|
ياللي طريقك شمال اصبر نصف ساعه
يـالـلــي طـريـقـك شــمــال اصـبـر ربـع سـاعـه=توصل حـروفـن تـهـيـض بـضـامـر الـراوي ادعــس عـلـى الـجـيـب وارفــع صـوت مـذيـاعـه=وان صاح جـيـبـك يـاعـل الجـيــب لـلـهـاوي بـالـــدرب تــشــبــه ذيـابــة نـجـــد لاجــاعـــه=والـذيــب لاجـاع يـقــنــب بـالـخــلا عــاوي وان جـيــت حـول الـحــبــايــب شــم ذعــذاعــه=فـيـهـا الخـزامـا تـفـوح بـعــطـرهـا الـجـاوي ريـفـن واخــبــر الــغــلا تــطـرب لـمــربـاعــه=وزولـه ووصـفـه تـشـادي بـدرهـا الـضاوي تـلـقــاه تـمــشــي وتـنــقـل بـعــض نـعــنــاعــه=ريــمــن تـهـــادا بـروضــن خــالـي خــاوي ارفــق تـراهـــا تـهـــاب الــزول بـانــواعـــه=وتـجـفـل مـن الـطـرش والــعـربـان والـشـاوي وقـل لـه عـشـيـرك عـهـود الـعــشــق مـابـاعـه=يـرجـي رمـوشـك وجـســمــه طـايـحــن ذاوي زار الاطــبــاء وقـالــوا فـرصـــتــه ضــاعــه=صـعـبـن نـعـالـج خـفـوق الـعـاشــق الـهـاوي والـظـلــم ظــاهــر على الـمــسـكـيـن اظــلاعـه=والـلـه فــلا يـنــفـــعـــه دكــتـــور ومــداوي وحـطوا على الـقـلـب لاجل الـفـحـص سـمــاعــه=وقـالــوا قــتــيــلـــن وراع الـجــرم مـايـاوي وعــلاج قـلــبـــه عــيـــون الــزيــن لاراعـــه=ورمـشــن كـحــيـلـن لـذبـح اهـل الـهـوى قاوي الـلـي حـــلاهـــا يـضـم الـمـــلــح واطــبــاعــه=وجـسـمـن خـصـوره تـذيـب الخـافـق الـغـاوي لـو تـســتــر الـزيـن تـحـت الـثــوب وقـنـــاعـه=سـحـره يـصـيـب الـخـفـوق برمـشـه الـكـاوي تـرسـل رمـاحـــه لـقـلــبــن عـاشـقــن طــاعــه=وتـبــدى جـروحــه وتـجـدع صـاحـبـه ثـاوي يـشـرب مــن الـريـق رشـفـة تـبــرد اشـعــاعــه=ويـركــد خـفـوقـن طـواه مــن الـهـوى طـاوي وتـعـطـي ضـمـانـه عـن الـهـجــران واوجــاعـه=وانـه عـلــى الـهـجــر والـفـرقـى مـهـو نـاوي وتـركــب سـفـيــنــة هــواه وتـرفـــع شــراعــه=والا وقـــع وانـتـهـــى فـي صـحـصـحن داوي |
ارفق تراها تهاب الزول بانواعه
وتجفل من الطرش والعربان والشاوي وقل له عشيرك عهود العشق ماباعه يرجي رموشك وجسمه طايحن ذاوي زار الاطباء وقالوا فرصته ضاعه صعبن نعالج خفوق العاشق الهاوي الله روووووووووعه هالكلمات الله يعطيك العافيه استاذي فواز الغسلان على هالابيات القيمه لافض فوك .... |
http://up.qatarw.com/u/files/depoz6m30nih2zrji0g3.jpg
مأجمل الأحاسيس عندما تتجسد بكلمات فترعش قارئها فيقف مذهولا لجمالها فتاخده الأحلام الى اسطوره شاطئ الحب والحياه عبر هذه الكلمات مسكت لاكتب كلمات ترتقي بجمال هذه العبارات بهمساتها ورونقها وعبيرها حاولت ان اغمض عيني لأجمع بعض الكلمات ولو بجمله ولكن جمال كلماتك تقف لي وتجعلني عاجز عن كتابه ارقى الكلمات فهي رائعه جميله صادقه كقلب كاتبها أميرالشعر ماذا عساي أقول عن حضورك الجميل وعن حروفك التي عزفت ذاك اللحن المخملي غير أن قلمك متألق وراقي {كرقي صاحبه أميرالشعر} نوف.... |
الغالى
لاجديد سوى الابداع والله يعين من ابتلى بالهوى عزاه بس صح لسانك واعتلا شانك ولاهنت تقديرى |
فواز الغسلان
صح لسانك اخوي على القصيده الرائعه استمتعت بقرائتها كثيرا بانتظار ماهو جديد سهر |
الراوي والشاعر والاستاذ فواز الغسلان ابو فهد صح لسانك وسلم بنانك دائمآ مبدع تنثر الابداع قصيده رائعه كروعة حظورك لاخلى ولا عدم يابوفهد تقبل مروري المتواضع وخالص تحياتي اخوك/ الصوت البعيد |
الراوي فواز الغسلان صح الله لسانك على هالقصيــده الجميــله ولا هنت وانا اختــــــــــك الشهلا |
رائع رائع
صح لسانك على القصيده الرائعه |
شعررررررررررر رااااااااااااااااااائع وررررااااااااقي
تسلم |
اقتباس:
الغاليه اجوديه000 اشكرك على كلماتك المعبره والجميله00 تحياتي لك |
الأستاذ فواز الغسلان
صح لسانك |
اقتباس:
فواز الغسلان صح لسانك مدد لاعدد لاهنت يابو فهد على هذه الرائعه بصراحه افرح اذا لقيت قصيده جديده لك لأني فعلا استمتع وانا اقرأها تسلم يمناك ويدوم لنا بوحك المميز |
اقتباس:
العزيزه نوف الرياض000 سعدت بمرورك وتشرفت بتعليقك الغالي والنبيل0 لكم مني كل الود والتقدير والتحيه العطره الصادقه0 الراوي |
اقتباس:
هلا وغلا ابوضاري وتسلم يالعزوه00 تقبل تحياتي لاهنت00 |
اقتباس:
الغاليه سهورة المنتدى الحلوه لك كل الشكر والتقدير يالعزوه لحروفك النبيله0 |
| الساعة الآن 07:20 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010