ابغا مساعدتكم بتاثيث بيتي
 

اولاً مبروك المنزل الجديد ..
وثانياً انتي بالخرج قريبه من الرياض اذا تقدرين روحي إيكيا مره حلو وعنده افكار..
اذا بغيتي هم يضبطون لك كل شي من هندسه وديكور واثاث ..

بالتوفيق ..


دمتِ بخير ..

الف الف مبروووك
ان شاء الله اللي هنا فيهم الخير والبركة
ما يقصرون معك ياالغلا

[read]
اكيد الرياض فيه اشياء جديده
ربنا يوفقك ومبروك المنزل
[/read]

الف مبروك مقدما

وان شاء الله بيت السعاده والهنا يارب

بالرياض مافيك حيره

يعني الف من يساعدك من المعاارض اللي على مستوى راقي

مبروووووك عليك

تتهنين فيه

طول العمر ياااارب


أولا: وشلون جدران الصاله ؟؟ وهل لها زوايا دائريه أو حاده؟؟

ولون الأرضيه ؟؟ وهل هي سيراميك ؟؟ أو جرانيت(خشب) ؟؟ أو موكيت

كل نوع وكل لون له أثاث وألوان معينه


وضحي لنا أكثر عشان نقدر نساعدك إنشاءالله

لاهو سراميك بس يشبه الخشب واللون بني ببيج والزوايا حااااااااااااااااده والارضيه بني فااااااتح ومشكووورين كلكم ومااااااااااقصرتووو

آن شآء آلله سآعدوك الي فووقي :) ~
وتبركوون آن شآء آلله /~

رولا


مبروك عليكم المنزل الجديد ..


ولو تقدري تنزلي صورهـ للصآله وإن شآء الله نسآعدك ... أو صورهـ تقريبه من

العم قوقل :)

الأخت رولا

الف مبروووك منزلكم الجديد
والله يعطيكم من خير ويكفيكم شره

انا قبل رمضان ماخليت مكان بالرياض ماجيته
من أثاث وأواني منزليه وتحف
كله علشان بيت اختي والحمدلله طلع خوش بيت

فيه أماكن بالرياض حلوه فيها أثاث فاخر وفيه اسعار مختلفه
فيه العالي وفيه المتوسط وفيه الرخيص والرخيص تلقينه بحراج بن قاسم
في حي المنصوره
والآن افتتح البيت الصيني على طريق الدمام في كارفور القديم في تحف
صينيه جميله
وعندنا في حي المنار شارع أحمد بن حنبيل مليان محلات أثاث بأنواعها
والصراحه روعه حيل
وفيه محل أسمه هوم سنتر تقاطع طريق الملك فهد مع طريق خريص غرب
فيه اشياء روعه واسعارها مناسبه
يعني لو جيتي الرياض ماتبلشين بس يبيلك رواقه
انا خذيت شهر انا واختي من شارع لشارع لو معي ليموزين كان مطلع حق بيت
من المشاوير ههههههههههههههه

يالله الله يهنيك في بيتك وأي مساعده حنا حاضرين وخاصه بالامكنه أما الذوق
أنا احس إن النساء ازين ذوق في أختيار الاشياء اللي تناسبهم