|
& القهوة العربية &
الشاعر غازي بن عون من الروسان من عتيبة
شاعر جزل واشعاره ذات طعم خاص وله هذه القصيدة يصف فيها القهوة العربية وهي من مكملات الرجولة لدى العرب ... ياريــف قلــبي للمســايير قــم شــب وحــط المنـــاره في طــويــل الظـــلالـي عقــب تشــق الها لجــزل الحطــب جـــب وهــات النجــر واحضــر جــداد الــدلالي ثــلاثٍ الهــن راعــي الكيــف يطـــرب وســوطهن ضمّــــر والأخـــر جــــلالي وابطــونهن مـا اخـــذن اســـبوعٍ عـن الــرب وجنــوبهن صفــــرٍ تــــلالا تــــلالي والرابعــه ملقامــة لـونها اصهـــب حيــث انها للنـــار دايـــم تصــــالي فليا جبــت كــل اشــــروطها اللي تطلـــب اقعــد عليـــها يازعيـــم العيـــالي واحمــس لنـــا بـريــة حبــها اشــــهب وبــهارها هنــدي ومـــاها زلالــي واعــرف تــرى قــانونها ما يخـــرب ونـدارها ينقــى ومـــاها يكـــالي وتــراه ما يصلــح لها كــل مــذهــب ولا تقبــل الــراضــه ولا الأعتجـــالـي واليــا حمســت احــرص على حمســة الحــب واعــرف تــرى الحمســه تبي وســع بـالــي تــاخـذ على ادنى الجمــر فتــره تقلـــب لين العــرق يطلــع ســواة اللــوالي ومـن يـوم يطلـع فالمبــرد لـها كـــب ليــن النــدار الكــان فيها يشــــالي واليــا خــذت مقــدار للنجــر قــرب ودنــه بصـــوت يســــمعه كـل غـــالي دنــه وخلــه للمســـاييــر يجــذب لا قــام صوتـــه للنشـــامــا يـــلالي يوحــونه الجيــران لاقـــام يقنــب يوحيــه الأقصــى والقصيــر المــوالــي وعقــب تــدق البــن لقــم وركـــب ليــن انــها تســـمح مـن الأجتـــوالي وقبــل تبهـــرها عـن النــار تجــذب وتركــد شـــويه ليــن يصفــي الحثـــالي وبرويــد فـي حــدى المبــاهير تســـكب من عقــب غــال الهيــل فيها يهـــالي واعــرف الـيــا بهـــرتها يالمشـــبب تــراه يكفيــها مــن النــار صـــالي ثـم اجــذها مـن يـوم للهيــل تقلـــب ومن يــوم تركــد صبــها للــرجــالـي حتى يجــي الفنجــال منها اليــا صـــب بيــن الشــقار وبيــن لــون الشــعالي اما اشــقر رايــب مثـل بـول الأرنــب والا اشــعل يشــدا لـدم الغــزالـي يطــرب لها مـن كـان للكيــف يطــرب كيــف النشــاما اللي مـن العيــب خـــاليي واعــرف تــراها عــادة ما تســـيب ولا ينتقــدها الا قصـــر الحبـــالي واحــرص تخلــي عــادة الأب والجـــد ما هــم عليــه اول عليــه انــت تـــالي تــراك مـن كــل المناســب معــرب ما بيــن جــدان وعمــام وخـــوالي وابيــك عــن منهاجـــهم ما تجنـــب انكــان فكنّــك بنــات الليــــالي غازي بن عون الرويس |
الله الله
قصيده مفصله عن القهوه تفصيل كامل صح قلبك على ذوقك ونقلك وصح لسان الشاعر تقديرى واحترامى |
صح لسانك وصح لسان شاعرها أبيات شعريه رائعه برووعة حضوورك دمت ودام قلمك آآمنتك الله |
سلمتِ وسلمـ إحساـآسك العذب ... باقات الوٍرٍد لك وٍعليك ... تقبلي مروري.. بقايا حلم.. |
سلم .......... \منطوقه بن عون
سلم .......... نقلك واختيارك بنت الهيلا ونعمين |
اشكرك يالهيلا
على النقل الذواق لشاعر ذوق |
عقاب النهار .... شاكرة مرورك وكلامك العذب ...
آآمنتك الله..... تسلميلي يالغلا وجودك اسعدني .. بقايا حلم .... كلك ذوق ياذوق على مرورك الجميل .. ابو هدى ... ماعليك زود وكلامك وسام على موضوعي. الهديني ..الذوق مرورك وكلامك الرائع شاكرة لك ... |
يعافيك ويخليك
بنت الهيلا صح لسان شاعرها وشاكرك على الاختيار الموفق |
صح لسانك وصح لسانه
ياعساك لقوه على نقلك يابنت الهيلا |
ابوريان ....... والنعم فيك اخوي شرفتني بحضورك..
رجاوي .... مرورك الرقيق اسعدني يالغلا .. شاكرة لك.. |
سلمتي شكرياتي لك بنت الهيلا
على نقلك يعافيك وصح لسانه الشاعر غازي بن عون من الروسان |
بنت الهيلا
الله يعطيك العافيه يالغاليه على اختيارك للقصيده الرائعه صح الله لسانك و لسان الشاعر غازي بن عون الرويس وردة العين |
كل الشكر لك
على نقلك واختيارك بنت الهيلا |
| الساعة الآن 08:59 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010