|
التهاون واللامبالاة بالخادمات
مساء ... صباح الخيرات على الجميع التهاون واللامبالاة بالخادمات وصل لحد أغرب وأعجب من الخيال!! تأتي الخادمه من بلدها ولا نعلم عنها سوى ماتقوله هي عن نفسها.."أنا مسكين أنا كويس ..أنا أحب بيبي..أنا يجي عشان شغل" والحديث يطول من جانبهن..ولكن نفاجأ بأن بعضهن حية من تحت تبن!! تلقاها تدخن وأخرى آتية فقط من أجل كسب الأموال بالسرقه أو باللعب على الرجل الخليجي..والدعارة وغيره وغيره مما نسمع عنه ونقرأ ويقال لنا من تجارب بعض ربات البيوت..الغريب في الأمر ماانتشر حديثآ وهو ترك الخادمه لوحده في المنزل تسرح وتمرح ربما تدخل عمال رجال عندها أو تسرق مافي البيت كما حدث لابن عمي.. تركوها في المنزل لوحدها فقامت بإدخال عامل أجنبي وسرق مافي المنزل ولاذ بالفرار وهي عملت نفسها نائمه ولا تعمل شيء عن الأمر!! والأدهى تركها في المنزل مع الابن الشاب وهو نائم بحجه لو صحى من النوم وإحتاج شيء تكون الخادمه موجوده وتلبي طلباته!! خوش والله يحطون البنزين عند النار !! إهمال ولا مبالاآآآة لأقصى درجه. هل عملهم هذا عن حسن نيه فعلآ وغباء؟!! بصراحه لما نترك الخادمه لوحدها نندم ندم شنيع. ياليت الكل ينتبه لهالنقطه ولا تتركون الخادمات لوحدهن أو عند رب الاسرة أو شباب الأسرة لوحدها حتى لا يحدث مالا يحمد عقباه. تقديري للجميع .. |
حياك
أختي ملامح وي كثر مصايبهم وغير بعد على الشباب ورب الاسره الا طفال الصغار بعض الحريم تترك عياله معهم هل يعقل تبي تكون احن الخادمه من الام نفسها وحتى الشغاله اذا شافت الام مهمله لطفالها اكيد ما تبي تهتم بهم وعافك ربي على هذا الطرح |
ياكرهي للخدامات
البيت بدون خدامه احلى شئ عندي بالدنيا أنا اساسا ماأكل أكل الطعام اللي تسويه الخدامه قرف قرف والله من البلاوي اللي يسونه الخدامات من المصائب والكوارث الله يستر بسترهـ وبعدين الراتب اللي تاخذهـ الخدامه ياخي لا تجيب خدامه خل الراتب تاخذه ربة الاسرة اللي هي الأم والله مافي أحسن من ربة الأسرة من أكل وتربية المنزل ياسلام لك كل الشكر على الموضوع |
ملامح
موضوعك يحتاج مجلدات من كبيرة الحجم نكتب فيها عن الخدم ومشاكلهم بس بضيف نقطه يمكن ماهي موجوده عندكم موجوده عندنا بكثره بالكويت الخادمه تبيع كل شي تشترينه من لحوم واسماك ودجاج والزيت والحليب بارخص الاثمان على البنقاليه اللي بالشارع وطبعا الفلوس بجيبها ولا من شاف ولا من درى من اهل البيت وكل يومين تجيك ماما مافي لحم مافي زيت واحنا ياغافلين لكم الله اللي بدواماتهم واللي نايمين الضحى وهذي تلعب بالبيت والجيران هم اللي يكتشفونها ويعلمونك وهذا فيض من غيض من مشاكلهم ولعبهم الله يعينا عليهم كل الشكر لك يالغاليه على روعة الطرح ويعطيك العافيه |
الله يكفينا شرهم
بس السؤال ليه الحين حتى كل بنت بس من أول ماتزوج قالت أبي شغالة ؟؟؟؟ ماتطبخ ولا تنفخ بس تساعدني في البيت ؟؟؟ وشلون ترضى المرأة إنها تدخل إمرأة ثانية أجنبية إلى بيتها عند عيالها وزوجها ؟؟؟؟؟ الله يرحم والدينا ووالديكم ماطلبو إمهاتنا على وقتهم لا شغالات ولا غيره كل إمرأة همها بس تربية عيالها وتوعيتهم الدينية والمحافظة على بيتها وزوجها وعيالها ودينها |
موضوع مره عجبني
الخدم والله مشكله ان شديتي عليهم تقولين حرام وان رخيتي الحبل ابتلشتي لكن الله يكفينا شرهم يارب وتذكروا كل راع مسؤل عن رعيته مشكوره ع هيك طرح يامبدعه |
يعطيك ألعافيه ملأمح ولأهنتي على هالطرح الجميل
تحيه طيبه لـأعضاء وأجمل التحايا لـ فهد الفهد على الرد ألخدم مثل ماقالت سهر يبي لهم مجلدات لكي نتحدث عن مشآكلهم من سرقاات من إهمال من جنايات من تعدي من من من إلخ ... ألحمد لله عندنا بالبيت مابوه خدم إلا بيت الوآلد فيه خدم بس مسؤوله عن عجوز في بيت أبوي , والعجوز الله يرحمهأ ماتت , ألله يرحمها ويسكنهآ فسيح جنآته ألخدم ممكن أجيبها لكي ترآعي مثل هذه الأمور أو أمور النظافه بس ..!! أمــا الأطفال وتربية الأطفال أعوذ بالله مايصير أصلاً تتغير ثقافة الولد بسبب هالخدآمه أو إنها تدخل للمطبخ وتستلم طآرت الطبخ أعوذ بالله ما أؤيد هذا الشيء أبداً , وش يضمن لي من طبخهآ , تــلـقى أخوي ألصغير مكفخهآ وتجي تحط حـرتـهـا بالطبخ وتحط لي شيء بوهـ لالا لالا ما أضمن بصرآحه عموماً التهاون والإهمال موجود ولا يزال موجود وهذا بسبب الدلآخه الموجودهـ في بعض الأسر السعوديه لدرجه وصلوا مرحلة العجز . يطول ويطول هالكلأم في هذا الأمر ,, ,, ,, ولكن نسأل الله أن يفكنا من شرهم ونسلم منهم بس هذا أقل شيء لـ سلآمتك أعتقد تحيه طيبه ودي / |
اقتباس:
صدقت أخوي الشغالات أخطر مايكمن خطرهن على الاطفال ومصائبهن لا تعد ولا تحصى..عافاك ربي ومشكور ع المرور. |
اقتباس:
عدك علي ضررهن أكثر من نفعهن تسلم أخوي ومشكور على مرورك وكلامك تمام. |
اقتباس:
بعد أغراض البيت تنباع؟!! خوش والله لا بارك الله فيهن..الشكر لكِ غلاتي على مرورك وردك منورهـ. |
اقتباس:
زمان مايطلبون شغالات لان البيوت بسيطه ماهو زي هالحين البيت عبارة عن فله دروين ورخام وسيراميك أول فرشات تكنس كل يوم ومش حالك..أما عروس تطلب خادمه قسم ماعندهن دم!! تسلم ومشكور على مرورك وردك. |
اقتباس:
كلامك صحيح..الله يكون بعون كل من عنده خادمه تسلمين ومشكورة على التعليق. |
اقتباس:
اللي يقهر ماحد مهتم بموضوع الاطفال نهائيا الام تأتي من العمل ان كانت تعمل وتنام وتترك طفلها مع الخادمه عادى!! مأسآآآة مايحدث لفلذات الاكباد..تسلم ومشكور على مرورك وردك. |
[align=center] أخوي الغالي : ملامح تسلم يا غالي ويسلم طرحك الرائع لا والله موحسن نيه بل غباء منا نحن كشعب سعودى والصراحه الواحد منا يقول لا ما عليه وش حليلها حبوبه والله أنت الحبوب ونا خوك بس الله يستر علينا يارب وعلى والدينا أخواتنا وعيالنا وكل مسلم من شرهم وشر ما فيهم يارب دمت ع خير [/align] |
| الساعة الآن 03:31 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010