![]() |
وجدي عليكم وجد مكروب مديون
عسى المطر لمتالع الطود مـوزون =غر المزون اللي به البـرق شالـع يانازل الطوعان ياشـوق مزيـون =بنت الرجال وخده النـور ساطـع وجدي عليكم وجد مكروب مديـون =شفّي جبل شمّـر عـذي المطالـع قلبي عليكم يافتى الجـود مفتـون =والعين دمعـه دب الايـام دامـع ابي وطنكم سيد الاوطـان بفنـون =وتاريخكم مشهور والصيت ذايـع نعم(ن) بشمّر باسمها الجود مقرون =زبن الدريك وريف من جاه جايـع شمّر هل المعروف بسنين وقرون =علم(ن) قديم وجاحد الطيب ضايـع الحق حق ومنكر الحـق مجنـون =شمّر هل الطولات والطيب ناصع للمرجلة ياتـون وضـدّه يعييـون=متمسكيـن بسلمهـم والطبـايـع شمّر هل الناموس وللجار يـذرون =وشمّر هلَ النجدات للصوت سامـع اليا قلت غلبا يالسناعيـس ياتـون =يردون حوض الموت والجمع جامع شمّر هلَ الشيمات وابليس ملعـون =ستر العـذارى لابسـات البراقـع الطيب طبع وخالقه خالـق الكـون =مثـل الديـار المعشبـة والبلاقـع اقولها مالي مقاصـد ومضمـون=وانا عتيبي(ن) عريـب المقاطـع راقت لي |
محبة الجنه
شاعركفى ووفى بهذه الابيات ومدحه ولد الهيلا لشمر تاج على الراس يبقى والنعم فيه واولاد روق وبرقا مابهم قصور ولابجميع القبايل وصح لسانه مدد بلا عدد ولسانك على ذوقك المميز احترامى لك وتقديرى |
تسلم يمينك
اختي |
وجدي عليكم وجد مكروب مديـون =شفّي جبل شمّـر عـذي المطالـع
قلبي عليكم يافتى الجـود مفتـون =والعين دمعـه دب الايـام دامـع أحسنتِ الانتقاء يالغلا مشكورة. |
ما ظلم حظه العتيبي عد الصحيح الله يبيض وجه.... والف نعم بعتيبه
وصدق ابوي يوم قال ..من بعض ابيات القصيده لقيت بالعتبان خمسة عذاريب000000الطيب والنخوه وتقدير الاجناب ودون الخوي ياطون حر اللواهيب000ولاصكت الدنيا يفكون الانشاب محبة الجنه سلمتي على روعة الاختيار دمتي بوود |
إنتقآء رآئع
سلمتِ وسلم نبضك يالغاليهـ |
محبة الجنه الله يعطيك العافيه على النقل المميز وشمر يستاهلون اكثر من كذا والنعم فيهم لاتهون القبائل الباقيه وبيض الله وجه العتيبي على ماقال كل الشــــــكر |
تشرفت بمروركم الرائع
يعطيكم العافيه |
وشمر هل المعروف بسنين وقرون
علم(ن) قديم وجاحد الطيب ضايع والنعم بشمر هلي وعزوتي ولاتهووووووووون جميع القبايل اختيااار رااائع سلمت ِ يالغلااااا اعذب التحاياااا |
تشرفت بمرورك غاليتي
|
من غير نقص بحق باق القبايـل = يا سعد من ربعـه قبيلـة عتيبـه
أهل الصخا والجود وأهل الجمايـل = وأهل المواقف فالظروف العصيبـه قوم لهـم روس المعالـي ذلايـل = بأيمانهم تنسـاق سـوق النجيبـه ذباحة الحايـل عمـى كـل عايـل = من وصفهم فيهم سماحـه وهيبـه تاريخهم يروي عطـاش المثايـل = ماضي وحاضـر فعلهـم ينحكيبـه لو نستمد مـن السنيـن الأوايـل = شي موثق مـا دخـل فيـه ريبـه نأخذ من الواقـع خيـار الدلايـل = المعجم اللي قسمهم مـن غريبـه يوم المراجـل بالهمـم والصمايـل = حضارهم يكفـون مـن فالمغيبـه مضالهم صولات فـوق الأصايـل = يوم المصيبـه تنتهـي بالمصيبـه ليا ولعوا للحـرب روس الفتايـل = هداتهم في من حربهـم غضيبـه مركاضهم يـرم العشـاء للمخايـل= وسهومهـم دم العـدا ترتويـبـه وإن عصبوا للروس دون الجلايـل = يا ويل من عوب الظنون تهويبـه سطواتهم تقعد صغـى كـل مايـل = إما رضي تمضي عليـه الغصيبـه كم جمع سلطـانٍ عليهـم تهايـل = جمـعٍ مـدورة الطمـع تلتجيبـه أقبـل وقفـى بالهزيمـه شلايـل = عقب الطمع منهـم قنـع بالغليبـه ويوم إن جيش الترك صايل وجايل = خاضـو طوابيـره كتيبـه كتيبـه وجايلمن فعلهم شاف النظام الهوايل = وعدّل عن أهدافٍ براسه غصيبـه وغيره وغيره منجـزات جزايـل = كـم ميسـمٍ جابـه عـدوٍ كويبـه واللي بعد حاول بشتـى الوسايـل = كم ساق دقلات الجمـوع المهيبـه خمسين من زيزوم بـرزان حايـل = ما رجحت ميزان منغـص حريبـه منهم حدت دهم الجمـوع الفعايـل = مـا طمنـوا هاماتهـم للضريبـه ياما ويامـا بـردوا مـن غلايـل = وكم طوعوا بالفعل روس صعيبـه في نجد تشهد مقفـرات الخمايـل = وتشهد لهم هوجه ويشهد جذيبـه مروين عطشان القنـى والسلايـل = يـومٍ كـل مـا فعـل ينجزيـبـه وان قربت شهب السنين الحفايـل = تندى يديهم والجوانـب خصيبـه يبدون للعانـي حجـا كـل طايـل = رجالهـم مـا يدخـر مـا بحيبـه ودخيلهـم هـمٍ يعانـيـه زايــل = أدنـى عتيبـي فالكـرب يعتزيبـه مزبان من ضاقت عليـه الوسايـل = بالعـز صـرح امجادهـم يعتليبـه لو إن سهره من عنا الوقت طايـل = اليـا زبنهـم مرقـده يهتنيـبـه عن الخوي فزعاتهـم مـا تمايـل = وحق القصيـر سلومهـم تعتنيبـه عتبان فيهـم وافيـات الخصايـل = ميزاتهم في كـل منهـج عريبـه عنهم كتبت مـن الكثيـر القلايـل = في ما مضى يا أهل القلوب اللبيبه قبل يلـم الشمـل يبـس البلايـل = عبد العزيز اللي عسى الله يثيبـه جاها وسكـان الجزيـره سحايـل = جازف عليها وأصبحت من نصيبه وحنا على البيعه وننفـى البدايـل = مـن طبعنـا وال أمرنـا نقتديبـه واليـوم نوفـي حقنـا والمكايـل = وطيـبٍ بدينابـه نبـي ننتهيبـه ماضي وحاضـر حقنـا فالزلايـل = ما صار في منهاجنـا مـا يعيبـه عتبـان رمـزٍ للكـرم والجزايـل = والعرف والعفه والأرياء الصليبـه فالمدن ما أحرف مجتمعهم دخايـل = مجالـس تلفـى وجلسـات أديبـه والضيف للترحيب والقـدر نايـل = غير المناسـف والـدلال الربيبـه وإن سبّلت بالوبل غـر المخايـل = أبواشهم ترعى القفـور العشيبـه يرعون قطعـان تغيـض الغلايـل = للنصر في ماضي وحاضر قضيبـه ويبنون لللافـي بـروس البتايـل = ومن تاه نور عقودهـم يهتديبـه أنوارهـم فالليـل مثـل القوايـل = تجلى خراميـس الظـلام المهيبـه في وصفهم لو قلت ما نيب عايـل = عشـاق عـز وللتوافـه حريبـه مثل العدود ليـا أغـورن الثمايـل = تزود مـع مـر السنيـن التعيبـه قـولٍ يعرفونـه عيـال الحمايـل = ومن قال قول الزور ربه حسيبـه والناس كـل ٍلـه سلـوم وفعايـل = وكلٍ عـن الثانـي مكفّيـه طيبـه ومن غير نقص بحق باق القبايـل = يا سعد من ربعـه قبيلـة عتيبـه سلمت ايااااديك لاعدمناااك |
يعطيك العافيه محبة الجنه
لا نستغني عن روعتك واحساسك الدافئ دمتي بروعتك وحضورك شكرا لكِ |
تشرفت بمروركم الرااائع
|
الساعة الآن 12:09 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010