تلاطم أمواج المشاعر على الحرف=وتبحر فيالق جملتي بين حرفين
أجامل الجاهل وأنا عارف العرف=وأساير المغرور بالعين والغين
أحيان تسبق ضحكتي غمضت الطرف=وأحيان تكتب في بحرنا مولين
مر(ن) دموع الود ماتقبل الصرف=ومر(ن) تطيش وتنتهك للقوانين
أحد(ن) من العالي ضرب حادر الجرف=وأحد(ن) من الهابط تعلى بنعمين
هذا لهذا وهذا بكى ترف!=وهذا بكى خاشع ويتبع هوا دين
دنيا عجيبه.. تغرف اليوم له غرف=غرفه يذكر ناس / والناس لاهين
كم من مقدر كن مقرون به ضرف=وكم من مقدر زود الويل ويلين
كل(ن) على رزقه كما الذيب له هرف=ولو زاد جهد العبد / رزقه موازين

أحيان تسبق ضحكتي غمضت الطرف وأحيان تكتب في بحرنا مولين مر(ن) دموع الود ماتقبل الصرف ومر(ن) تطيش وتنتهك للقوانين أحد(ن) من العالي ضرب حادر الجرف وأحد(ن) من الهابط تعلى بنعمين