|
عيب اقول"احبك" عيب اقول" اشتقت لك"
عيب اقول " احبكـ " عيب اقول " اشتقت لك "
السلام عليكم و رحمه الله و بركاته بصراحــه هالموضوع من زمان في بالي اقعد افكر فيه و اسأل نفسي و اجاوبها بنفس الوقت قلت اطرحه هنا و نتناقشه سوا هو عن المــشاعر و الأحاسيس طبعاً كلنا بشر لنا احاسيس سواء حب , شوق , كرهـ و ألــم و تختلف من شخص لأخر بحسب درجتها لاكن الموضوع يدور حول .. اننا ليش نكتم هالمشاعر و نخبيها بداخلنا مثلاُ :: الحب اللي يسمع هالكلامه على طول يطري على باله .. حب بين رجل و فتاه .. اقصد بالحب بين الام , الاب , الاخوان , الاصحاب يعني في حياتنا اليوميه .. متى نسمع احد قالنا " يا فلانـ / ــه انا احبكـ نادراً نسمعها صح .. الام ما تقولها لبنتها , الاخت ما تقول لاختها , و كذلك الابو ما يقولها لافراد اسرته البعض بيقول ماله داعي نقولها لان الافعال تبين اننا نحب بعض بس حتى لو .. كل واحد فينا يفكر لو شخص قاله " احبك " وش بيحس بيفرح و يرتاح و يحس انه مهم فاكيد كل شخص يتمني سماع هالكلمه و غيرها " اشتقت لك " ممكن لما الشخص يرجع من دوامه , مدرسه , سفره .. ودهـ يسمع كلمه حلوه " عاش من شافك .. اشتقنا لك ... الخ " يعني بصراحه اشوف ايامنا جداً عاديه .. حتى نستحي نقول هالكلمات و نظن انها " عيب " و كلمه عيب حاطينها في بالنا على الكلمات الحلوهـ اما لو سب , لعن , او دعوه شينه .. ما تصير عيب , عادي تنقال من هالاوضاع اللي احنا فيها .. يلجأون بعض البنات لعلاقات ما تجوز علشان الكلام الحلو او الرجال يخون زوجته و يتقرب من ثانيه علشان الكلام الحلو الولــد تعود على وصف " عيب " للمشاعر الحلوه و يكبر على كذا .. و ما يقولها قبل فتره جتني رساله على الايميل " حمله احبك " و فيها من هالكلام .. انو ليش نستحي نقولها لبعض .. و بالنهايه مكتوب .. لو قلت احبك وش بتقولين لي رديت على البنت , و ارسلتها لباقي صديقاتي و اهلي , بعدين وحده سألتني لقافه منها لمين ارسلتيها و قلت لها لأهلي و لصديقاتي تخيلوا وش قالت ... " فيس مندهش " يوء كيف ارسلتيها لأهلك .. ابوك و اخوانك و محارمك وش بيقولون عنك " طبعاً انا ما لقيت رد مناسب ارد عليها .. لاني تفاجئت خلاصه الموضوع .. نبي نعرف وش الاسباب اللي تخلينا متحفظين بمشاعرنا تجاه احبابنا و قرايبنا .. و ليش نستحي ؟؟ اتمنى التفاعل مع الموضوع .. و ما نكتفي بكلمه " شكراً او يسلموا " تحياتي لكمـ |
مراحب نائبه ،،،
بصراحه مواضيعك دايم تعجبني .. بصراحه مدري احس انا تعودنا ع كتم هالمشاعر حتى سبحان الله اخوي الصغير تقريبا انا مربيته فدايم اناديه حبيبي اوحياتي فصار لمن ينادي احد يقول حبيبي وصارت العالم تسميه الخكري عشان كذى الناس تشوفه شي ما نقول غريب شي شاذ ...وبس يسلمو يا الغلا تقبلي مروري... |
والله كلمة احبك حلوه :h45:
بس بهل حياه ومشاكلها صعب نقوله :36dhd: اذا انتي زعلانه :mad: اكيد ماراح تقولينها واذا انتي فاضيه متى تروقين :563g: ههههههههههه والله مشكله تسلمين على هالموضوع :xx: |
الحل الصعب
ام مرام يسعدكم ربي على مروركم الراقي شاكره لكم تفاعلكم مع الموضوع |
تبين صج ان كلمة حبيبي ومشتاقه لك نادر مانسمعها بس فيه كلمات تعبر عن الحب والشوق اكثر منها مثل تو مانور البيت ,,, يابعدي
فديتك ,,,,,,,,,,,,, يابعد حيي ,,,,,,,,,,,,,, لبى عيونك ,,,,,,,,,,,,,,,يابعد جبدي .......... تقبلي مرووور :563g: |
حبي طلال
يسلموو يالغلا على مرورك وتفاعلك مع الموضوع :xx: |
موضوع جميل جدا
من وجهة نظري أن التعود على الكتمان منذ الصغر وعدم مشاهدة الوالدين .. يتعاملون بهذه المشاعر .. هو السبب في ذلك والا التعبير بالمشاعر والاحساس الداخلي للشخص شي جميل ورائع ويبعث للنفس الراحة والاطمئنان أختي نائبة القمر .. يعطيك العافية على طرحك الرائع |
طرح رائع ويلامس الواقع
عني شخصياً الحمدلله دايم اقولها لخواتي واخواني وامي الله يحفظها مع انهم يتريقون علي احياناً لكن مايهمني دامني احس بشوق وحب افصحت فيه حتى مع صديقاتي وإذا ماقلتها الكل يعرف ان فيني شي اذا متضايقه او تعبانه غاليتي الله يعطيك الف عافيه دائما متميزه بطرحك دمتي بخير.. |
هلالي ودمي يغلي
حنين الشوق تسلمووون عالمرور والتفاعل مع الموضوع |
[align=right]
يمكن لـ أنا ما تعودنا نقولها .. زي ما تفضلوا إخواني .. عشان كذا أكيد بـ تصير صعبه علينا .. بعد ما نكبر إنا نقولها .. *** شخصياً .. عندي صعوبات كثيرة في التعبير عن مشاعري .. سواء حب / كره / أو أي شعور آخر تجاه أحد .. ما ادري إيش الأسباب .. لكن تعودت على الكتمان ..! *** موضوع شيق .. راق لي جداً أختي .. فـ لك كل الشكر على طرحه .. و لي عودة إليه ..[/align] |
أمـــوله
اسعدني تواجدك يالغاليه شاكرة لك مرورك المميز :xx: |
[align=center] والله انا ماعندي مشكله من هالناحية..:) تلاقيني دايما اقول حبيبي وحبيبتي بالبيت واخواني وخواتي اقول لهم الغالي والغالية حتى بالمنتدى دايم اقول حبيبتي وماأنحرج من هالشي صحيح فيه ناس كتومين>>ماأقصد أمل..:) لكن صعب يفصحون عن مشاعرهم ويمكن بسبب انهم محبطين او يبون علاقة الحب مع اي أحد ان تكون متكافئة:090: ومشكورة على طرح الموضوعhttp://www.b3b7.com/vb/imgcache/20300.imgcache.png [/align] |
انا احبك
اقولها لكل غالي بعالمي بس اقولها وانا منزله راسي ومغمضه عيوني مادري ليه طبعي من الصغر بس لو ارفع راسي اقولها بدمعه ....................................لاتسالوني ليه؟؟؟؟؟؟؟؟؟؟؟؟؟؟؟؟؟ .................... مادري انا مشتاقه لك هذي الكلمه ياكثر ماقولها لامي وابوي حتى واحنا كلنا بنفس البيت ساعات هم يبدون فيها يقولونها لي ههههههههههههه ههههههههههههههههههههههههههههه |
نور الدنيا
لمار السعودي تسلموون يالغاليات على مروركم وتفاعلكم مع الموضوع |
| الساعة الآن 03:32 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010