|
هل انت راضي عما يحدث !!!
بما ان المنتدى للحوار الجاد والنقاش المقنع
الحقيقه وبدون مبالغه انا مستغرب من تصرفات مجتمعنا هل حنا الى الان نعيش في اجزاء من غياهيب الجهل ؟؟ ام يوجد لدينا في بعض المواضيع جهل مركب !!! وبصراحه هل انت او انتي راضي او راضيه عما يحدث ؟ ان المراه تمنع من قيادة السياره والحل هو ان تركب مع السائق الاجنبي او مع سيارة الاجره هل هذا حل يعقل !! ليش ما هي تتعلم القيادة مثل الجوال كان مرفوض وممنوع والان عادي او ان المساله وقتيه ياجماعه انا ارى ان المراه لازم تتعلم القياده ونفتك من المصايب اللي جتنا من سيارة الاجره والسائق الاجنبي وبحكم ما رايت خارج المملكه وداخلها ان المراه العاقله لو تروح يم امريكا تبقى عاقله والعكس صحيح على ................. تبقى ضايعه واعتقد ان الموضوع مثل قصة الجوال مع المراه اي ان المساله وقتيه وختاماً تحياتي للجميع |
[align=center]
صوت الحزن يعطيك العافية على طرح الموضوع وانا اشوف انه مافيه مجال لمقارنة القيادة باستخدام الجوال الجوال تقدر تتصل وتقضي اشغالك وانت جالس اما القيادة ففيها اختلاط ومصايب لايعلمها إلا الله وافضيحتي كان سيارتي بنشرت على الدايري:ert4:[/align] |
انا بالنسبه لطرحك جاز لي
واتمني ان ينظروا من تلك الزاويه بجديه ولكن بظوابط دينيه تقبلوا مروري |
اقتباس:
استخدام الجوال في البيت وبين أنظار الأهل .. وحتى إذا البنت استعملته بطريقة خاطئه بيكون أقل خطورة من السيارة .. السيارة استخدامها في مكان عام ومختلط والله العالم البنت لوين بتروح من ورا أهلها .. وممكن تخطئ بالطريق .. أو تبنشر .. أو..أو.. أو .. اقتباس:
بس الوساوس البشرية ما ترحم والنفس أمارة بسوء .. دايماً أقول بدي أسوق بس من باب المزح .. صح أنا عايشة في مكان منفتح بشكل مو طبيعي .. بس وقت الجد .. أرفض سواقة المرأة وبقووووة .. لأني أخاف على نفسي .. صرنا في عالم ما فيه آمان .. وإن شاء الله ما يجي اليوم وإللي يسمحوا السواقة للمرأة لأنو بنقول على الدنيا السلام .. * صوت الحزن * الله يعطيك العافية ع النقاش الجميل .. طرحك راقي طاب يومك .. |
صوت الحزن ....
أعتقد مافي مجال للمقارنه بين االجوال والسواقه والجوال له مخاطره وسياته بس أخف وقعاًمن السواقه,,, سواقة المرأه من جميع الجوانب لها مخاطر وممكن تكون لها فائده واحده وذلك في الضروره القصوى كتعب الأب أو الزوج أو الآخ أثناء السواقه وفي مكان منقطع وخارج التغطيه .. والكلام في هذا الموضوع يطول شرحه وله مداخلات متعدده ووجهات نظر مختلفه منها الصحيح ومنها الخاطئ أنا لا أييد سواقة المرأه خوفاً عليه من التماسيح المتوحشه <<<< متقصد شئ بالرغم من كونهم يستطيعون الوصول اليها في أي مكان ومتى سمحت لهم الفرصه لذلك !!! اللهم إحفظنا وإحفظ جميع بنات المسلمين ...... صوت الحزن الله يعافيك على الطرح الشيق ... دمت بود |
صوت الحزن .. يعطيك العافية على طرح لهذا الموضوع
وأنا اختلف معك في سواقة المرأة بصراحة لا توجد مقارنة مطلقاً بين الجوال وسواقة المرأة سواقة المرأة وبالتحديد في مجتمعنا راح تسبب الكثير من المشاكل والمتاعب ( واحنا مش ناقصين ) شاكر لك مرة أخرى طرح الموضوع .. واتمنى تقبل الآراء بصدر رحب |
طرح مهم
صوت الحزن هناك اسباب جمة وعديدة تمنع قيادة المرأة في مجتمعنا ولو ابي اتطرق لها لأحتجت الى الكثير من الصفحات انا برفض شيء أكيد وهو من باب واحد - والأبواب كثيرة كما أسلفت - ان فكرة سواقة المرأة خرجت من علمانيين خاسئين لا تهمهم الا تفرقة اهل السنة والجماعة ولهذا ارفض سواقة المرأة لو فيها نسبة نجاح تتعدى المليون بالميه !! وهذا سبب يكفي اعتقد لكن بزيدك بثااني انت لو تشوف المرأة اذا ركبت مع سواق لحالها كم شاب سعودي يلحقها!! ما تصدق عينك وهذا كله وهي مع سواق كيف لو كانت لحالها !! واذا السواقين فيهم مشكلة لا نعالج المشكلة باخرى أي نسمح بسواقة المرأة ليه ما تكون ألزامية على رجل العائلة اخذ عائلته هو بنفسه بدون سواق !! ليه المجتمع صار عنده عادي البنت تخرج بسواق .. يمكن هناك ضرورة عند البعض هنا تسمح لهم .. لكن الكثير من العائلات ليس عندهم ضرورة ليش يجيبون سواق !! هناك حلول كثيرة وكثيرة غير سواقة المرأة لماذا لا يتطرق لها .. لان هذه الفكرة من علمانيين يريدون زعزعت الأسر السعودية ويريدون انفتاح غربي في الاسر السعودية .. دون دين ودون تمسك بدين هذا هدفهم ومع الأسف هناك من يساعدهم مننا !! في نهاية الأمر اتمنى ان تكون وجهة نظري وصلت كما أردت ومشكور علىالطرح الحساس .. تحياتي .. |
اشكرك انا مع كلام اخت نور
شكرا جزيلا لك صوت الحزن |
[glow1=66ccff]شتان بين الجوال وسواقة المرأة فالجوال تكون تحت أنظار أهلها أما
السواقه فهي شر فلا سمح الله حصل معها بنشر أوحادث هاذي مشكله كبيره تسلم صوت الحزن ع الطرح دمت في حفظ الرحمن[/glow1] |
السلام عليكم ورحمة الله وبركاته
اولاً / احب اشكر الجميع على المشاركه والتفاعل واللي وان دل يدل على الارتقاء الثقافي ثانياُ / نور الدنيا وهايدي وغريبة الروح ............وهلالي دمه يغلي الله يستر منه والمزيون ............وشباصه اجوديه كانت ارائهم متشابهه نوعاً ما بس بكل صراحه ما اقنعتني با القدر الكافي من ضمن المحاور اللي تطرقو لها او مجملها 1- لاتوجد مقارنه بين الجوال وقيادة المراة بحيث ان الجوال داخل المنزل وامام الاهل واقل خطوره 2- الاختلاط في قيادة السياره مع الرجال 3- (لو تبنشر على الدايراي) 4- الوساوس البشريه ماترحم والعاقله قد تنحرف ............ اما الاخت فتاة الاسلام كان ردها مايل بكفة قيادة المراه وتحيه لها (اتمنى ان اكون كتبت كل النقاط لاني مريت على الردود اكثر من مره وش وراي فاضي لكم الى ان تقولون مافيك حيله ) الرد على جميع المحاور اقول لكم ((( نسينا ماكلينا )))) الا فيه وجه شبه اذا ماهو طبق الاصل اصلاً على وقت الجوال من كان يسمح ان زوجته او اخته يكون معها جوال وتذكرون المشايخ وش كان كلامهم عن الجوال بيد المراه حرام وبعدين يجوز للضروره والحين حتى الاطفال اللي با الروضه معهم جوال اما عن المخاطر للجوال اقول لكم الجوال اخطر من السياره بعشر مرات اذا كانت السياره تمر عن طريق الطرق المعبده والموصلات المكشوفه اجل الجولات تمر عن طريق الطرق والموصلات السريه وهي جالسه تقدر تحدد موعد برسالة جوال اسرع من البرق السياره وسيله تنقل كانت موجوده على زمان بيت الشعر والطين مثلها مثل الابل والخيل و..... مالها الا غرض واحد الانتقال بك من مكان الى مكان اما الجوال وسيلة اتصال اربع وعشرين ساعه واقرب من مفتاح السياره اضف الى ان السياره امام و خارج المنزل وتحركاتها مكشوفه عند الاهل لكن الجوال داخل المنزل وتحركاته غير مكشوفه اطلاقاً ولا اريد ان اطيل والا سردت لكم قصص عن الجوال وحتى لو الاهل ماهم شمس شارقه على تصرفات بناتهم لكثرة مشاغل الحياه وبا النسبه للعاقله والوساس البشريه والوحوش وووو ...........اقول الطريق واضح لكل قلب ناضج وبعد ماتسوق با العكس اذا استمر الوضع لمده سنه راح تشوف عند الاشاره عشرين بنت فيه منهن العاقله لا وممكن تسمع من المسجل صوت السديس وفيه منهن الضايعه وممكن تسمع من المسجل صوت راغب علامه والشباب نفس الكلام وبا النهايه الطيور على اشكالها تقع بسياره والا بجوال وبا النسبه الى الاختلاط مافيه اختلاط لان المراه بسيارتها والرجل بسيارته مابينهم اي علاقه و الاختلاط هو ان يكون الرجال والنساء تحت سقف واحد مثل جامعه او مدرسه او إداره وموجود الاختلاط بمجتمعنا مثل المستشفيات والستوصفات وسالفة لو تبنشر اوتعطل المساله سهله جداً والحل الاحتياطات الازمه بحيث هي تبنشر السياره ليش لا او يجي دور الجوال تدق على اخ او اب او عم او خال او اذا كلن مشغول هنا يجي دور الحكومه بتوظيف مجموعة فتيات بكل منطقه لخدمة مثل ها الامور وباقي شي مهم .... العقاب الصارم والمخيف لمن بتعرض لبنات المسلمين لاننا مجتمع واحد كا الاسره الواحده ثالثاُ / ماكتب لعيونك وتحيه له وللجميع اقول له عطني الحل اذا كانت الحلول كثيره وبا النسبه لسالفة الزام رجل العايله الاول واذا كان لايستطيع وبا النسبه لرفضك انها من علمانين اقول لك شي نحن كامسلمين نركب سيارت صنعها كفار ليش ماقلت ما ابي السياره ومثله الجوال والدش والبيجر على زمانه لا والمكيف والكهرب والانترنت كلها افكار كفار وحنا ماعلينا من العلمانين نحن نريد حل لمشاكل لا يعلم بها الا الله واخرها سالفة الرجل الشهم اللي با الرياض و للي قام بإنقاذ البنت الصيغيره من البنقالي خطفها قدام امها تخيل الموقف لولا ذلك الرجل الشجاع وقليل امثال هذا الرجل لكانت الام تنوح ليلاً ونهاراً........................وكم من المصايب وعندي من القصص ما يقشعر البدن منها (ولهذا ارفض سواقة المرأة لو فيها نسبة نجاح تتعدى المليون بالميه !!) ليش ترفض اذا نسبة النجاح كما ذكرت العلمانيون يريدون فصل الدين عن الحياه او السياسه ويريدون ان نكون مثل الغرب انفتاحيين ويريدون مراقص بكل مكان وحريه مطلقه لكن نحن مسلمين ونعي لما يصبون اليه ونحن ولله الحمد مترسخه بجذورنا هداية الاسلام ولا نقبل بذلك (ليه المجتمع صار عنده عادي البنت تخرج بسواق )لان المجتمع اصبح امام الخيار الصعب واللي ماكان يعرف بنتيجة اختياره ولو اختار من زمان قيادة المراه كان ماطاح الفاس با الراس وشاكر لك تفاعلك الجميل وختـاما المعذره على الاطاله .............والمعذره ان وجد خطا املائي تحياتي للجميع وتمنى ان ارى من الجميع محاولة اقناعي لاني لم اقتنع الى الان صــــوت الحــــزن |
| الساعة الآن 12:06 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010