|
النصيحة
بسم الله الرحمن الرحيم
السلام عليكم ورحمة الله وبركاته كلنا يحب النصح واعتبرة شي حلو ويدل على اهتمام الاشخاص الاخرين بك ومحبتهم للضهورك باأفضل صوره اسئلتي لكم هي: 1_هل تفضلون النصح ؟ 2_هل تتقبلون النصيحة من الناس ؟ 3_ماهو الوقت المفضل لكم لأسداء النصح بمعنى اذا شفت شي ودك تنصح الشخص اللي معك تفضل تنصحة امام الناس تاخذونة على جنب وبينك وبينه ؟ 4_ ماوجهة نظرك لمن ينصحك امام الناس وهل ستنتصح منه ام لا ؟ انا صار لي موقف ومااراح اقول رأيي الا بعد ماأشوف ارائكم *_^ ماأفكر بة طرحتة بين ايديكم لأرى وجهة نظركم وأري هل انا على حق ام لا ؟ كنت هنا وسأعود.... همووووووووووس |
1_هل تفضلون النصح ؟
اكيد احب النصح 2_هل تتقبلون النصيحة من الناس ؟ عادي اقبل 3_ماهو الوقت المفضل لكم لأسداء النصح بمعنى اذا شفت شي ودك تنصح الشخص اللي معك تفضل تنصحة امام الناس تاخذونة على جنب وبينك وبينه ؟ الدعوه الى الله ليست بالامر السهل اولا يجب ان يكون الداعي عالم بمايدعوا اليه وان يعرف حال المدعو من حيث النفسيه والوقت وهناك شيء مهم هو ان تكسب قلب من تدعوا حتى يمكن تقبل ماستقول له والنصيحه امام الناس لشخص بعينه اعتبرها سباب وشتم وقد قال الايمام الشافعي تعمدني بنصحك في انفرادي * وجنبني النصيحة في الجماعة فإن النصح بين الناس نوع * من التوبيخ لا أرضى استماعه وإن خالفتني وعصيت قولي * فلا تجزع إذا لم تعط طاعه 4_ ماوجهة نظرك لمن ينصحك امام الناس وهل ستنتصح منه ام لا ؟ ما ادري بس شكلي ما رايح اقبل منه بس ويش الي سار معاكي شكلها نصيحه عنيفه ههههه يعطيكي العافيه |
اجاباتك رائعة ومقنعة الله يعطيك الف عافية دمت بخير |
وعليكم السلام ورحمة الله وبركاته
1_هل تفضلون النصح ؟ اقبلها وبقوة 2_هل تتقبلون النصيحة من الناس ؟ نقبل النصيحه _ماهو الوقت المفضل لكم لأسداء النصح بمعنى اذا شفت شي ودك تنصح الشخص اللي معك تفضل تنصحة امام الناس تاخذونة على جنب وبينك وبينه ؟ قدام الناس لا لا ماانصحه امسكه بيني وبينه وانصحه على شان ماأحد يتكلم عليه 4_ ماوجهة نظرك لمن ينصحك امام الناس وهل ستنتصح منه ام لا ؟ لا مااسمع نصيحته !!!!! معناتها انه يستفزني قدام الناس حتى لو كان صادق ..... والشئ الثاني انه يقلل من احترامك ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ تحياتي شكرا لكم |
وعليكم السلام ورحمة الله وبركاته أختي :) أولاً / كل الشكر على ما كتبتي وما طرحتي هنا وبـ قلمك ولو أنه ٌ سبق وإن ّ تنوعة الموآضيع حول النصح ولكن هذه المره بطريقة أخرى ونقدر نقول عنها إنها مباشر :) ،، 1_هل تفضلون النصح ؟ مآ يحتاج ومن ما يفضل النصح ولكن بحسب النصيحة طبعاً والإنسان له ٌ عقل يفكر بهٍ ويميز ويفرق بين النصح . 2_هل تتقبلون النصيحة من الناس ؟ إذا إنّ في هالنصيحة خير ومصلحه للجميع بلا شك أتقبلهآ . 3_ماهو الوقت المفضل لكم لأسداء النصح بمعنى اذا شفت شي ودك تنصح الشخص اللي معك تفضل تنصحة امام الناس تاخذونة على جنب وبينك وبينه ؟ مستحيل أنصح أحد أمام الناس , إذا فعلاً أبّي له ٌ الخير والنصح أخذه على جنب وأسدي له النصيحة ، قبلها زين على زين ما قبلهـآ ماني مكلف أن ّ أجبره ٌ على هالنصيحة . 4_ ماوجهة نظرك لمن ينصحك امام الناس وهل ستنتصح منه ام لا ؟ لا لا أسمع من هنا وطلع من هنا ولا أخذ ولا أعطي معه ٌ بل أسفـهـه ُ ولا كآنـه ٌ عندي بالأساس . ودي / |
نسيم الليل اشكرك على روعة حضورك واجاباتك الرائعة كن بخير |
شيخ المافيا كل الشكر لحضورك الجميل وردك المقنع كن بخير |
اسئلتي لكم هي:
1_هل تفضلون النصح ؟ اكيد اذا كان له نتائج طيبه.. 2_هل تتقبلون النصيحة من الناس ؟ بكل تاكيد نتقبلها,,,,,و النصيحه اول تشرى وتباع على قولة الاسلاف الماضيه.. 3_ماهو الوقت المفضل لكم لأسداء النصح بمعنى اذا شفت شي ودك تنصح الشخص اللي معك تفضل تنصحة امام الناس تاخذونة على جنب وبينك وبينه ؟ ارى انه اذا اردت ان تناصح شخص لامرفيه خير لابد من نصحه على انفراد واقناعه باسلوب مهذب وايضا التوضيح والتبيين له بشكل كبير.. 4_ ماوجهة نظرك لمن ينصحك امام الناس وهل ستنتصح منه ام لا ؟ لا اسمع منه ولا اهتم لنصحيته اللي يؤدك ينصحك بلحالك.. همس كل الشكر لك على الطرح الرائع بانتظار ما حدث معك.. |
وعليكم السلام ورحمة الله وبركاته أختي :) :)
1_هل تفضلون النصح ؟ لا نا اماقبل النصيحة من الجميع ××يعني لازم تكوون انسانة قريبة مني مررة عشان تنصحني 2_هل تتقبلون النصيحة من الناس ؟ طبعا لا خير انشاء الله قمة الاهانة والاستفزاز تنصحني قدام الناااس. 3_ماهو الوقت المفضل لكم لأسداء النصح بمعنى اذا شفت شي ودك تنصح الشخص اللي معك تفضل تنصحة امام الناس تاخذونة على جنب وبينك وبينه ؟ مستحيل أنصح أحد أمام الناس , يعني مثلا اذا في عزيمة انتظر لين ارجع البيت واكلمها بالتليفووون واقول اللي خاطري فية. 4_ ماوجهة نظرك لمن ينصحك امام الناس وهل ستنتصح منه ام لا ؟ يا كثر ما جاني فالحفلات من الملقوفات بس ياجبل مايهزك ريح لي قوانين يعني اذا حرمة كبيرة اقولها جزاك الله خير واخليها واقفة واذا صغيرة يا نا امسح فيها رخاام الصالة تريقة وضحك لين تحرررم تنصح:36dhd: |
كبرياء شمر كل الشكر لحضورك ولااجابتك الرائعه كن بخير |
دندون القمر كل الشكر لحضورك الذي اسعدني كوني بخير |
غاليتي التناصح بين المسلمين والمسلمات امر لابد منه
ولا ننسى ان هذا من من انكار المنكرات والتي لابد على المسلم القيام بها فتكون باليد اولا وباللسان ثانيا وبالقلب ثالثا وهذا اضعف الايمان وعلى قولة اخواني اللي قبلي يجب على الناصح انه يتجنب النصيحة قدام الناس وان تكون بينه وبين المنصوح لتحصل النتيجة المرجوة من ذلك وهي قبول النصيحة والاخذ بها ... هموسة عافاك الباري على الطرح |
اسئلتي لكم هي:
1_هل تفضلون النصح ؟ بالحــييييل ....وزيد قدر اللي نصحني لانه يبي الخير لي 2_هل تتقبلون النصيحة من الناس ؟ اذا كــان مجبور عاادي يمكن مافييه اماكنييه لحالي ومنها حتى يستفييد غييري واثقل انا ههههه 3_ماهو الوقت المفضل لكم لأسداء النصح بمعنى اذا شفت شي ودك تنصح الشخص اللي معك تفضل تنصحة امام الناس تاخذونة على جنب وبينك وبينه ؟ اخذه لحاله بس اذا ماقدرت عاادي بقووله قدام الناس اهم شي اسوي اللي علي ..بس الافضل يكوون لحاله 4_ ماوجهة نظرك لمن ينصحك امام الناس وهل ستنتصح منه ام لا ؟ عااااادي ..يمكن انحرج او انجرح او اتفشل بعد بس النيه اهم شي..مقصده النصحه ويمكن ماصار به وقت تاخذن لحاالي ..لكن اتمنى باقصى ماعنده ..ياخذ الشخص لوحده .. ويعطيييك العاافييه |
اضافه بسيطه..
عن تميم بن أوس الداري أن النبي صلى الله عليه وسلم قال ( الدين النصيحة ثلاثا قلنا لمن يا رسول الله قال لله ولكتابه ولرسوله ولأئمة المسلمين وعامتهم ) رواه مسلم. هذا الحديث أصل عظيم في وجوب النصيحة وبيان فضلها ومنزلتها في الدين وذكر مجالاتها. قال محمد بن أسلم " هذا الحديث أحد أرباع الدين " وقد ورد في السنة أحاديث عامة في النصح لكل مسلم وأحاديث خاصة في النصح لولاة الأمور ونصحهم لرعاياهم |
اقتباس:
على روعة حضورك الذي اسعدني كوني بخير |
| الساعة الآن 03:26 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010