|
ليـش متـغــــــير كلامــــــكـ ؟؟؟
يسعد صبـآحكم./مسآكم..
لو في صبـآح حسيته مختلف بآختلاف اللي قدامك لاهو هو ولاكلامه كلامه ولامعاملته معاملته تغير ملحوظ..ليه.؟ وش الجديد وش اللي صآر.؟ انت آخر اهتماماته انت قدامه كآنك اي شخص عادي آلسبب.؟ تراجع نفسك انا اخطيت او زليت وبعد ماتفكر تحصل انك انت انت وماحصل شي احاول افهم السبب ماشوف غير الهروب واللامبالاه :: ليش متغير كلامك هذا مو طبعك معآي .. آنآ آحسك مو طبيعي انآ احس في شي غريب.! :: من فينا حس ان صديقه او اخوه او اخته او حتى شريك حياته متغير عليه بدون سبب يُذكرٍ؟! وكيف حسيت لما واجهته وقال مافي شي احيان لما يقولون مافي شي احسها اقسى بكثير وتتمنى لو التغير بفعل زله او سبب حتى لو كان قوي ولا يكون تغير بدون سبب.! ***مليتونا..لقيتوا غيرنآ..ماعدنا ننفع لكم..؟** ***كنت اقرب من حيآتي..كنت لجروحي دواي..صرت تسسمعني انادي ياحبيبي وماتجي..!*** السسؤال.. من فيكم تغير عليه احد قريب منه بدون سبب وكيف واجهتوا هالشي..؟ آتمنى ماكون طولت عليكم.. ولكن يمكن هالشي كثير نآس يعانون منه ??? سلآم :3ab8a0c27b::3ab8a0c27b::3ab8a0c27b: |
مرحبات بموضوعك غمزه
بدايه طيبه كثير تصير للأسف .. لكن اذا الشخص يهمني ..بشوف السبب الي مغيره واذا كان سببه تاافه هناا المشكله وأكيد على قولتهم بحطه في البلاك لست وش أبغى فيه لكن اذا مايعني لي شي .. أسحب عليه هذي حااااال الدنياا يجوون نآس ويروحوون نآآس الله المستعآن بس شكرياتي لك على طرحك للقضيه |
شووووووووكــــــــرن منـــــــذر على المررروووور الطيب
يعطيكـ العافيـــــه على رأيـــــــــكـ بس كـــــــيف اذا كـــــــــان غااااالي عليكـ مووووووره ؟؟ بعد بتحطه بـ ( البلاك لست ) والا بتخليه مكانوه( بالوايت لست ) وتحاول تسترضيه لو منت عارف وشبوووه ؟؟؟؟؟؟؟؟؟ |
غمزه
الله يعطيكي العافيه على الموضوع القيم والمفيد مشكوره لا هنتي |
هلا أختي حياك معنا .. و نورتي المكان بالطله الحلوة ^^ *** بصراحه أنا اشوف الموضوع عادي .. لأنه ما فيه إنسان يتغير بـ مزاجه .. أكيد هالتغير ناتج عن ظروف يمر فيها هالشخص .. و أكيد راح أعذره .. و الرسول عليه الصلاة و السلام يقول .. | التمس لأخيك سبعين عذراً | .. و أحاول اساعده و أخفف عنه ضيقه .. *** أما إذا كان متغير بسببي .. أو شايف مني شي مزعله أو مخليه يتغير علي .. أكيد إذا كنت غلطانه بـ أعتذر له .. و إذا ما كنت غلطانه .. أشطب عليه مو بس احطه بالبلاك ليست ^^" بغض النظر هو عزيز و غالي او لا .. لكن ما راح اسمح له يغلط علي .. *** كل الشكر لك يا غاليه .. على طرحك القيم و المميز .. و حياك الله بيننا .. |
[align=right] آكيد شي يحير ،، لو آنه تغير علي بين عشيه وضحاها ،، بسآل وش سبب تغيرها ،، ؟؟ ممكن بسبب ظروف خاصة لها ،، آو ممكن صدر مني تصرف ،، وآكيد بعتذر لها ،، آما إذا كان بدون شي ،، بس عنجهية مفاجآة ،، والله ما يهمني ولو كانت آعز آنسانة ،، بس بصراحة ،، ما قد سارت معايا ،، وآحد تغير علي ،، دائماً آنا المتغيرة ،، بس آكيد لي آسبابي ،، ][ غمزة ][ يعطيكِ العافية ،، طرح جميل ،، وآختيارك مميز ،، دمتِ بسعادة ،، [/align] |
سوآء يهمني أومايهمني...!!!
الأهم عندي أعرف وش أسباب التغير إذا كانت منطقيه ومالي سبب في التغير بعذرهـ لأن كل إنسان عندهـ ظرووف أما إذا تغير من دون سبب فجأه يعني الأفضل إني أتركه لأن لو كنت أعز عليه يوضح لي سبب تغيرهـ...!!!! غمزة دلع شكراً لك على طرحك الراقي جود |
الله يعطيك العافية غمزهـ
في تغير الانسان المفاجئ كثير من الحيرهـ لان معاملته اختلفت من الأحسن للأسوء فا هذا الأمر له ووقفه اذلم يجد هذا العزيز مني مايكدر خاطره اوسبب في تغير معاملته انظر ماعنده يحتمل سبب التغير ضغوط او ظروف قاسية شتت ذهن هذا المقرب لنا فكثير من الاشخاص عند توالي الظروف عليه يتغير فايصبح متششت ذهنين ونجده حساس ومعاملته تغيرت فهذا الشيء يرجع لنا اما ان نقف معه وقفه صادقه وابحث عن هذا السبب الذي غيره علي واساعده بقول وفعل وهذا لي قرب الشخص مني ومحبتي له واما درب يودي مايجيب اذكان علاقتي سطحيه معه فكل شي يرجع لي انا من يختلق العذر لمن احب واقوم بمعرفة هذا السبب وانا من لايقتنع بسبب لمن لا يهمني امره فا اسرحه كل الشكر لهذا الطرح الجميل |
[align=center]
آكيد راح ابحث عن الاسباب .. واكيد اذا مني راح اعرف غلطي وبحول اعتذر له وابين له الاسباب اما اذا من راسه اذا اغليه بحاول ارضيه واذا مايهمني الله يحفظه ويسعده ويذكره بالخير .. الله يعطيك العافيه على هالموضوع .. بحفظ الرحمن ,, تقبلي مروري .. بقايا حلم .. [/align] |
ياكثر ماتغير ناس بدون اي سبب
وفي البدايه كنت احاول اعرف ليش ولكني مليت لاني في اغلب الاشخاص لقيت نفس الاجابات تقريبا وهي اننا ماعدنا من مستواهم ولاهم مستعدين ينزلون مستواهم لمستوانا ونسوا كل اللي كان بيننا من عيش وملح على قولتهم ولكن اللي مايبينا مانبيه وعلى قولة المثل من عافنا عفناه لو كان غالي فاماراح اركض ورا اللي يتركني بدون سبب لاني عارف نفسي تماما واني الحمدلله مااجرح احد ولو صار في يوم راح تلقاني باليوم اللي بعده ولا كأنه صار شي يعني على قولتهم ماعندي من الشيطان طاري واللي يبيني الله يحييه وراح افديه بعيوني واللي راح يروح الله يسهل عليه كل الشكر لك اختي غمزة دلع على الطرح الراقي دمتي متميزه كما عهدناك |
| الساعة الآن 10:37 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010