كشــتتـــك تحــــت آلمجــهر..!؟
 

اوصاف

يسعد لي قلبك الله يعطيك العافيه

وبانتظار عقاب

يحك راسه يقول لى عوده على الاجوبه بأذن الله
لكن دخلت اشكرك على الطرح المميز
تقديرى لك واحترامى

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]
مدخل


يـاماحلا الـمسرى مع طرة النور
مـن قبل خيط الشمس يبدي شعاعه
مـع رفـقةٍ مافيهم اللي به قصور
ربـعٍ تـربوا عـالكرم والشجاعه



http://farm4.static.flickr.com/3013/...e6c0659001.jpg
صح لسانك على الابيات

آلآسئــــــلة
*|مع مين تطلع اكثر شي..يعني مين ترتاح معاه عيال خوالكــ،، عمامكــ،، اصدقاكــ،، عيال جاركمــ،، ؟؟
والله ارتاح مع الاصدقاء وخوالى وعيال خوالى
*|اشياء مستحيل تستغني عنها فكل كشته..اكله تحبه ..مشروب ..مساحه للي فخاطركــ،، ؟؟
واجد والله منها سيارتى لايمكن اخليها مهما كان الا مالى قدره
فراش البر ضرورى والسلاح احيان على حسب المكان والمده اللى بنروح فيها
*|مين تطلب يرتب اغراض الطلعه..قبل تطلع
والله التوجيهات منى اغلب الاحيان مع اقاربي
اما مع الاصدقاء لاوالله الا هالعامل الله يسلمه يجهز كل شى
*|موقف حلووو صار لك فكشته ومع مين ؟؟
الموقف الحلو صار لى بموقع العام وحنا طالعين
من بكرا جانى خالى ومعه 3 من اصدقاءه بدون سبق
لموعد وعن جد انبسطنا ولله الحمد
*|موقف ماعجبك فكشته ومع مين ؟؟
والله طلعتنا العام شرق حايل ومعنا ناس من الرياض
وصار الجو عجاج وجلسنا خمس ايام انجبرت اجامل لخالى
والجو عكر المزاج وطالت المده


*|طلعت الكشته شنظامك تنزل اغراض ولا تجلس تناظر للي معاك تنطرهم ينزلووون ؟؟
والله لابد اكون معاهم عاد بتنزيل او باى شغله صعب تقف مكتوف الايدى
والبركه بالعيال احيان مايخلونك تلمس شى بس تخجل جد لازم تساهم
*|قد مره تكلفت بالطلعه كلها من دون لحد يساعدك ..اقصد انه جبت الطلبات ؟
اكيد ولاهى مره اكثر من مره اقعد به اتوهق
*|ايش اكثر شي ينرفزك بالطلعه..وشنو اكثر شي يريحك فيها ؟؟
اكثر شى ينرفزنى بالبر الاتكال على الغير بالشغل
وكثير اقول نفذ ماعليك من شغل واشوف البعض يزعل لكن لازم
ننهى الشغل اول باول من شان الراحه
واكثر شى يريحنى لاصار مرفوع التكليف ولابه صغار يعنى تاخذ راحتك
بالكلام مو تحسب لكل كلمه وانت طالع بتستانس

*|اخر طلعه كانت لك متى ومع مين ..؟؟
اخر طلعه قبل شوى جاي من جنوب حايل ومع خالى وعيال خوالى واخوانى

*|طلعه بتبقى دوووم فبالك .. مع مين ؟؟
مع نفس اللى ذكرت العام 8 ايام ماحد نزل للديره


*|طلعاتك قد مره صارت لصيد مخصصه وايش تحب تقنص.؟؟
لا والله يحصل الصيد اوما طلعه مخصصه للصيد ماقد طلعتها


*|كم اخر حد لك فالسهر يعني تحب تسهر ولا تمشي ع طول شنظامك ..؟؟
من طبعى السهر وحلاته بالبر لكن لاصار ربيع وفقع غصب
انام بدرى لان النهار اجمل من الليل
*|وصلت البيت تخلي الاغراض بالسياره لين يقوومووون اهلك من باكر ولا تنزلهم انت..؟؟
لاوالله الا سودانى من باكر او عقبه انزلهن
*|صوره لطلعه تحبها وللحين فبالك وياليت تدون وقتها ومن معه كانت..؟؟
الصور موجوده بقسم الصور منزلهم تكفينى الذكرى
بنسخ منهم واجيبه بعد ماخلص من الرد هنا
*|صوره لشي لفت انتباهك بكشته..؟؟
والله ياكثر اللى يلفت االانتباه ان لقيت نزلتها
والا من جوالى بنزل ماطلبتى







كشتت خييييييير جميعاً.. وان شاءلله ايكون الموضوع خفيف عليكم
اوما خفيف بالحيل خفيف هههههههههه
الله يجعل الخير بوجهك ويسعدك

وبآلنسبة للصور عآدي لو تحطون صورة وحده..

والآن نستقبل ضيفنا الأول
شاعرنا عقاب النهار فليتفضل
للأجابه عالأسئله
جاوبت واتمنى اكون خفيف الضل ماثقلت عليكم
ربي يعافيك






........................مخرج


الـبر حـولك كـله ورود وزهور
وقـت الـربيع العشب زاد ارتفاعه
حـتى الرمل تشتم له ريحة عطور
والـقاع خـضرا كـن فيها زراعه

[/ALIGN][/CELL][/TABLE1][/ALIGN]

موضوع جميل وخفيف وينقلنا لاجواء الكشتات ..
اوصاف الذهب
سلمتِ ع الفكره الجميله ..

عقاب النهار ..
استمتعنا باجاباتك الراائعه ..
وكل كشته وانتوا بخير ..
يعطيك الف عافيه ..

يعطيك الف الف عافيه شاعرنا لقبول دعوتنا
والأجوبه الوافيه
بس نبيك شاعرنا تختار العضو اللي بعدك

على النيه
ربي يعافيك ويسعدك
تقديرى

ابشرى
يا اوصاف الذهب
تامرين امر
اختار
الغالى
كبرياء شمر

الله يعطيك العافيه عقاب على الاجابات الحلوهـ وعلى اختياري..

<<لـي عودهـ

*|مع مين تطلع اكثر شي..يعني مين ترتاح معاه عيال خوالكــ،، عمامكــ،، اصدقاكــ،، عيال جاركمــ،، ؟؟

صراحه اغلب طلعاتي مع عيال عمي وبعض خوياي..


*|اشياء مستحيل تستغني عنها فكل كشته..اكله تحبه ..مشروب ..مساحه للي فخاطركــ،، ؟؟

بالنسبه للمستلزمات الضرؤريه في الرحله هذي كلها ماتقدر تستغني عنها..
لكن فيه حاجات ثانيه مهم ماتستغني عنها مثل السلاح ووسائل الاتصال غير الجوال..
*|مين تطلب يرتب اغراض الطلعه..قبل تطلع

دائم اغراض الطلعه اهلي في البيت يرتبونها لكن باشراف مني والتاكد من عدم نسيان اي شي..


*|موقف حلووو صار لك فكشته ومع مين ؟؟

من المواقف المضحكه اللي ضحكنا عليها كثير مره كنا في النفود وكانوا الشباب يطعسون
ويمشون ورى بعض وهم يطعسون فجأه غرز اللي يمشي قدام وصدم فيه خوينا الثاني اللي يمشي وراه
جلسنا يوم كامل وحنا نضحك ونشمت فيهم..
*|موقف ماعجبك فكشته ومع مين ؟؟

الشي اللي مايعجبني في الكشتات الشخص اللي يضيق صدره ويزعل من المزح ,,ما احب هالنوعيه من الناس..
*|طلعت الكشته شنظامك تنزل اغراض ولا تجلس تناظر للي معاك تنطرهم ينزلووون ؟؟

والله بطبعي انا حركي كثير يعني ما احب اجلس واطالع فيهم والا اقول لاحد نزل الاغراض
لابالعكس انا اقوم اشتغل وانزل الاغراض والعيال مايقصرون..
*|قد مره تكلفت بالطلعه كلها من دون لحد يساعدك ..اقصد انه جبت الطلبات ؟

اغلب الطلعات اللي انا اطلعها اكون مرتب لها قبل ابلغ العيال اننا بنطلع..
*|ايش اكثر شي ينرفزك بالطلعه..وشنو اكثر شي يريحك فيها ؟؟

اكثر شي ينرفزني ذكرته شخص يزعل من المزح..واكثر شي يريحني لما اشوف العيال يشمتون في بعض وانا اضحك عليهم ههههههههههه..
*|اخر طلعه كانت لك متى ومع مين ..؟؟


*|طلعه بتبقى دوووم فبالك .. مع مين ؟؟

طلعه ما انسها ابد مع واحد عزيز على قلبي بالحيل فيصل الشمري وبعض خويانا طلعت مقناص في الاردن وسوريا قبل سبع سنوات

الله ايام حلوه باحيل..
*|طلعاتك قد مره صارت لصيد مخصصه وايش تحب تقنص.؟؟

ذكرت بالسوال السابق رحلتنا للاردن وسرؤيا وكانت للمقناص ..

*|كم اخر حد لك فالسهر يعني تحب تسهر ولا تمشي ع طول شنظامك ..؟؟

شوف الدلال وشبة النار بالليل,,,,ونور القمر ساطع يشق السحابه

في راس ضلع حايرن وسطه السيل,,يشفي عليل الي يشتكي من عذابه

مثل الاجواء الي ذكرتها في البيت الشعري تخليك غضب تسهر وطول في السهر..
*|وصلت البيت تخلي الاغراض بالسياره لين يقوومووون اهلك من باكر ولا تنزلهم انت..؟؟

لا والله الاغراض انزلها على طول بطبعي انا حركي زياده لذلك انجز اموري.

*|صوره لطلعه تحبها وللحين فبالك وياليت تدون وقتها ومن معه كانت..؟؟

والله فيه صور كثيره صورناها لكنها مهي موجوده عندي والطلعات كانت غايه في الرؤؤعه..
*|صوره لشي لفت انتباهك بكشته..؟؟

كثيره هي الاشياء الي نشوفها وتلفت انتباهك لكن مثل ماذكرت ماهي بعندي الصور الحين..






كشتت خييييييير جميعاً.. وان شاءلله ايكون الموضوع خفيف عليكم


موضوع رائع واتمنى انه اكون خفيف عليكم

كل الشكر عقاب على اختياري..

وكل الشكر اوصاف على الفكره الرائعه..

واختار من بعدي (النوفي)

اوصااف يسلمووو

عقاب النهار كبرياء شمر

استمتعت مع اجوبتكم الله يديم عليك الونااسه والصحه والعافيه

يعطيك الف عافيه شاعرنا عقاب النهار عالأختيار الرائع
وكل الشكر لكبرياء شمر على روعة الأجوبه والكشته الرائعه
وبأنتظار ( النوفي )

تسلم الأيادى على النيه على روعة التواجد

تسلمين شيخة الزين على روعة التواجد
وبأنتظار ضيفنا

عوافي مشرفتنا الذوق ع الطرح الممتع

وأشكر أخوي عقاب النهار وكبرياء شمر استمتعنا بكشتتهم

لي عوده قريبه