|
الله يجزاك خير اخ حاتم فسر لي حلمي
السلام عليكم اخ حاتم . . ارجو منك تفسير حلمي انا عزباء وعمري 21 سنة .. رأيت اني ركبت السيارة كأني خارجة من الجامعة لااتذكر بالضبط وكان يركب في السيارة رجل انا احبه وهو الذي يقود السيارة وجانبه يركب السائق الخاص بنا , ولم اكن مستغربة وجود هذا الرجل كأني اعلم انه سيأتي وياخذني مع السائق . . وكنت انا راكبة خلف السائق .. ثم كأن السواق يشتكي له من احد معين لااعلم من هو بالضبط الذي فهمته يشتكي من ابي او عمي .. المهم يشتكي لهذا الرجل انه مااعطوه الراتب .. فقال للسائق خلاص انت لما تفضى تعال لي وانا سأعطيك حقك .. وانا عندما سمعته يقول هكذا غضبت وقلت له الله يعطيك العافية يااديب كفاية اللي انت فيه وش دخلك في السواق عشان تعطيه (لاني عارفة في الحقيقة انو ظروفه المادية شوي صعبة حاليا) .. بعدها امسك يدي اليسار بيده اليمين وانا في الخلف وقال الله يسعدك مافيها شي لو ساعدته او شي زي كذا المهم بقي ممسك بيدي هكذا طول الطريق .. وانا وقتها احسست بحرارة يده و شعرت بفرحة وامان .. وكنت اريد افلات يدي من يده لكن كان ممسك بها بقووة .. ولاحظت لاني افلتت اصابعي من يده كان ممسك اصبعي الابهام اكثر من بقية يدي وبقوة وعندما رايته هكذا ممسكها بقوة ومصمم امسكتها انا ايضا بقوة وماافلتت يدي .. وغفيت وانا في قرارة نفسي ناوية اقول له في ذلك الوقت انك انت احلى شي موجود في حياتي .. ثم بعدها عادي كان تارك يدي ويقود السيارة وانا مقتربة منه واتكلم معه .. وكأننا وصلنا مكان السيل في الطائف فقلت له ليه جيت هنا ؟ ( مع العلم انه كان ساكن بالسيل في الطائف لكن الآن ساكن بالرياض وانا ساكنة في الطائف) قال خلاص بروح بيتي .. قلت وانا مين يوصلني البيت . قال يوصلك السائق.. قلت لا انا اريدك انت توصلني .. كأنه قال لا استطيع عشان السيارة حقتكم وانا وصلت وانتي عادي ترجعي مع السواق .. قلت على شرط بنزل معاك شوي.. بعدين نزلنا من السيارة ودخلنا زي الحديقة وتمشينا وهو ماسك يدي وقلت له آآه اخيرا صار اللي نتمناه وانا فرحاانة في الحلم... بعدين قبل ذهابي للبيت ضميته وقلت له انت احلى شي موجود في حياتي وانتهى الحلم ..... آسفة ع الاطالة بس ماحبيت انقص شي:161: ... الله يجزاك خير لو تفسره لي شاغلني الحلم |
عليكي السلام أختي وحياكي الله في منتدانا الذي يتشرف بكي ارجوا لا هنتي تكبير الخط ومحاولة الاختصار في الرؤيا لضيق الوقت عندي والزحمة وابشري بالخير حاتم حائل |
الله يعطيك العافية ان شاءالله
انا عزباء وعمري 21 سنة .. رأيت اني ركبت السيارة وكان بها رجل انا احبه وهو الذي يقود السيارة وجانبه يركب السائق الخاص بنا , ولم اكن مستغربة وجود هذا الرجل كأني اعلم انه سيأتي وياخذني مع السائق , وكنت انا راكبة خلف السائق , ثم كأن السواق يشتكي له من ابي او عمي , بأنهم مااعطوه الراتب , فقال للسائق خلاص انت لما تفضى تعال لي وانا سأعطيك حقك .. و عندما سمعته يقول هكذا غضبت وقلت له الله يعطيك العافية يااديب كفاية اللي انت فيه وش دخلك في السواق عشان تعطيه (لاني عارفة في الحقيقة انو ظروفه المادية شوي صعبة حاليا) , بعدها امسك يدي اليسار بيده اليمين وانا في الخلف وقال مافيها شي لو ساعدته او شي زي كذا المهم بقي ممسك بيدي هكذا طول الطريق .. وانا وقتها احسست بحرارة يده و شعرت بفرحة وامان .. وكنت اريد افلات يدي من يده لكن كان ممسك بها بقووة .. ولاحظت لاني افلتت اصابعي من يده كان ممسك اصبعي الابهام اكثر من بقية يدي وبقوة وعندما رايته هكذا امسكتها انا ايضا بقوة وماافلتت يدي .. وغفيت وانا في قرارة نفسي ناوية اقول له انك انت احلى شي موجود في حياتي .. ثم بعدها كان يقود السيارة وانا مقتربة منه واتكلم معه .. وكأننا وصلنا مكان السيل في الطائف فقلت له ليه جيت هنا ؟ ( مع العلم انه كان ساكن بالسيل في الطائف لكن الآن ساكن بالرياض وانا ساكنة في الطائف) قال خلاص بروح بيتي , ثم نزلنا من السيارة ودخلنا حديقة وتمشينا وهو ماسك يدي وقلت له آآه اخيرا صار اللي نتمناه , وقبل ذهابي للبيت ضميته وقلت له انت احلى شي موجود في حياتي وانتهى الحلم ..... آسفة ع الاطالة بس والله حاولت اختصرها قد ماقدر ... الله يجزاك خير لو تفسره لي شاغلني الحلم |
اخ حاتم هل هناك مشكلة او اخللت بالشروط ؟؟
لي يومين انتظر التفسير وعدم ردك اقلقني . . ارجوك ان كان خيرا فسره لي وجزيت الجنة ان شاءالله . . |
عليكي السلام أختي وربي يوفقك للخير حنا بالايام العشر وفيها أشغال العيد أختي وهنا زحمة الناس عندي يعني افسر بالدور وبحسب الفضاوة لا هنتي وابشري بالخير فيه قاعدة أختي في علم الرؤى : أنه عندما يحب شخص شخص آخر يراه دائما باحلامه كما يتمنى فهي ليست رؤيا صادقة تقع بل انعكاس حب وتفكير به وهذا الذي وقع معك فانتي تحبينه فشي طبيعي ترينه بهذه الصورة وتحسي فيه كما في الحقيقة فهو تقارب ارواح وحب وليس رؤيا صادقة تقع ارجوا ان تكوني فهمتي كلامي وحياكي ربي . والله اعلم حاتم حائل |
الله يجزاك خير ويعطيك الاجر ان شاءالله . . .
لكن عفوا .. هل لي ان اعرف القصد من تقارب ارواح ؟! |
هلا اختي تقارب الارواح يقع في المنامات فقط وهو تعبير مجازي المقصود فيه المحبة اذا زادت تنعكس على العقل في المنام فيراها بالطريقة التي يحب ان يراها فيها . والله اعلم حاتم حائل |
اشكرك كثيرا على التوضيح . .
|
| الساعة الآن 12:13 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010