|
مارايكم في هالدكتور
في الليل امس تقريبا الساعه تسعه ونص
تعب اخوي من اوجاع شديده في بطنه رحت انا وهو لمستشفى اهلي معروف في الخبر لان كان الوقت متاخر المهم في السالفه دخلت انا واخوي عند دكتور وكشف عليه وبعد الاشاعه طلع عنده الاتهام في فم المعده سببها اكل الشطه الحاره((لان اخوي مدمن عليها)) بعدين قال الدكتور لازم نعطيك مغذي علشان تعوض النشاط اللي فقدته من التعب ((بعد مادخل اخوي لغرفة مراقبه المريض)) انا قلت فرصه اروح اتكلم مع الدكتور عن اخوي قلت يادكتور لو سمحت اخوي مدخن بشراهه ياليت تنصحه وتقنعه انه يبتعد عنه وتقول ان سبب المرض اللي فيك سببه الدخان تتوقعون ايش كان رد الدكتور؟؟؟ قال متخافيش عليه احنا كلنا مدخنين انا هنا انصدمت وسكت وطلعت والعبره تخنقني يااحبابي ابش رايكم في هالدكتور ؟؟ |
اكيد يطمنك بكلامه
لو ان رده دليل انه عدم اقتناعه بالدخان انه غير مضر دكتور غريب فعلا شفاه الله امين وشكرياتي لك على الموضوع |
.........................
|
هذا الدكتور ماعنده الا صرف الادويه فقط
حال اغلبية الدكاتره وتبيهم يوصفون مشكلتك ماعندهم سالفه يصرفون من الادويه وهم مو عارفين مشكلة المريض ايش تدري اللي يرفع ضغطهم ايش هو انك تسئلهم عن حالتك يبوننا مثل ايام جدي وجدك اللي يجيبون الطفل ويحسبون الدكتور فاهم بكل شي ولا يسئلونه عن الحاله وسببها >>> فلسفتهم عاليه وطب مافيه الله يعينك معك حق لو تنقهرين لكن الشكوى لله والمشتكى اليه |
دكتور جاي لياخذ الراتب ولا يهمه
الا مصلحته مايبي ياخذ وقته معاكي |
الشكوى لله
لوفيه خيركان نفع نفسه تقبلي مروري دمتي برضاااا... |
شلون ينصحه بالامتناع عن التدخين وهو مدخن
أكيد ما راح يسويها وبعدين الدكاترة هالأيام ( أي كلام ) وبحكم وظيفتي القريبة منهم .. يومياً أنواع الافلام الي تصير خلوها مستورة بس غدورة .. يعطيك العافية |
[align=center]
غدورة الله يعينك بس المشكلة الي عند اخوك زي ماقلتي من الشطة وماهي من الدخان ولكن هذا مايمنع لو ان الدكتور نصحه واخبره بمضار التدخين بس تدرين ليش قال كذا >>>لأنهم عايشين على امراض الناس وكل مازاد الوعي قل دورهم وبالتالي قل دخلهم اشكرك على طرح الموضوع [/align] |
اكيد ما عنده رد منطقي فرد بالطريقه هذه
لان امراض التدخين واضحه وضوح الشمس ومو محتاجه هالدكتور علشان يوضحها |
مانمت البارحه زين
دائما هالموقف قدامي واتخيل الدكتور وهو يقول لي صرت شاردة الذهن بسببه |
شكرا لكم ماقصرتوا على تواجدكم هنا:h64:
|
| الساعة الآن 03:31 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010