـن زعيـم سابقـه مالكـدهـا شمر زهـو زهيـد للمـوت قطـاع شمر تمـس مـن العـوارف عقدهـا شمر تقود القوم مـع كـل الاوسـاع شمـر تشـب بنارهـا مـن وقدهـا شمر زحازيح الجبـل مابـه اركـاع شمر هلا الجـولات يثبـت عددهـا شمر خلف عقبان وصقـور وسبـاع شمـر تدلـه بالمـعـادي كـردهـا شمر طنايـا ترخـص العمـر بيـاع شمـر تخـز عقابهـا مـع لبـدهـا شمر ليادكـت علـى القـوم تنـزاع شمـر سـلايـل لابــة مابعـدهـا شمـر تعلـت يـوم شالـع وشـلاع شمـر تبـث زروعهـا وتحصدهـا شمـر ليهـاز الوطـن كـل طمـاع شمـر رواق البيـت شمـر عمدهـا شمر هلا الفزعـه مغاويـل الابـداع شمـر بـه التاريـخ قـال وحمدهـا شمر ليا منـه غـدى السيـف لمـاع والرمـح والشلفـى تـدور بجندهـا يصير لها بالقيـض جنـه ومربـاع وكنـه تسـاوق بالسحايـب رعدهـا شمر مكارمهـم جزيـلات ووسـاع شمر مقر الكيـف لـه مـن شهدهـا شمر خبرها الذيب والذيـب ماجـاع والـي ذبـح للذيـب وفـا وعدهـا هلا الربـاع مزبنـت كـل مرتـاع الي تصـون سلومهـا مـن جهدهـا ياخليـف شمـر عايزيـن بالاهكـاع وياخليف شمر خاسـرن مـن نقدهـا واسلم سلمت من الملامه و الاوجـاع ياشاعـرن روس المعالـي صعدهـا الف شكر لرآوي على هالمبادره الطيبه.. |
اقتباس:
شكرا جزيلا قايدة الخيل ومشاركه من النوع الثقيل00 تحياتي لك يالعزوه |
| الساعة الآن 12:15 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
