|
$$$ـــــــــاهر ... !!
بسم الله الرحمن الرحيم السلام عليكم ورحمة الله وبركاته $$$ـــــــــاهر تذمر الكثير من نظام ساهر وتمنى البعض عدم تطبيقه بحائل والبعض يترقب تركيبه وتطبيقه بفارغ الصبر لما يعانيه ويشاهده من تهور الكثير تكلم عن نظام ساهر ، والذي وصفه البعض بأنه فقط للتحصيل المالي لا أكثر ، ولم يعلموا انه وضع لضبط التهور والتجاوزات الخطرة التي ذهب ضحيتها أبرياء نتيجة قطع إشارة ضوئية او سرعة جنونية سواء بالطرق السريعة او وسط الأحياء السكنية إلى غيرها من المخالفات الصريحة التي تضع حياة الكثير بخطر حقيقي . نظام ساهر غير ثقافة السرعة بمدينة الرياض لتتقلص نسبة الحوادث إلى حد معقول مقارنه بالفترة التي تسبق تطبيقه ، ليغير ذلك التهور بكثير من الطرقات لضبط حركة سير منتظمة متزنة ، ولتكون حركة السير بالرياض من أفضل المدن تنظيماً لخوف الكثير من عملية الرصد .! لذا فان بعض الشباب المعارض لنظام ساهر والمتحايل على أنظمة المرور لو كان بأحد الدول الأجنبية التي تطبق نظام صارم اشد من ساهر لنجده قد احترام قواعد المرور هناك بكل بنودها .! إنني آمل سرعة تطبيق نظام ساهر بكل موقع بحائل ، وعلى الأقل إجهاض عمليات المسيرات والتفحيط التي يقوم بها بعض الشباب ( الفاسق ) ، والملامة حقيقة لا تقع على هؤلاء الشباب ..! بل تقع على أولياء أمورهم الذين يعلمون ما يقوم به أبنائهم . لذا فان نظام ( ساهر ) سيضبط تحركات المتهورين ولم يكون نظام ( $$$ـــاهر ) للتحصيل المالي .! سؤال / كم مخالفة سرعة وقطع إشارة سجلت ضدك ؟ نتيجة جوابك اجعلها وقفة مع النفس ومحاسبتها ، فلولا الله عز وجل لكنت بأحد المقابر او تسبب بمقتل أبرياء نتيجة طيشك وتهورك . وللجميع فائق تقديري واحترامي |
يعطيك العافيه اخوي يوسف
ايضا سوالك يحال الى النقاش انا والله الحمد ولا مره سجله مخالفه علي تسلم على نقل الحوار |
نظام ساهر
انا من المؤيدين له وبشده لانه وضع للحد من التهور والسرعه الزائده الى متى وحنا نفقد شبابنا بسبة السرعه ادري كل شي قضاء وقدر بس لو الواحد مااسرع ماكان صارت الحوادث وراحوا شبابنا نظام ساهر وضع عشانكم ليه مسوين هالضجه اللي اشوف ماله داعي |
باااااااارك الله فيك
لاعدمنااااااااا جديدك المميز عااااافااااااك البااااااري |
أخوي بس عندي تعليق بسيط ..
أنت تقول لو ان الشباب بأحد الدول الاجنبية اللي تطبق مثل نظام ساهر كان احترموا النظام .. تدري ليش بيحترمونه لان ساهر عندهم أماكنه واضحة ويعطونك تنبيه بأن هالمنطقة موجود فيها , لكن ساهرنا مثل ما انت شايف ما يحس الواحد الا وهو كاشطه .. أتمنى توضح لك الصورة .. |
يسلمو على الموضوع
تقبل مروري |
نظآم سآهر فرحنآ عندمآ سمعنآ بتطبيقه على آلآقل بيحد من آلسرعة وتهور آلسآئقين واللي كآن مقصور آلتهور فيهم على آلشبآب والان آصبح آلشبآب وكبآر آلسن يملكون نفس صفة آلتهور لكن نظآم آلسآهر بدل مآيكون لخدمة آلموآطنين وحمآية آروآحهم صآر نظآم جبآية بشكل لايعقل وآلدليل آمآكنه آلمخفية وآستخدمه لسيآرآت توزيع آلخبز نظآم كله لف ودورآن ويجي آخر آلشهر آلموظف يدفع نص آلرآتب تسديد مخآلفآت بآسعآر خيآلية لايصدقهآ عقل مجنون نظآم آلسآهر لدينآ يحتآج لنظآم مرآقبة ليحد من تهوره قبل تهور شبآبنآ |
اولا
ولا مخالفة سجلت علي مع اني دايم طاير بين السما والارض ولاراح يسجلون ان شا الله لكن بقول شغله انه ساهر استثمار تعرف كلمة استثمار بكل ماتعنيه الكلمة من معنى تدري ليه لانه ياعزيزي اتحدى دولة بالعالم حاطة الكاميرات خلف الاشجار ومخبيتهم عشان يلقطونك قسم بالله قانونيا ممنوع وشرعا حرام واخلاقا مايصير امس زميلي لقطه ساهر يمشي 80 ع التخصصي مع ان السرعه القانونية 70 من كثر ما هو بطئ يعد عيون القطط هع طيب مفترض يحطون لوحات تنبه وجود كاميرات مثل دبي وكل دول العالم ذولي حاطينهم بباصات متنقله عشان يزيد لهفهم لقريشاتك ولا ما همهم انا ولا انت لو كان صحيح كلامهم بنية تحتية مافيه لا شوارع زي الناس ولا تنظيم زي الناس ولا شي... حفريات ووو فيه شغلات لازم تعرف بعقلك انها نصبه وسرقه عيني عينك قبل لاينبهك احد او تشوف بعينك ساهر واختبار القدرات يعطيك العافيه |
قواك الله الغالي , وعساك على القوة الكُل تحدث عن ساهر وتذمره بإستخدام النظام بطريقة إستثمارية أكثر من أنهُ طريقة توعوية ..!! كلامي لا يخرجُ من قول العضوة / طربة حايل . أعتقد كلامها صحيح وسليم , لو يوُجد كاميرات في كلُ شارع ومعروفة لما وجت التذمر من هالناس والإعترآض . كلامي لا يخرجُ من العضو / المساااافر . هذا وهُو يقول لنا صديقة ماشي 80 والسرعه المُحددة 70 طيب وينَ الإشارات التنبيهية وينَ أماكن ساهر المعروفة , لو حطوا إشارات وآماكن معروفة تسآن خخسسسسر هذآ النظآم ويقولونُ وش الفايدة من تركيبة ..!! .. بارك الله فيك أخي وفي َ طرحك أنا لستٌ ضد ساهر إطلاقاَ وأنا أؤيد هذا النظام وبشدة فهوُ أعطى التوعية والثقافة لمٌجتمعنآ كثيراَ أولاَ كُنا نشاهد السيارات يتعدونُ الإشارة ويعرضونُ سياراتهمِ وهذا ما يخُص المرحلة الثانية من ساهر , وكنُا نُشاهد السرعه والتهور في الشوارع , لذلك أنا مؤيد هذا النظام ولكن بـ : وضوحُ الإشارات التنبيهية للسرعه المُحددة + وضوحُ أماكن وموآقع الكاميرات , موب يجيبونُ لنا سيارات خصوصية كآنهمُ موآطنينَ ول سيارات المخابز التي عرفنآه وبعد ما عرفهآ الشعبَ غيرو السيارة ..!! آلف علامة تعجب وهذا يوضح لنا إنّ هذا النظام هو إستثماري بحت .. طيب هُم خايفين على المواطنينَ ويبونهمُ يخففونُ السرعه [ والله لو خايفين عليك تسان حطو لك ساهر في الطرق المؤدية للمُدن ك طريق القصيم الشرقية مكة إلخ .. ] لكن ما عندك أحد ..!! لا خوف ولا همُ يحزنونُ فقط مُجرد أخذ أموال الشعب بصورة وبطريقة غير مبٌاشرة , وهذا ما يدُل على الححقآرة فقط . آنا أؤيد ساهر بوضوحُ فقط , غير كذا لا نُريدة ولا بارك الله فيه ساهر نريدةُ بكاميرات ثابته وليس بسيارات مُتحركه تجني الأموال في الطرق الأكثر تحركاَ . ودي / |
والله الإخوان ماقصروا بالردود
وانا ضد ساهر اللي هم حاطينه امشي 121 فجأة صورة وهاك 500 ريال اخر الشهر ياخي انا ولدي ياالله اشتري حليبه تراني سعودي ومعي شهادة بس حسبي الله ونعم وكيل ماعاد ندري وش نوفي تقولون الدول الأجنبية سلم عليهم وعلى أنظمتهم السرعة المقررة 120 والكاميرا ماتصورك إلا بعد 150 وهذه عليها مبلغ مايفوق 200 ريال وإذا تعدا زادت بمبلغ معقول حنا في نظام ساهر اللي حاطينه افتحوا موقع المرور وشوفوا في فقرة السرعة والمخالفات يقولك بعد تعدي السرعة المحددة ب 25 كيلو متر يتم احتساب المخالفة وانا قبل فتره مسددها عشان ماتندبل علي المخالفة تعرفون حنا غير الدول الباقية لان ماعندهم شي اسمه دبل مخالفة أذا ماسددت قبل شهر مخالفتي امشي 58 كيلوا متر والسرعة المحددة 50 !!!!!!!!!!!!!! 300 ريال وين 25 راحت ؟؟؟ هذا نظام جباية تاااااام وصدقوني ماراح يدوم والايام جاية اما التفحيط والسرعات الجنونية لها الف حل وحل لكن حلول تكلف زيادة أفراد وتوظيفهم وتكلف شراء سيارات زيادة وغيرها من الحلول بس كلها ماراح تدر اي مدخول للمالية وسلامتكم |
| الساعة الآن 03:10 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010