صباح الخير ياعمري ...
 

صباح الخير ياعمري.. عسى عمرك صباح وخير
صباح الامنيات الحالمه.. والورد والمرمر

طيور القلب طارت لك .. وباقي في خفوقي طير
بيحضن حبك الخالد .. ويرعى بيتك الاخضر

من الغربه أنادي لك واناديلك .. واشوفك غير
أشوفك غير ما شفتك .. أشوفك اجمل وأكبر

وكل ما قلت اتغزّل .. يخون عيونك التعبير
أعوّد واعترف إني على التعبير ما أقدر

أحبك قد ما أحبك .. أحبك مالها تصوير
سوى انك ملكتيني وعشتي داخلي وأكثر

تعالي نترك الدنيا ورانا .. وآخذك ونطير
تعالي رجعيني لي .. وخليني أعود اسمر

تعالي من ورى شمسي .. تعالي نترك التبرير
شموخي واحتجاجاتي وصرخاتي .. بدت تصغر

أنا عاشق اذا جيتي .. وعاشق لو بدا تقصير
على كل حال انا عاشق .. وحبّك داخلي يكبر

نسيت أقول لك .. انك عناوين الفرح والخير
وذكرت آقول لك .. اني أحبك قد ما أقدر

أنا عاشق اذا جيتي .. وعاشق لو بدا تقصير
على كل حال انا عاشق .. وحبّك داخلي يكبر


اميرهـ يسلموو فديتكـ دخلتيني جو مع الصبح هذا ..

يعافيك اميره
على اختيارك
كلك ذوق

الامورة بنت الهيلا
يسلمك ربي على روعه مرورك العذب
دمتي بود

عشوق
يسلمك ربي
انت الذووووووق كله
شاكرة مرورك العطر
دمت بود

العود الازرق
فديت قلبك يالغاليه
يسعد ايامك ربي
دمتي بود

اورنس
يعافيك ربي
شاكرة مرورك العذب