|
لـغـز للشعار وأهل المعرفة ....حله على النية
[align=center]
السلام عليكم ورحمة الله وبركاته هذا أول لغز اطرحه هنا وهو ليس لي وبإذن الله إذا وجدت تجاوبا سوف اطرح ألغاز من إعدادي:m17asmilies-com: أبنشد الشعار وأهل المعرفة عن الثلاث اللي حصل بينهن حلف وحدة تراها ساكنة وسط غرفة وثنتين منهن عرضتن للهواء الصلف وكسيرهن ما للعرب فيه صرفة تلقى شظايا عظامها كنها الشلف .:t: وأرجوا لمن يحله أن يحله بنفسه أو يستعين بغيره ولا يذهب لجوجل :h40:ويبحث عنه للأمانة فقط . [/align] |
صح لسانك على اللغز
ولاتبخل علينا بكل مالديك لنستمتع وننشط الذاكره اقسم لك بالله مارحت لقوقل واول مره يمر على لكن اتوقع انه المروحه بالبيت ومراوح الطياره ولى عوده باذن الله |
اول شي صح لسانك ياراعي اللغز
وانا والله ما نزلت لتحت ولا قريت اجابت عقاب وطوالي ناضرت للمروحه للي فوقي هي اللي داخل الغرف واللي تعرضن للهوى الصلف مراوح الهيلو كبتر صح لسانك ياعقاب وتسلم ياراعي اللغز |
صح لسانك حاتم حايل
وننتظر ردك على ابو ضاري اتوقع هو الحل |
هلا بالجميع ،، واشكر مشاركتكم ،،، ولكن ما لكم لواء ،،، ما هي المراوح رغم انها رمعة طيبة جدا
|
صح لسانك حاتم حائل ومشكوور على اللغز وننتظر الغازك القادمه
وهذي رمعتي مرآة السياره الاولى الي بداخل السياره والثانيه والثالثه بجوانها >>>>>>>>>>>>>>>>> اتدرب على سواقة السياره :57ar: اتمنى تكون صح وللامأأأأأأنه .. سألت الي حولي ... تقديري |
مشكور على اللغز
الله الله كثر من الالغاز علشان يكون فيه حماس |
اقتباس:
الغالى بما انك تكتب الالغاز وتعرف لها لايخفاك ان اللغز ان ركبت عليه رمعه ميه بالميه اما يزود بيت ييعد الرمعه او انه اللغز مفتوح ويركب عليه اكثر من حل وهنا صعب بينحل لانه وارد عليه اشيا كثيره أبنشد الشعار وأهل المعرفة عن الثلاث اللي حصل بينهن حلف الاسم واحد مراوح وحدة تراها ساكنة وسط غرفة وثنتين منهن عرضتن للهواء الصلف المروحه اللى بالبيت وبالغرفه نادر تكون ثنتين دوم وحده والثنتين مرواح الطياره وكسيرهن ما للعرب فيه صرفة تلقى شظايا عظامها كنها الشلف واللى تلقطه المروحه يروح 7000 قطعه اتمنى تزويدنا ببيت لتخرج الرمعه هذا ولك تقديرى وكل احترامى |
[align=center]
صح لسانك على النية فعلا هو مرايا السيارة وهي التي اذا تكسرت تكون حادة مثل الشلفاء وهي الخنجر . أخوي عقاب هلابك أنت فهمت أن شظايا اللي تقطعه هي والمقصود شظاياها هي عندما تتكسرلاني قلت عظامها ،،،،، وهنا الفرق بين المروحة والمراية أخي الغالي . وقريبا اللغز الثاني ،،،،،،،،،،،، بحول الله [/align] |
احلاااااااا لغز
صح لسانك حاتم وعلى النيه ماقصرتي حاتم حايل انت مفسر الاحلام ؟؟ |
هلا أخوي منذر : نعم انا وتشرفت أكون معاكم عندما دعيت من قبل الأخ بس لحظة .
|
تسلم الغالى على التوضيح
وصح لسانك ولسان من حله تقديرى لك واحترامى |
صح لسانك ولسان من حله وبانتظار جديدك
|
| الساعة الآن 11:23 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010