|
ليش الإهتمام والتعلق بالإبن يزيد بعد زواجه؟!!!
مراحب على الجميع موضوع من زمان وهو يشغل بالي وتفكيري..عندما يأتي ولد لعائله ما فالسعادة تغمرهم ويفرحون به ويربونه ويهتمون فيه..ويبحثون عن سعادته بأي وسيلة كانت..ويدخل الابن الجامعه وحتى وهو يأخذ مكآفآءات شهريه تجد الأهل يعطونه المال بدون تردد ولا تفكير..يخرج مع زملاؤه ويسهر ويلهو وينبسط ولا يهتم الأهل لأمره لأنه على حد قولهم رجل ويعرف مصلحة نفسه وهو حر لاحظوا هو حر دامه أعزب!!..وتأتي العطل ويسافر للداخل والخارج ويبعثر الأمول بالمشتريات له ولأصدقاؤه ولا يتكلم الأهل قط!! لأنه أعزب وهو حر.. يخطبون له بنت الحلال وتبدأ حياته المليئه بالمسؤليه والاستقرار فيتزوج هنا يبدأ إهتمام الأهل وتعلقهم بابنهم يزيد لأنه متزوج فلازم يتدخلون بكل صغيرة وكبيرة..وين راح؟ ووش اشترى؟ وليش سافر للبلد الفلاني بزوجته؟ وليش يسرف ويلعب بفلوسه؟! كل هذا الاهتمام والتعلق لمجرد أن الإبن تزوج..وأعتبره بوجهة نظري غيرة من الزوجة ليس إلا..أنتم أعضاء المنتدى الكرام مارأيكم بنوعية هؤلاء الأهل؟ وهم كثر للأسف ولا أستطيع التعميم لأنه خير دليل أمى حفظها الله كل همها سلامة أخوانى وزوجاتهم وسعادتهم..ولا تهتم ولا تغار من زوجاتهم..فليس الكل مثل نوعية هؤلاء الأهل.. هل تعتبرون مايفعلونه من إهتمام وتدقيق وتمحيص بحياة ابنهم وتعلقهم الزائد فيه بعد زواجه غيرة أم فضول أم مجرد تنكيد على زوجته؟ ودي وتقديري |
[align=center]
والله الرجل الي ماله شخصيه وكلامه في امور حياته الخاصه والعامه شي طبيعي الكل يبي دخل حياته ويضعون له قررات وشروط ونصايح بس لو اندمر بيته كلن يبي يقول انا مالي دخل انت حطيت قرارك بيدك كان مالهم دخل في الموضووووووع والشخص الذكي يستمع ويفكر ......هل انصيحه تناسب وضعه وظروفه ؟هل الشروط يقبلها مجتمعنا ؟ هل الفكره تنجح في المستقبل ؟؟؟؟؟؟؟ العصمه بيدك وليست بيد غيرك لاااااا تترك الجهل يلعب فيك وبااهلك وابنائك الكل يبي يروح ويخليك بالدنياء غييييرررر ابنائك هم الذين يبقون وراح يدعولك اذا انت احسنت انشائهم وبريت في والديك ووصلت رحمك [/align] |
ام مرام
لا فض فاك كلامك درر تسلمين على مرورك وردك الرائع لا عدمتك يارب..مشكورهـ. |
[align=center]
من وجهة نظري ان الأهل يشوفون ان الولد اذا تزوج صار مسئول ووراه مسئولية زوجة واولاد يعني لازم يضبط نفسه يعني مو مجرد تدخل عشان التنكيد بالعكس يمكن يحاولون يصلحون شانه؟؟ هذا والله اعلم فأنا لااتوقع ان اي اهل بالعالم يريدون مضايقة ابنهم او تنكيده:084: ملامح سلمتي على طرح الموضوع وتقبلي مروري [/align] |
انا معك فيه اهل يتدخلون بكل شي
بس كذا يعني يحبون ينكدون على زوجة ولدهم وفيه اهل يدخلون لمصلحة ولدهم لان بعض الزوجات الله يهديهن ماتقدر وضع زوجه المادي مايهمه ان زوجه قليل راتبه اهم شي تبي تسافر وتستانس والزوج المسكين جالس يتسلف عشان يرضيه هنا نحصل الاهل يدخلون من باب خوفهم على ولدهم ملامح الله يعطيك العافيه |
وين ردي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:dr45:
|
اقتباس:
ياعمرى كلامك صحيح فيه ناس تتدخل لاصلاح وضع ابنهم مع عائلته الجديده بس أنا تكلمت عن الاهل النكديين الله لا يكثر أمثالهم ويهدى من هم كذلك..تسلمين ومشكورهـ على مرورك وردك يالغلا لا عدمتكِ. |
اقتباس:
أووووووه ياكثرهم اللي حريمهم مايقدرن وضعهم المادى بس تكلمت عن الاهل اللي مايهتمون بابنهم الا بعد زواجه ويحاسبونه بكل صغيره وكبيره لمجرد أنه تزوج..مشكورهـ على مرورك وردك يالغلا لا عدمتك يارب. |
اقتباس:
مافهمتك..هل أنت راد يعنى ومحذوف ردك؟؟ |
[align=right]
بـ صراحه موضوع معقد ..! أو أهل معقدين الأصح ^^" *** ما قابلت بـ حياتي نوعية هـ الأهل و لله الحمد .. لكن متأكده إنهم موجودين و ما أنكر هـ الشي ..! عسى الله لا يرميني بين يدينهم ^^" *** طبعي حتى عند أهلي الإعتزال , ما أحب أحد يتدخل في شؤوني .. و دايم جالسه لـ حالي بـ البيت .. و هم أهلي امي و أخواني و خواتي ما تحملت تدخلهم .. فـ ما بالك بـ الأغراب و اللي يسمون أهل زوجي !!! و الله ما راح أتحمل الوضع و اطق من أول يوم ..! إذا حطينا بـ الإعتبار إني تحملته هو {:121:} << الزوج ^^" *** تدخل الأهل في حياة ولدهم يمكن يكون موجود من قبل الزواج .. لكن يزيد و يحمى وطيسه بعده << حشى حرب مو زواج :346dh: يمكن يظنونه ما يقدر يمشي حياته .. فـ يتدخلون مساعده بـ البداية و شوي شوي يصير إدمان .. و تدخل دائم ..! مو نوع من الغيرة من الزوجه بـ قدر ما هو تملك لـ الولد ..! و فكرة إن { الولد ولدنا قبل تدخلين عليه يا بنت الناس } .. يعني فرض رأي و وجود و سيطره .. أكثر منه غيره و تناحر بين الزوجه و الأهل .. و مربط الفرس هو الزوج اللي الكل يتخانق على إهتمامه ..!!! << أكره هـ النوع من الناس :mad: *** طرح موفق و جميل .. و لي عوده بعد إذنك أختي لـ الإطلاع و المتابعه .. كل الشكر لك يا غاليه على طرحك ..[/align] |
| الساعة الآن 12:19 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010