ياقو قلبك اليا صديت ماتاوي = ويالين قلبي على صدك وياصبري
وياوسع فرجة غيابك شوفني خاوي = والوقت عقبك ترى ماقد قبل عذري
واثرك تعرف الجفاء وتعيش به هاوي =وحققت لك بالجفاء تقدير ماتدري
وانا الذي فوق جمر الطيب لك جاوي = ارجي تبوعك واشوفك فاري صدري
ان كان لك شيمة ترني ماني شاوي = غيرك يجيني وانا اللي حافظ قدري
حطيت لك في ضميري بيت ياغاوي = وسطرت لك في مقام الشعر من حبري
واسرجت مهره خيال الفكر في داوي= ترزم حروفي رزيم الرعد في سطري
لكن ذي سيرتك !! واثرك علي قاوي =اطفيت شمعه وصالي وانخمد جمري
والختم ذي قصتي لا شيخ لا رواي =درس حفظته من ايامي وانا مدري
ترى الوفاء بالوفي جرح (ن) ومتشاوي=وترى الوفاء بالردي سمً معك يجري

لوّك عني تسأل مثل ماأسألك عنـك=كان اتصال الروح للروح واصـل
مار انقطاعك ورد (ن)مورد الضنك=واقفاك حالي شف لها ويش حاصل
لو كنت تأمني وانا يـوم ماآمنـك=لك حق في صدك اذا صرت ناصل
انشد عيوني كان تبغى الخبر عنك=برنامجك فالعين مـن دون فاصـل

وردتنـي درب المهالـك بجوعـك=واهفيتـني وانـا اتلـذذ بجـوعـي
اخايـل بروقـك واطـرد تبوعـك=وانته تحاسبني علـى كـل بوعـي
جنيت شوكك من عوالـي فروعـك=وخذيت من عيني بقايـا هجوعـي
حسبي على ا للي غيرك في طبوعك=ذليتني ثم جيـت ماهـو بطوعـي
وصرت آتدرى ضيقتك مع جزوعك=وانا احتمل من الخطا والوجوعـي
انت الذي مخلوق مااكبر هزوعـك=وانا الذي مارضى عليك الهزوعـي
تعطيني الجمـره واقبـل دروعـك=وانا من اول منزلك فـي ضلوعـي
فتحـت قلبـي ثـم تهنـاْ رتوعـك=وخليت لك في جوف قلبي رتوعـي
ازريت وانا ابلع طرايف وجوعـك=ولاجل الهواء حبيت انا راس كوعي
واليوم لاتضحـك ترانـي بروعـك=برد لـك دينـك واسـدد وجوعـي
حطيت لك برج يحالـي طبوعـك=الهجر واللوعـه ودمـع يروعـي
اعيش انا دايم ترى تحت طوعـك=واليوم نذر الا تجي تحت طوعـي
احرق ورودك لين تقفـي جموعـك=واسقيك من مر الشرى كل نوعـي
اليـن يفطـر ماحونـه ضلوعـك=ولا تحسب اني مرخص في دموعي
خلك على ماتشتهي مـن فزوعـك=بعطيك انا من ربع باقـي فزوعـي
تبغى الوصل بقول لك حب كوعـك=بدلت غيمك في سحايـب طبوعـي
وان كان عينك تحتوي في دموعـك=وف الدمـوع ولا تجينـي تبوعـي

اتعبت رجلي يوم لي ذاع صيتك= واليوم رجلي لو بغيتك تعوقن

ورجلي وهي رجلي متى مانويتك =عيت على قاع المذله تسوقن

مادام ماقدرتني يوم جيتك=لا تحسب ان شوفك تراه بيشوقن

افضل طريقة لا كويتن كويتك= ولا آمنك لو ان غيرك يبوقن

يمكن زماني غرني واشتريتك=واليوم انا اللي شايفك ماتلوقن

دور على غيري يجي لك ببيتك=ماعاد لي بك لازم لو تطوقن

سبحان رب فارقك فـي وصوفـك=غيرت طبعك عقب مااقبلت قفيـت
هذي صنوفك يوم اعـدد صنوفـك=تجزى الوفي بالهون وتقول ساويت
تزعج على كل الخلايـق ظروفـك=والناس تقرى ماحوى ناظم البيـت
ومادام ذا جيشك وهـذي صفوفـك=لانته خوي لي ولا ابغاك لا جيـت
وان كان هذي جزوتـك ومعروفـك=باقول ياليتي عن العـرف صديـت
احسبك نجـم بـس بانـت كنوفـك=انت الهبوب اللي طفى شمعه الليـت
العام تذبـح فـي يمينـك خروفـك=واليوم ماظنك على الديـك سميـت
الله وليـك عنـد قصـرت كفوفـك=العيد روح وانت مااشـوف دقيـت
وانا مبـدل ضلعتـك مـع كهوفـك=انا بـراس النايفـه عنـك عديـت
انت الذي تغرس بجوفـي سيوفـك=مدري علامك هاوي تجرح الميـت
امنول اشوفـك واراقـب طيوفـك=واقول عل الله يجيبك اليـا اقفيـت
واليوم لا تقـرب ترانـي بعوفـك=بدلت هون الوقت ياهيـه بالصيـت
لا ترتجي وصلي وتكثـر حلوفـك=خذيتك لدربي وانا شفنـي اخطيـت
عشرت رخـى ماسندتهـا كتوفـك=وانا من اول حاسبك من هل البيـت
وباقول بيت للعرب عـن سلوفـك=انا الذي من عرفك اليـوم غنيـت
الغـار ظلـه مايـوقـي كتـوفـك=شمس العصر تظهرك للشمس وتبيت

به رجل لامنك نخيته يجي لك = وبه رجل لو لك لازم ماتجي له

وبه رجل لا من طحت عنده يشيلك = وبه رجل لا من طاح ماحدن يشيله

وبه رجل لو هو يكرهك يحتمي لك = وبه رجل لو هو مبغضك تحتمي له

وبه رجل لا شافك ماهو ينحني لك = وبه رجل معروفه غصب تنحني له

وبه رجل مع مر الزمن هو دليلك = وبه رجل ماينفعك لو هو دليله

وبه رجل مايوفيه حتى جزيلك = وبه رجل يوجع كبد نظم الجزيله

لكن ابقصر طول قافي وابي لك = اسمع حروفي كلها يوم ابي لك

ان طبت كل فالعرب ينتمي لك = وان خبت ماحدن ذاكر لك جميله

وان كان مانت مفكر في حصيلك = شف حاتم الطائي وشف وش حصيله

ليتك تعرف اش كنت من قبل مامنت =تعبت وانا اعطيك شي ماهو لك
انته توردني على الموت في صمت =وسيفك بكفك يلهمنه فعولك
نجزاك طيب تبدل الطيب بالشمت =الله حسيبك قلنا من يطولك
نتعب على لاماك نرجي بك النبت=واليوم وردك يشتكي من ذبولك
اليا ذكرتك بقضي الليل مانمت =وانا انتظر سحبك تبشر هطولك
واليوم شفتك وامحل الورد والنبت =اثريك غيمه ماتبلل سهولك
لا واحسايف فالزمن وش معك جبت =مانته كفو والبس هتايت سمولك
خذها وحللها ترى منك انا جزت =دور بدالي ينهظك في ميولك
ماعاد تنفعني وانا منك قد شبت =زرعت في جوفي مواجع خلولك
حسبي على اللي علمك لعبه الكبت =خليتني لمجاذب الليل حولك
كني حريسك وانت كنك لنا بنت=ندرى يجيك العيب لا حام جولك
خضت المعارك وانت بالعون ماعنت=خيبه رجاء منهو يطالع بزولك
كبرك يهيب واستمع عنك برهنت=انك رقم ناقص وطنه رجولك
تحسب حساب الرجل وانته ولا بنت =وقدرك يساوي ماوطنه نعولك
اما تعلم بالزمن قول لاهنت =والناس جنب شرها لا تنولك