|
معقوله فيه رجال كيذا؟!!!
مساءكم ...صباحكم ..ورد جميعآ نعلم أن الإقتصاد عالميآ في النازل من سنه لأخرى..وصار رب الأسرة يحسب ألف حساب لكل قرش يصرفه حتى لا يقعد على الحديده كما يقال.. ولكن للأسف هناك رجال متزوجون ولهم زوجة وأطفال لا يحسبون ولا يعرفون معنى القرش الابيض لليوم الاسود..فتجده من ينزل الراتب وهو يبعثر كل هلله على أشياء غير ضروريه ولا يتم أسبوع من إستلام الراتب إلا وهو يتدين المئه والمئتين ريال!! هل يعقل ذلك؟ نعرف واحد صديق للعائله قررت زوجته المصون في هذه العطله القصيره السفر للخارج وكلنا نعلم أنه ماديآ على قد حاله ووافقها وذهب وبعثر فلوسه ورجع الان يد وراء ويد قدام ..لا يستطيع سداد ماعليه من إلتزامات ماديه هامه كسداد الهاتف والكهرباء وجواله..فأتوقع يتسلف من هذا وذاك والله أعلم بحالته النفسيه.. ليش مايخطط الرجل لتصريف مرتبه بطريقه صحيحه؟!! ناس متعلمين ومثقفين معقوله مايعرفون بديهيات الحياة؟!! معقوله فيه رجال كيذا؟!! غريب أمرهم.. وكلمة لا لزوجاتهم وأطفالهم مايعرفونه..تبذير وإسراف ماله معنى وبالنهايه ديونهم لا تعد ولا تحصى!! هل أنتن يابنات أو رجال من النوع اللي مايعدي على الراتب أو المصروف من الأهل كم يوم إلا ومخلص؟ أو أنتم ممن يحسن تدبير وتصريف المال حتى يحين نهاية الشهر؟!! تقديري للجميع .. |
ملامح يعطيك العاافيه على الموضووع
|
اقتباس:
تسلمين على مرورك عزيزتي بس كان ودي تعطينا رأيك وتجاوبين هل أنتِ من النوع اللي يسرف ويخلص فلوسه بيوم مثلا؟ |
اختي الفاضله / ملامح
موضوووع واااقعي ويعاااااااااااااااااني منه شريحه كبيره في مجتمعنا والاسبااااب كثيره واهما اهماااال رب الاسره وعدم ادرااكه بالمسؤليه الملاقاة على عاتقه تجده يملك راتب ممتاز ولكن من اول نزول الراتب يهم بصرفه بعدة اياااام وكان الراتب هذا عدوه وتساعده بذالك الزوجه فهما شريكان بذالك . فياليت يصرف على شي مهم انما فسفسه وتبذير واذا سالته يقول ماحب احرم نفسي وام عيالي شي صحيح لاتحرم نفسك واهلك ولكن بالمعقول وتجدينهم اختي بعد نص اوربع الشهر يبدى بالتسلف من فلان وفلان وعلى هذا الموال باقي الشهور ؟ اعتبر هذا الرجل مافيه مسؤليه وادراااك وعنده قلة الحياء زااايده وفيه شريحه اعتقد يستثنون من هؤلا وهم اللي رواتبهم ماتغطي ماصروفهم وفي النهايه شاكر لك اختي طرحك الطيب الله يسعد قلبك تقديري |
من وجهة نظري..
مع كثرة التزامات الحياة وغلا المعيشه الذي يعاني منه مجتمعنا اليوم يتطلب على كل رب اسرهـ ان يعيد حساباته من جديد وان يحافظ على وضعه المادي كي لا يتدهور كليا يبدا من جديد بحساب كل شي وتنظيم جدول معيشي لكي لا يقصر مع اسرته وايضا يحافظ على وضعه ويستر نفسه من الناس لكي لايحتاج لاحد منهم عليه ان يدبر امورهـ وان لايبذر ولا يقصر وان يحترم النعمه التي وهبها الله له ولا يبعثر فيها.. ملامح سلمتي على رؤؤعة الطرح الراقي لاعدمناك |
مشكوره اختي على الطرح لاهنتي
|
اولا حبيت اشكرك على الموضوع الذي يستحق النقاش
ثانيا فيه رجال ماعندهم تخطيط او تحديد هدف ثالثا فيه حريم ماياون لرجالهن اعرف وحده بس ترسل رجله باغراض سواء محتاجتهن او لا ويوم سألته ليش الاسراف قالت اخاف يعرس علي مار خليني اركبه الدين واخليه يقعد به |
يعطيك العافية
موضوع مميز من جد للأسف لا نملك ثقافة التخطيط المالي ، مهما كانت الظروف ، نصف المجتمع السعودي والحائلي خاصة يحب التظاهر بالغناء ولو كان لا يملك شيئاً للأسف بالتوفيق للجميع |
اقتباس:
ياسلام عليك وعلى روعة ردك أخوي واللي تستغرب منه اللي راتبه 10 الاف أو أكثر!! كفيت ووفيت وماقصرت..مشكور لا عدمتك. |
اقتباس:
سلمك ربي أخوي على ردك ومرورك مشكور لا عدمناك. |
اقتباس:
الشكر لك أخوي بس ماعطيتنا رأيك بالموضوع. |
اقتباس:
الشكر لك على مرورك وردك الرائع واللي فعلا موجود الرجال مايخططون وحريم ماتاوى وبالاخير مايقعد به الا الرجل لانه هو المسؤل الاول والاخير عن أسرته..شكرا. |
بسم الله الرحمن الرحيم
السلام عليكم ورحمة الله وبركاته مساء الخيرات والله يا الغالية في ناس تعرفها وتحرفها او تقلك اصرف مافي الجيب ياتيك ما في الغيب او بوكرة ربنا يدبرها في ناس كثير مثقفة عندها شهادات ومستوى عالي ولكن عند التصرف على أرض الواقع تجدين الجهل مسيطر عن نفسي لا والله مع انه ربي العالمين مفضلها علي ورازقني بس هذا لا يعني إني ما قدر النعمة هذا كله سنحاسب عليه بعدين الله لا يحيجنا لغير وجهه الكريم ولا يضعنا تحت الدين الله يهديهم وينور قلوبهم وبصيرتهم إحترامي |
ياكثر مانشوفهم ... واللي يقهر الواحد انه يروح يسافر ...بالدين ...
واذا قلت له ليش يقول احب ارفه نفسي ناس مدري كيف عايشين ... يعني ترفه نفسك بفلوس خلق الله ... وتماطل بالسداد ... وتلاقي زوجته مثله كل لبسها ماركات وجوالها اخر مانزل وهذا كله بفلوس خلق الله ... مالت عليهم هم وحريمهم اللي مايستحون .. انت تجمع لعيالك وللزمان وهم تعال ياسلف ولانرجع ... يقهروني ... عسى الله يمحيهم ... ولايهنيهم ...دام نيتهم عدم السداد.. فشخرة على الفاضي والمليان ... كل الشكر ملامح على الطرح لاهنت ِ يالغالية... |
انا اعترف اني رجل مبذر ...واعتقد بصحة المقولة ..محدش واخذ منها حاجة..
5مدارس خاصة ادفع لهم الثانوي 11الف لطالب الواحد ثانية ثانوي 8الاف للمتوسط 7الاف لطلاب الابتدائي من غير المصروف الشهري للبنات والاولاد.. اسدد فواتير واجار شقة.. ...ملامح دامني حي بنفق كل مافي جيبي على عيالي وعلى بيتي وعلى نفسي واذا جاني الموت ..لن تنفعني اموالي ولا اولادي ..ماينفن غير العمل الصالح وجهت نظري |
| الساعة الآن 01:31 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010