انا ويش انا بعدك؟ شتات والم واعصار
 

خذاني على حـد القهـر .. شوقـي المنهـار
ورماني .. على جالـك .. لعلٌـك تواسينـي


مثل ما خذتني قبـل شوقـي .. لـك الأقـدار
مع اول طريـق ٍ.. فيـه ضاعـت عناوينـي


أناجي غيومك والقـدم بيـن نـار .. وغـار
أضمٌك واموت. .. وتحتـرق بـي وتحيينـي


انادي .. وانا ادْري ما ورى الصوت ردْ اخْبار
وافيق .. وصـدى صوتـي بحالـي يعزينـي


انا اللهفة اللٌي .. ما لقـت بالصـدور ديـار
انا الحزن .. في ذاتي .. وشكلـي وتكوينـي


نخيت الطعون اللي تسابـق الـم .. وامـرار
تعبْتَ .. الْوِجَعْ فِينـي .. ودمعـي يواسينـي


من اول صباحٍ .. شَعْ نوره علـى الإبْصـار
وانا غربتي .. من وين مَ / امْشـي تبارينـي


انا الهمْ بَ / اطْرافي .. يدوزن على الأوتـار
ترانيم حزنـي .. نغمتـه .. فـي شرايينـي


انا .. ما كتبت الشعر .. من شان فيه احتـار
هو اللي كتبنـي .. فـي مـداده .. وينهينـي


حداني .. على شَـذْرتْ نحيـلٍ عَـوَجْ بتـار
اصَمْ .. ابكمٍ اَعْمى .. يقـصٌ الأمـل فينـي


انا ضعت بَكْ أُنثى .. وضاعت بـي الأسفـار
لقيتك وانا مَـدري !.. وكـاد انْـت تغرينـي


انا ليه يوم انٌي ملكْت السحاب .. اِشْ/ صـار
بغيت اختفي بك .. والمطر .. يغسل سنينـي


توغلتْ بَكْ .. كِلي .. وكلك .. لهبْ من نـار
اشوف الطريق .. وصالـي الوجـد يكوينـي


أنا ويش انا بعدك ؟ شتاتْ ! و ألم ..و اِعْصار
خذاني على اطْراف السٌما .. واطْلـق اِيْدينـي


شعر :

غنج نجد

أنفال

صح لسانك


قصيدة رائعه

وأعجبتني حيل

لكي مني كل التقدير


وأنتظر جديدك

وسجليني معجب بحرفك الرائع

أخوك

محمد الفريدي

من أجمل قصائد الرائعه غنج نجد


تسلمين على النقل المميز

تنقل لقسم المنقولات والمحاورات

مشكورين على المرور

يسلمو على المرور