|
والله انفضخ عقلي يوم سمعت إن فيه مساعدة من الضمان ( مساعدة تسفط الوجه ) > صووووووورة
السلام عليكم : (( والله انفضخ عقلي يوم سمعت إنه فيه مساعدة للي يشملهم الضمان )) انفضخ عقلي يعني طار من شدة الفرح . بهذه الكلمة التي قيلت لي والتي انفجرت من رجل مسن قابلته عند أحد صرافات الراجحي ... بدت على قسمات وجهه الكِـبَر ... ممزوجةً بابتسامة عريضة ... شعرتُ من خلالها أنه بحاجة لمن يقف بجانبه ... ( ويفضفض ) لي مابداخله ... والله وانا أقرب لمُّـه : هلا ياعمي ... إيوالله ... الله يجزاهم خير على هالمساعدة >>> بلشت ما أدري وش أقول !!! قال : الله ... وش لون لو إن هالمساعدة حول الألف ريال ... كان أشتري فيها رز وسكر وشاهي وغاز للبيت ومؤونة ... وبدأ يعدد لي . طبعاً كل هالكلام وأنا وإياه واقفين عند أحد صرافات الراجحي ... ويوم جاء دوره وهو يدخل رافعن راسه وهالضحكة مافارقت وجهه ... ويوم طلعن قريشاته ... ويلتفت علي ووجهه ( متسفط )... ويعد مرة ... ومرة ثانية ... ويعيد ... قال لي : وكل فرحة شريتي للرز والسكر والشاهي ووووو ... وآخرتها >>> http://upload.traidnt.net/upfiles/O7d80687.jpg اللي نزَّلوا بحسابه (( 162 )) ريال فقط لاغير !!! والله كسر خاطري الباقي من رصيده (( 7 )) ريال فقط لاغير . إييييييييييه الله يكون بعونهم ... وخوش عونه محبكم الذي ينتظر ردودكم : نعيــــم . |
امحق من مساعده
لو مازودوها استر لهم والله اللهم ارحم المساكين ياكريم شكرياتي لك نعيم على جديدك |
والله يااخوي نعيم هو صادق منذر لو ما زادوها احسن لهم
وبعدين هذي العادهـ من ما ينسى 5% الله يستر على عبيدهـ بس تقبل مروري اختك ((..عسولهـ |
اقتباس:
اللهم آمين . ومشكور لمرورك |
لا حول الله صراحه مدري شقول وانا بعد انفصخ عقلي
حنا رواتبنا يلاه يلاه من الغله بس الله يعين وشلون هويارب تعينه .. قال مساعده قال يعطيك 1000 عافيه |
اقتباس:
مشكور لمرورك |
الله يكون في عونه
ويرزقه من حيث لايحتسب .. ~ الله كريم ، نعيم الله يكثر من أمثالك .. ~ |
اقتباس:
الله يعافيك |
والله يا نعيم مدري وش ارد وش اقول ...؟؟؟؟
بقول الله كريم والله يرزق هالضعفاء ويزين حالهم واشكرك يانعيم وبيض الله وجهك |
كان الله في عون من كان بجاحته
تقديري واحترامي لك |
اقتباس:
مشكور لمرورك |
هههههههههههه
أقول نسيتو الــ5% يا حبيبيني .. |
كـآن الله في عونهم
لاهنت اخوي نعيم ..~ |
هههههههه
صراحه مرره الله يجزاهم خير ساعدوا ولا 5% ياقلبي عالشايب متفائل فيهم |
الله يرحم حالنا وحاله ياجماعة الخير تصدقون إن فيه ناس توهم في بداية حياتهم بعضهم إلى الأن ماقدر يوفر متطلبات الثلاجة حقت بيته
مشكور على الموضوع والخافي أعظم وأنا اخوك |
| الساعة الآن 10:59 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010