|
محادثه خطيبي قبل الزواج صح ولا غلط؟
ღ » .. السلام عليكم ورحمة الله وبركاته ..«ღ
// البعض يقول ان حديث الخطيب لخطيبته وقت الخطوبه هو اساس التفاهم بينهم ؟ هل هذا صحيح او لا ؟ - بنات إذا انخطبتي وطلب منك خطيبك ان يحدثك بالتلفون - ماذا سيكون موقفك ؟ وبماذا ستردين عليه؟ هل توافقين او لا ؟ هل تتوقعين / تتوقع ان المكالمات ستساعد في فهم شخصيات بعض على حقيقتها والتعرف عليها؟ هل تتوقعين اذا جرت بينكما مكالمات ان يقول بعد الزواج انه ليس غريبا عليك ان تحدثي احدا غيره ؟ ماذا سيكون موقفك وبماذا ستردين ؟ و الشاب الخاطب شو موقفه ؟؟....هل انت مع او ضد المكالمات في فتره الخطوبه...؟؟؟ |
[align=center]ايثار العنزي
مرسي كثير على الأطلالة بدائرة النقاش المفيدة كثيير للمقبلين على الزواج وجهة نظري والله كثير من الناس يتبعوون الأتصال بالخطيبة قبل ليلة الزواج ,, اما انا << هذا اذا تزووج ههههه فما احب اجري مكالمات قبل الزواج موولية . . . وممكن نحصل الأجابة الكافية من المتزووجين من التماسيح والسحالي << ممكن يغيير رائية ههه لاعدمتك[/align] |
بصراحه .. و من وجهة نظر شخصيه جداً .. لا أفضل إني اكلم خطيبي قبل الزواج .. حتى لو بعد الملكه أو زي ما يسمى بكتب الكتاب ..!!! لأني احس بطيح من عين نفسي قبل عينه !! و إني ما صدقت خبر متى اخطب عشان اتعذر و اكلم !!!! بصراحه لو ايش ما كان .. ما راح اتجرأ و اكلم خطيبي !!! و أرجع و أقول انها وجهة نظري الشخصيه .. و ما راح أعممها عالكل .. كل الشكر اختي على طرحك القيم .. و سلمت يمينك .. |
غير منطقي جدا
هاذي عوايد الغرب وليس لنا اختي كل الشكر لك على الطرح |
[align=center]
من وجهة نظري غلط xغلط ولا اشجع ان الوحدة تكلم قبل الزواج الا اذا كانت ملكة هذي تتوقف على قناعة الشخص والعايلة اعرف ناس كلموا بعض في فترة الملكة والحمدلله تزوجوا وحياتهم ناجحه ماشاءالله ولكن احذذذذذذر البنات من الوثوق بأي تمساح قبل تعاشره وتعرف خيره من شره ومشكورة ايثار على طرح القضية للنقاش:h64: [/align] |
_ بنات إذا انخطبتي وطلب منك خطيبك ان يحدثك بالتلفون -
ماذا سيكون موقفك ؟ وبماذا ستردين عليه؟ هل توافقين او لا ؟ اكيد برفض دون تردد هل تتوقعين / تتوقع ان المكالمات ستساعد في فهم شخصيات بعض على حقيقتها والتعرف عليها؟ ابدا بالعكس قبل الزواج كلن يجيب افضل مالديه من الصفات الحلوه مع الحرص على اخفاء العيوب وبعدين بعد الزواج قدامهم حياة طويلة عشان يفهمون بعضهم من غير تصنع او تمثيل هل تتوقعين اذا جرت بينكما مكالمات ان يقول بعد الزواج انه ليس غريبا عليك ان تحدثي احدا غيره ؟ ممكن تصير هذا يرجع لطبيعة الرجل نفسه اذا هو انسان شكاك حتى لو لم يكلمها قبل بيشك ويظن فيها اولا واخيرا حنا امامنا شرع وعادات وتقاليد تربينا عليها لايمكن تجاوزها ابدا مهما كانت الظروف والمغريات كل هالامور دخيله علينا الله يحفظنا ويكتب الخير لجميع الشباب والبنات ايثار الف شكر يالغاليه على طرحك المميز واعتذر لاطالة تقبلي فائق احترامي وتقديري دمتي بحفظ الله.. |
مشكووووووووورين على مروركم الرائع
|
الله يعطيك العافية ايثار طرح موفق سلمتي
بنسبة لي لا اوووافق ان خطيبتي تكلمني في فترة الخطووبة لانه غير لائق من الاثنين ولا يعرفو وش يصير في هذه الفتره هل تمشي امورهم ام لا ووولاكن اذا ملك وكتب عليها فاتعتبر زوجته وهذا شي ثاني الله يكفينا شر السلوك الدخيله علينا من بعض الدوول كل الشكر ايثار |
_ بنات إذا انخطبتي وطلب منك خطيبك ان يحدثك بالتلفون -
ماذا سيكون موقفك ؟ وبماذا ستردين عليه؟ هل توافقين او لا ؟ اذا كان قبل الملكه بارفض هل تتوقعين / تتوقع ان المكالمات ستساعد في فهم شخصيات بعض على حقيقتها والتعرف عليها؟ اذ كانت بعد الملكه اوك هل تتوقعين اذا جرت بينكما مكالمات ان يقول بعد الزواج انه ليس غريبا عليك ان تحدثي احدا غيره ؟ ممكن ايثار يسلمووووووووو على الموضوع |
اهلين اختي ايثار الغاليه
تسلمين على الطرح الجميل حنا عندنا تقاليد تختلف معكم يأهل حايل قبل ان يتزوجني اطلب انه اشوفه شوفه شرعيه وهو كذلك بعد الملكه يتصل فيني مافيها شي واعرف بنات من القصيم بعد الملكه يخرجن مع خطيبهن لسوق ليشترو اثاث لمنزلهم انا ناظرت ردود الاخوان والاخوات بالموضوع هذا استغربت منهم الذي يرفض ذلك ان تتصل فيه خطيبته وين المشكله ..... فيه رجال يتزوجون بنات عن طرق العشق مثله مثل الذي يتصل على خطيبته بعد الملكه هذا وجهت نظري وتحملوها بصدر رحب مشكوره اختي ايثار على مناقشه ذا الموضوع |
طبعا
انا من جدة وجدة غيررررررررر لكن الدين هو الاساس في كل العادات حنا عندنا عادي عقب الملكة او مايسمى بعقد القران نكلم بعض ونقابل بعض لكن عن تجربتي في ايام الملكة وربي كرهت عمري كل يوم اتصالات باليوم الف مرة ماتقدرين تروحين ولا تجين ولاتجهزين للزواج ودايم سماعه التلفون بإذنك حتى لو قلت مشغووولة زعل لو قلت عندي ضيوووف زعل يعني بصراحة اذا ماكان لها حدود فهي بدل ماتكون ونااااسة تصبح طفش وتكرهينه وانت ماعشتي معه وومكن تعرفين عنه اشياء وتضيع حلاوة هذي الايام أو طباع أو ثقالة دم ويوم يجي الزواج الا انت عارفته ويكون شخص عاااادي جدا و مالها طعم الايام الاولى بالزواج والمعررررررفة عقب الزواج افضل وافضل ايضا يشوووفها بالملكة وعليها للزواج:000: تحيه طيبه |
بصراحة ما أفضل مكالمة الخطيبة لخطيبها ( وأسالوا مجرب )
صراحة تفقد الثقة فيها .. وتحس انك ما راح تستمر معها في الحياة خاصة وأن بعضهم يكلمون من وراء أهلهم .. وهذي فيها مشكلة كبيرة يعني الخطيب بيقول هذي كلمتني وأهلها ما يدرون .. أكيد تكلم غيري لا والعجيب أن بعض البنات هي من تبادر وتتصل بخطيبها .. ويتفاجئ بهذا الفعل .. ويكون له ردة فعل سيئة بعدها ومرة ثانية أقول ( أسألوا مجرب ) ايثار .. شاكر لك هذا الطرح الرائع جداً |
الصراحه أنا ضد أن الخطيبه تكلم خطيبها لانه مثل ماتفضل أخوي هلالي راح يقول كلمتني فأكيد تكلم غيري لانه الله العالم يستمرون مع بعض أو ينفصلون
أيثار تسلمي ع الطرح المفيد دمتي في حفظ الرحمن |
معليش مداخلة ثااااااانية
شلون تكلمني تكلم غيري هو زوجها اصلا يعني جائز انها تكلمه لان بعض الناس هذي عاداتهم وحتى ابوهم وامهم كانو يكلمون بعض بعد عقد القران بس صحيح المشكلة فمن تكلم من ورا اهلها أو انها ليست عادة لهم او انها تكلم فترة الخطبة قبل الملكة أو العقد الشرعي هنا فعلا مشكلة لكن الصحيح ليست حرام لانها زوجته شرعا وانا انظر لها من منظور تفقد العروسين متعه اول ايام الزواج ومتعه تعارفهم في تلك الايام وغير كذا الحياء شعبة من الايمان فالبنت صعب جدا جدا انها تبادر في الاتصال لانها في هذه الحالة تفقد لو جزء من حياءها وياخذ منها الرجل موقف سوووري ازعجتكم بس عجبني المووووووضوع:h64: اثوووووورة يسلموووو |
أهلاً بكم من جديد .. انا أيضاً لي تعقيب بسيط بعد إذن إيثار طبعاً .. أنا معك أختي لين .. و أظن الغالبيه متفقين إن البنت ما تكلم فترة الخطوبه .. لكن بعد الملكه انقسموا الآراء .. بعضهم يقول عادي بحكم انه حلال أصلاً و انهم متزوجين بالشرع .. و البعض الآخر ما يفضل بحكم العادات و التقاليد المتشدده من هالناحيه .. أنا شخصياً مع النوع الثاني .. لأنه أضمن لي و لبرستيجي قدامه إني اطلع ثقيله .. حتى إني اكبر بعين امه << اهم شيء ^^" انا اشوفها كذا ما احب أكلمه .. و إذا يبي شي ضروري .. الله يطول بعمر الوالد يكلمه و يوصل لي طلباته ^^" و يمكن هذي نظرة الشباب اللي رفضوا انهم يكلمون خطيباتهم .. لأنهم بيحسون انهم خفيفات و بسرعه ينجرفون وراء عاطفتهم .. و يمكن تطيح من عينه أو ما يتقبلها بعد المكالمات .. لأنه زي ما ذكرت بيحسونها خفيفه .. و عادات و تقاليد مجتمعنا و بالذات المجتمع الحائلي الشمالي .. تقيد هالنوع من العلاقه بشكل صارم جداً !!! أتمنى وضحت وجهة نظرنا قدامك أختي ^^ و أتمنى إني ما اكون عممت نظرتي عالكل .. لكن حاولت قد ما اقدر اخليها شخصيه .. و اتمنى بعد إن إيثار تتقبل مداخلتي و ثقالة دمي ^^" و كل الشكر لكم .. |
| الساعة الآن 07:36 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010