|
ابوي رفض كل من تقدم
السلام عليكم ورحمة الله وبركاته
صراحه موضوعي يمكن احد يقول شفيها البنت بس كل شي له حدوود الان انا وصلت 30 سنه وكل واحد يجي يخطبني يجي يرفض البابا طيب رايكم الحل ايش اتمنى نصيحتكم لي رغم اني الي يريده البابا ماقول لا ابدا راتبي اعطيه ابوي بس اعتبره اجر ولا قلت لا بس الى متى بجد يمكن تقولو مجنونه بس والله شي يضااايق بجد انتظر شوركم لي |
الله يعينك
********* الله يصبرك عليه والحين فيه حقوق انسان يعني لو شفتي الوضع طال لك حق اللجوؤ لحقوق النسان |
ياااااعمري انتي
فديت قلبك ياغاليه حاولي تصبري ياعيني وربك يفرجها وصدقيني صبرك على ابوك بيكون فرج لك |
كلا اختي في محله.. صبرك على ابوك بيكون فرج لك,,
شوفي لازم تقوليه انك تبين الزواج ترى بعض الرجال يحسبه عادي عند النت خاص الشيبان .. والحل الثاني لازم تشوفين اللي يعزه ابوك وتشوفين بنته وتعلمنه بالوضع .. عادي لا تقولين مستحيه .. رآح الحيا !! عســـى الله يسر امرك .. لا تنسين الدعاء لربك |
انا اتوقع انا ابوك ماشاف في اللي تقدموا لك
اي واحد مناسب صدقينن الرجال الكبار يعرفون الولد من شكله انا ابوي من يجي واحد يقول هالولد مايصلح ويطلع فعلا مايصلح لاتستعجلين وتخسرين ابوك مالك الا الدعاء والاستغفار ترى الاستغفار له فوائد ماتخيلينه واصبري ترى فيه وحده عمره 38 وكل من جاء يخطب ابوه رفض والكل يلومه هو يبي الزين لبنته واللحين تزوجت واحد معيشه عيشة اميرات والكل يحسده على حياته يعني صبرت لين 38 بس عوضه الله ماشاء الله عليه مو معناته وصلتي الثلاثين خلاص انتهت حياتك بالعكس الحياة قدامك طويله ان شاء الله وانتي لاتفكرين بهالموضوع كثير حاولي تشغلين نفسك باشياء ثانيه والله يرزقك ان شاء الله بس اهم شي لاتزعلين ابوك او تسوين شي يخليه يغضب عليك |
والله شئ غريب فعلا انه ابوك يرفض زواجك
المفروض هو يسعى في تزويجك ويتطمن عليك في حياته قبل مماته زمان كنا نتشكى من الاباء اللي يزوجون بناتهم وهم لسى في الابتدائية والحين وصلو الثلاثين من اعمارهم واباؤهم يرفضون حياتي حاولي توسطين احد من اقاربكم يفهمه الموضوع وان البنت مو زي الولد وانه كلما تقدم بها العمر تقل حتى فرصتها بالانجاب ..يعني امي لما كانت بالثلاثين كانت جايبتنا كلنا وحاولي تسمعيه بين فترة واخرى انك حتى لو تزوجتي راح تعطينه من الراتب وعليك بكثرة الاستغفار والصدقة بنية الزواج من رجل صالح بس اعتقد انه في اسباب اخرى من رفض والدك يمكن فعلا اللي تقدموا لك مافيهم الصالح وعسى ان تكرهوا شيئا وهو خير لكم وعسى ان تحبوا شيئا وهو شر لكم الله يرزقك بالزوج الصالح عاجلا غير آجل يازين حس الابو بالبيت والله انه عزوة وينشد به الظهر لاضاقت بك الوسيعه |
شووووووووووفي شكلك مررررررررررررررره
صاكه فيك الدنيا بس انا بشور عليك تكلمي مع ابوك ليش هو رافض اذا حسيتي انوه يرقع ويبي الراتب حاولي تفهمينوه انوه ماعندك مشكله تعطينوه الراتب بعد الزواج واذا مانفع قولي انك ماتبين الوظيفه والله يعينك خيييييتي |
وعليكم السلام ورحمة الله وبركاته
عسآكٍ على القوه أختي :) .. والله يعطيك العافية إن َ شاء الله أبوك : هو عزوتك .. هو سندك .. هو آدرى بمصلحتك ..!! نعم أنتي كبيرة بالعمرة ومنتي صغيرة وأدرى بمصلحتك كذلك , وأنتي ما شاء الله متعلمه وفاهمه :) .. وتعلمينَ إنَ الزواجَ قسسمهٍ ونصصيب :) .. مالكٍ إلا الصصصبر :( وأكثري من الإسستغفار وتصصصدقيَ ... وآستغفري ربك فإنهٌ غفوراً رحيم ..!! وأكيد أبوك ما رفضَ اللي يتقدمون لك إلا وهو يرى فيهم شيء .. أنتي ما تشوفينهٍ فيهم :) أكييد يبي لك الزينَ ويبي لك الخيير .. الله يوفقك ويرزقك إن َ شاء الله .. ودي / |
انتي اعرف بأبوك وسبب رفضه
يعني محد يعرفه من هالاعضاء الا انتي المقصد تصرفي على معرفتك وبصراحه محد نافعك بعدين لاعجزتي لابوك ولازوجك محد بينفعك الا عيالك وبناتك |
اساال الله العظيم يفرجهاااا عليك ,,
الصدقه والدعااااااء ,, وان شااء الله تبشرينااا |
اسال الله العظيم رب العرش العظيم ان يرزقك الرزق الواسع ويرزق بنات المسلمين
اسمعي نصيحتي اول شي الله مااكتبلك الزواج لحد الان عليك بــ صلاة والدعاء في اخر الليل واستغفري ربك وتصدقي دائما خذيها قاعده وانا اختك في قوله تعالى: {وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ} يمكن يكون خيره في تاخرك بالزواج والله يعوضك باحسن منه والله يفرح قلبك عن قريب |
بسم الله الرحمن الرحيم
السلام عليكم ورحمة الله وبركاته غزولة يسعد صباحك واتمنى تكوني بصحة جيدة يا قلبي الزواج قدر ورزق من الله وما يقدره الله لا يمنعه احد مبدى ديني كوني ما يتغير ولو ربك كاتبلك نصيب ورزق بالزواج وله حكمة فيه حيرزقك فيه بوقته وساعته وما حد يقدر يقف بوجه قدر الله ولو ربنا مو كاتب لك حيسبب اسباب يمنع هذا يا قلبي ما تزعلي وكلي أمرك لربك وانظري للامور الحلوة لوهبك ياها وعطاكي ياها كل انسان وهبه رزق وعطاه رزق شوفي امنا عائشة ربنا جعلها زوجة الرسول عليه افضل الصلاة والسلام وام المؤمنين بس ما رزقها اولاد والخيرة فيما يختاره الله ربنا اعلم بالغيب وهو المقدر وصاحب القدرة والتصرف بامور عباده توكلي على ربك وارضي بنصيبك وسعي صدرك ربك كريم رحيم ما يظلم احد شاكرة لك يا قلبي إحترامي |
الله يعينكـ ,,,, وأتمنى منكـ أن تدعي لوالدكـ بالهداية
وأن تكثري من الدعوات أدعي ربي من قلبي أن يرزقكـ بالزوج الصالح .... آمين آمين آمين |
صعب اننا نتدخل بينك وبين ابوك
لان اكيد رفض لأسباب ولو عرفنا الاسباب هنا ممكن نلقى الملام او نقول معه حق وانتى اصبرى واكبر منك للحين ماتزوجوا وقولى عسى بالامر خيره الله يوفقك بمن اردتى دمتى بود |
| الساعة الآن 12:52 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010