|
كفالة ابن طواله عند بريك راعي بقعاء
السلام عليكم ورحمة الله وبركاته : بريك الاسعدي راعي بقعاء بيطار الشعر مذكور بالشيخه وجمع الكرم والشعر وكان بعض الشعراء يتحاكمون عنده عند الاختلاف بالشعر 00 مر عليه منيع بن مصيبيح من الطواله ومعه (جماعه) يريدون الغزو لجهة الشمال ديار الشرارات والحويطات وطلبو من بريك زهاب الحرب وهو السلاح المستعمل في ذلك الوقت على ان يكون له من كل خمس بعارين يكسبونه بعير واحد قال بريك لمنيع انا مااعرفك لذلك من يكفلك قال منيع يكفلن عدوان بن طواله قال بريك رضيت 00 هذا وعدوان مايدري بكل اللي جرى 00 وعندما عاد منيع من الغزوه كاسبا لم يأتي بريك ويعطيه حقه وقد قيل لي ان منيع كان مصابا صواب بليغ تأخر شفاه كثيرا وعندما شفي كان الكسب كله قد راح وانتظر منيع لعله يغزو غزوه اخرى ويسدد بريك لكن المده طالت000 والرجال كانوا حريصين على حقهم اذا حسوا ان فيه ضحك او تلاعب اما اذا جيت الرجل بوجهه لو تطلب ماتريد تاخذه بسهوله 000 عند ذلك ارسل بريك قصيده للكفيل عدوان بن طواله ينخاه على حقه وفايدة القصيده انها تثبت ان نسب الطواله يعود للاشراف وفيها معاني جميله 00 يقول بريك :
عينـت ربعـن للمصيبيـح غـربـوا=يتـلـون يـاعـذب البـنـان منـيـع قل دينت دين وراعـي الديـن ماوفـى=نهـج بمـالـي يشـتـري ويبـيـع دينتهم قيضـن قفـى القيـض شتـوه=وقيضـن قفـاه قيضـن قفـاه ربيـع مار كفلي حمى الونيات في حومة الوغى=مقـدم ركابـن مـن هــواه تطـيـع واصبر ليامـا ينقـض الجـزو مالهـم=ويجمعهـم الجـو الـقـراح بـريـع وصح لي بـراس الدهمشيـات صيحـه=ياتيـك منـهـم شـايـب ورضـيـع طواليتـن ينـخـى بـريـك رجـالـه=هل (البيـت الاقصـى والمقـام رفيـع) يصيح بعالي الصوت لك يابـن مطلـب=رجـل وتاخـذ منـك الرجـال صنيـع وان كان هـذا مقـدم الطيـب عندكـم=فأنـا للحقـوق المقـدمـات مطـيـع وعندما سمع عدوان القصيده سأل منيع فأخبره بالخبر فغضب عدوان وأخذ كل حلال المصيبيح وأرسله لبريك وقال سلمو لي عليه وقولو له يقول عدوان اعذرن مادريت بالسالفه الا الحين وعندها اخذ بريك قعود واحد وقال هذا اثبات حقي بس وزهب البقيه من تمر بقعاء وأعادها عليهم 0000 رحمهم الله 00 وقوله (البيت الاقصى) يقصد الكعبه وقوله (والمقام رفيع) يقصد انهم من الاشراف 0000 تقبلوا تحياتي 00 ابن غسلان ((((الراوي))) |
اقتباس:
http://www.al-wed.com/pic-vb/718.gif مواقف رااائعه الله يعطيك العافيه استاذ فواز الغسلان على هالطرح المتميز ماقصرت http://www.al-wed.com/pic-vb/718.gif |
عساك للعافيه على السالفه والقصيده
ونعم غيهم رحم الله الميت وابقى الحي تحيتي لك فواز |
فواز الغسلان
لا هنت وبيض الله وجهك |
ياعساك تسلم اخوي فواز على سوالفك الحلوه
ماقصرت يعافيك الله |
اسعدك الله فواز الغسلااان
الله يعطيك العافيه |
راوووي الجبل ... ابو فهد حيي العلم الغانم عند الاجااااويد يابعدي لاهنت يالغلا على السالفه الطيبه لك الغلا اخوووك سرحان |
أخوي فواز الله يعطيك العافيه على السالفه والقصيده لاهنت أخوي دمت ودام قلمك آآمنتك الله |
يامالا العز يافواز على المشاركه
رحمهم الله برحمته وعافاك الرب |
الاخوه والاخوات اعضاء منتدانا الكريم000 لقد اطلعت على تعليقاتكم الكريمه وتشرفت بمروركم النبيل يالعزوه00 اشكركم جزيل الشكر على مشاعركم الكريمه والغاليه00 تحياتي العطره لكم000 الراوي |
وصح لي براس الدهمشيات صيحه ياتيك منهم شايب ورضيع طواليتن ينخى بريك رجاله هل (البيت الاقصى والمقام رفيع الله الله والسبع تنعاااااااااااااااااااااااام عواااااااااااااافي ابو فهد ماننعـــــــدم من أطــروحاااااااااااااااتك.. |
| الساعة الآن 04:00 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010