منتديات بعد حيي - ماه عذب وفيه جذب وفيه للشمـس انعكـاس

قصيده تحكي مابداخلي
عجبتني ونقلتها لكم
صح لسان شاعرها لايحضرني الان اسمه


	أستباح الجور روحي والشقـا الخافـي ظهـر ما منع بلواي صبر ولا قطـع رجـواي يـاس أجتهد واسعى ولكـن حظـي اشبعنـي قهـر كل ما قلـت يْتعـدل حاربـه شبـه انتكـاس قمت اجاهد عز نفسي واحتمـل ضيـم الدهـر ورغم حرماني حييـت بعزتـي مرفـوع راس كل ما وجه الزمـان بوجهـي اظلـم واقفهـر ابتسم واصمد بوجهه في ثبـات وقـو بـاس ما سألته عن احتراق وطـول تفكيـر وسهـر ولااثنى عزمي جحود (ن)ألمسه من بعض ناس من خطب ود الخلايـق يلزمـه يدفـع مهـر واحتمالي للمصايب جا علـى هـذا الاسـاس ودي اواسي فواد(ن)في رضم جور (ن)صهـر ودي اضحك ودي ابكي دامني شايف وحـاس ودي أنثر لا ضحكت بضحكتي عطـر الزهـر ودي أنظم من دموعي لا بكيت عقـود مـاس ودي العطشان يارد بـي علـى مجـرى نهـر ماه عذب وفيه جذب وفيه للشمـس انعكـاس ودي ودي ولكـن حظـي اشبعـنـي قـهـر وأمتحني في هموم (ن) مالها حصـر وقيـاس

ودي أنظم من دموعي لا بكيت عقـود مـاس
ودي العطشان يارد بـي علـى مجـرى نهـر
ماه عذب وفيه جذب وفيه للشمـس انعكـاس
ودي ودي ولكـن حظـي اشبعـنـي قـهـر