|
الــنـظـرة الــشرعـيـة بمفهوم ربعنا...
مساءكم...صباحكم ورد جميعــآ.. النظرة الشرعية واجبه على أولياء أمور البنات..ولكنها لا تطبق عندنا الا بطرق خاطئه..فهناك من يجعلون الزوج أو الخاطب يرى خطيبته قبل عقد القران ويتركونهم لوحدهم ويمشون على مبدأ التعارف قبل الزواج فيبدأ يحادثها بالهاتف أو الجوال يوميآ..وكل هذا مجرد خطبه بالكلام.. وهناك نوع آخر عكس الأول التشدد والتمسك بالعادات والتقاليد لاحظوا ماقلت الدين لانه مجرد عادات تعودوا عليها ربعنا فتجد الخاطب يتقدم للبنت ويرفضون الأهل النظره الشرعيه نهائيآ حتى يتم عقد القران والفأس يقع بالرأس..ولا ملك الرجال قالوا تعال شف بنتنا..أعرف واحد من أقاربنا شافه بعد الملكه ولا أعجبته نهائيآ وعشان عطاهم الكسوه والمهر وملك عليها مضطر يتزوجه هى وعيوبه الخارجيه طبعآ..وعسى الله يوفقه هو وياه.. وآخرون لم يروا زوجاتهم إلا بليلة الزواج..منهم من حالفه الحظ وطلعت جميله وآخرون تفاجأوا وتقبلوا الأمر نظرآ لخسائرهم الماديه الطائله على تلك الزوجه.. مافيه وسط أبد عندنا أما وإلا..ياليت تتغير تمسك الاباء بالعادات والتقاليد الخاطئه ويفهمون حق الفهم للنظره الشرعيه قبل الزواج.. أنتم مارأيكم مؤيدون أم ضد النظرة الشرعيه بسبب تمسكنا هنا بالذات بالعادات والتقاليد الخاطئه ؟ الله يصلح الأحوال.. تقديري للجميع .. |
اقتباس:
من نآحيتي آنا أؤيد النظرة الشرعية لكن بشروط لان النظرة الشرعية حق كفل الاسلام للخاطب والمخطوبة وآيضآ بالنظرة الخاطب يتفادى آي مشآكل ممكن تصير بالمستقبل وبعدين النظرة سبب من آسباب كثيرة لتعزيز وتقوية العلاقة الزوجية يعني آفضل من صدمة الزوج آو الزوجة بشكل كل منهما وآلحمدلله بالنسبة لآبوي الله يطول بعمره ماكان يرفض النظرة الشرعية بالعكس كان هو يطلبها وآن طلبناها كان يوافق على طلبنا والحمدلله |
من حق الرجل النظره الشرعيه ولاكن بحدود
وشكرآ على موضوعك... مع تحياتي::::حمـــــودي |
طبعا مؤيده للنظره الشرعيه فهو احرى ان يؤدم بينهما كما جاء بحديث الرسول صلى الله عليه وسلم فهو يراها وتراه .. وهذا من الرجل والمرأه .. لئلا يحدث تنافر او صدمه لهما بعد الزواج وهي نظره شرعيه وليس ان تخرج معه او تحادثه قبل ان يملك عليها مشكوووره غلاااتي للطرح المميز والراائع والله يصلح الاحوال دمتِ بهذا العطاء الرااائع بحفظ الرحمن |
انا من وجهة نضري اؤيد النضره الشرعيه
بدون اختلاء الله يوفق الجميع |
بالطبع اؤيد النظره الشريعه وهي حق كفله لنا الاسلام
ولاكن المصيبه في مجتمعنالايوجد وسطيه في طريقة تاييده اما تجده معارض وان من يطالب بالنظره هو شخص سئ بحكم العادات او مؤيد ولاكن بطريقه خاطئه كما ذكرت اخي وهي النظره في خطبة الكلام فقط فهو امر خطاء ومبالغ وخارج عن اطار النظره الشرعيه ولاكن مجتمعنا نحن الذي اعيش فيه يرفض النظره قطعيا حتى لو ملكت ماتشوفها الين ليلة الدخله وحنا مجبورين اننا نوافق ونعتمد على ذوق الوالده او اخواتك اخيرا شكرا اخي موضوع جيد ورائع اجدت طرحه للنقاش |
والله عندنا ماقد صارت ولااعتقد انها بتصير ..هذا اولاً..
ثانيا ً..هناك مفهوم خاطئ للنظرة الشرعية فالبعض هداهن الله ماهي فاهمه ماذا تعني النظرة الشرعية وتجي ضاربتن كيلو مكياج على وجهها .. وترومش له شوين همن تقضب الباب عاد هو وش شاف ... ياحسرة ... غير هالصبغ وهالرومشة همن هالهجة ... ملامح عندما يفهم ربعنا ماذا تعني النظرة الشرعيه جيدا ومن كلا الطرفين ...هناك يمكن ان اقول انه يمكن ان تؤيد هذه النظرة ولا تُعارض..ومن الكل ... كل الشكر على هالطرح ..الاكثر من رائع.. |
اكيد مؤيده للنظره الشرعيه وهذا حق مشروع للطرفين عشان ماينظلم كلا الطرفين 0
واكيد النظره هاذي بشروط الى بعد الملكه 0 مشكوووووووره يالغاليه على موضوعك المميز و الذي يلامس واقعنا 0 كل الشكر 0 |
يعطيك العافيه على الطرح ملامح
لا شك بأن النظره الشرعيه جائزه , بقول الرسول صلوات الله وسلـامهٌ عليه النظره بمفهوم ربعنا ممكن يكون هذا كذا وهذا كذا يعني ما أعتقد الكل سوآسيه نعم متمسكين بالعادات والتقاليد ولكن يختلف الحال من شخص لـ آخر بلا شك ومن ناحيتي أرى أنه مافيها شي النظره أو الشوفه الشرعيه يعني من حق المتزوجين سوى الرجل أم المرآءه , بخصوص هالشوفه والله الحمد لله أخوآني تزوجوا بنات عمهم من دون هالنظره والعكس من عيال عمي عموماً لكل وأحد له رآئيه وأمره وخصوصيته , لن نستطيع أن نجبر شخص أو أحد على أن يغيّر طبيعته , وتحيتي لك ولاهنتي على الطرح ودي / |
اقتباس:
تسلمين عزيزتي على مرورك وردك والله يخلي لكم الوالد ويخليكم له اللهم آمين. |
اقتباس:
تسلم ومشكور على تعليقك أخوي. |
اقتباس:
كلامك تمام غلاتي تسلمين على مرورك وردك لا عدمتكِ منورة يالغلا. |
اقتباس:
تسلمين عزيزتي على مرورك وردك لا عدمتكِ. |
اقتباس:
أظن هالايام هاذى قل عدد اللي ينظرون لمن أراد رؤية خطيبته بنظره سيئه ولله الحمد تقل بدينا نتطور فكريا بحائل ونرجع للشرع..تسلم ومشكور على مرورك وردكم أخوي. |
اقتباس:
ههههههههههههههه والله كلامك تمام هذه هي النظره الشرعيه عندنا صاع مكياج ولمحه وتهج هههههههههه تسلمين عزيزتي ومشكورة على ردكِ. |
| الساعة الآن 02:50 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010