|
اذا لك عند الكلب حاجه قول له : يا سيدي
السلام عليكم ورحمة الله وبركاته :
مرحبا ,,, هذا أول موضوع وعشان اللي طلب حضوري بالمنتدى راح اشعللها من اولها ==================================== اذا لك عند الكلب (( اكرمكم الله)) حاجه قله يا سيدي ...... يا الله كم اكره هذه المقوله ... ودائما اردد قول وليمسون لكل من يقولها :- اذا جعلت نفسك دودة تمشي على الأرض فلا تلم من يدوسك بقدمه ... (( اعذروني بحول عامي )) دايما اقول لا تخلي نفسك تحتاج لاحد . كذا علموني اهلي ,,, يمكن لاني كنت بأول المشوار , وبداية معركتي الحقيقه مع الحياة لم تبدأ بعد . بعدين اكتشفت ان الموضوع ماهو بذيك السهوله . وكثير من الحاجات تتطلب اللهث وراء اصحاب الأسماء البراقه والكراسي الدواره . ليش ؟؟؟ ايش السبب ؟؟؟؟؟ قلة دين ؟؟؟ مافي ضمير ؟؟؟؟ ليش معظم الأمور ما تمشي الا بواسطات واقامة علاقات مصلحه وتبادل منافع ؟؟ كل مكان لازم واسطه .. الخطوط ... الاتصالات ... الكهربا ... المياه ... المرور .... العسكرية ... التعليم ... الجامعات ... حتى المستشفيات ... والخ كل مكان اذا تحاول تمشي بشكل نظامي تتعب ماتمشي بمكان الا معاك واسطة ... والا الباب ياسع جمل موضوعي واضح من عنوانه.. مارأيكم بهذا المثل أو القول السعودي اللذي يقول: ((إذا كان لك عند الكلب حاجة قل له ياسيدي))؟! هل تؤمنون به أو هل تعملون به ان حدتكم الظروف؟! وهل ان كنتم تعملون بالمثل تطبقونه على كل الأحوال في حال انه لكم مصلحة أوحاجة ايآ كانت؟! ام ان تطبيقه على حسب حجم الحاجة؟! ومامدى الحاجة اللتي تضطرنا ان نقول للكلب ياسيدي؟! وهل هي تستحق؟! وهل إن كان مصدر الرزق لن يتم الا من خلال تطبيقي للمثل هل يعتبر هذا مبرر؟! ام ان هناك حل آخر؟! ********************************************* أرجوا التفاعل من الإخوة والأخوات وبالأخص ممن جربوا تطبيق المثل على ارض الواقع اما من خلال موقف ما! او من خلال مجال عملكم تجاه رئيس او مدير في العمل وعلى مدى طويل وهل استطاعوا الصبر والتحمل ام ماذا؟! بقلم نسيم الليل |
نسيم الليل
يعطيك العافيه الغالي ولأهنت على هالمقال الجميل والرائعِ بحق ألا أنهُ مضى على هذا الطرح الكثير والكثير من الأزمان ولكن ما زآل يجآورنآ في مُجتمعنا الحآلي وتعودنآ عليه خخلآص ..!! كلام جميل وفيَ الصميمِ , وآلله لا يحدنيَ على هالأوآدم هذول إنَ شاء الله , كل اللي أقدر أقول أطلب الله أدع لله عز وجل بأنَ يسهل ويُيسر أمرك وأمور المسلمينَ أجمع , ف الوآسطات لا حل لهآ أبداَ ودي / |
هذا هو الواقع
بس قد تقول لشخص ياسيدي وهو اصلا مو سيد بس الظروف رائع في موضوعك اشكرك |
نسيم الليل
اشكرك على الطرح والواسطة داء ليس له دواء للاسف من ناحية تطبيق المثل انا ماطبقته واذا لي حاجة عند الكلب اقول له : ياكلب عطني حاجتي اكيد مايزعل من اصله...:) الله لايحدنا على هالاشكال |
وعليكم السلام ورحمة الله وبركاته
والله مشكلتنا بجتمعنا العربي عموما والخليجي خصوصا كثرة المعارف فلان يقرب لفلان وولد فلان ابو فلان الفلاني عشان كذا الواسطات مالها حل لدرجة حتى الكافتيريا فيه واسطات هع من ناحية اذا لي حاجه عند شخص اقول له ياسيدي لا والله ما اقول له ياسيدي دام لي حق راح اخذه لا واسط ولا وسيط >> سبيكه ورقيه هع واسطتي ربي لا اله الا هو واكيد لو ابقول له ياسيدي يابو العيون السود راح يقضي حاجتي با اقل من سرعة الضوء لكن عزة نفسي ماتسمح لي كل الشكر لك ع الموضوع الحساس |
هالأمر هذا دارج كثيراً وبهالطريقة تقضي الناس حوائجها الله لايحدني لهم
أموت حاجه ولا أذل نفسي من الأسباب التي دعتني لترك شغلي لأني محاطه بالأشكال هذي اسأل الله لهم الهداية النفس لاتخضع ولاتذل نفسها إلا لقاضي الحاجات الله سبحانه وتعالى طرح جميل يلامس الواقع كثيراً دمتم بخير.. |
مآيرضى بهذآ آلشيء وآنه يذل نفسه آلآ شخص آو آنسآن فآقد كرآمته ومآعنده عزة بنفسه والآهم آيمآنه بالله ضعيف مين هذآ آلبشر آللي آقوله سيدي علشآن حآجة من حوآئج آلدنيآ وهذآ نفآق وآلنفآق مش من صفآت آلمسلم آلصبر وآني آنكوي بنآر آلحآجة ولا آحط نفسي ذليلة لشخص تآفه مهمآ كآن ولا وآللي مآشين عليه بزمنآ آنآ آخدمك آلآن يعني لي وحدة عندك يعني مصلحة بمصلحة ربي خلقني عزيزة فمستحيل آنذل علشآن وسخ دنيآ زآئل |
امممممم ليش اذا لك حاجة بتكوون عند كلب لا ياخوي في ناااس اطيب من قلوبهم مافي ويحبون يساعدون النااس
وفي ناااس مثل ماقلت مايعطونك الشي الا اذا قلت ياسيدي وهذي النوعية ماتمشي معهم الا العين الحمرا هع امزح اممممم هذي وجهة نظر مع اني مااقد صارت وياي وانشاءالله ماتصير لان عزة النفس فووق كل شي بس انا عند كلامي في نااس قلوبهم نظيفة مايحتاج ياسيدي ولا شي ربي يعطيك العافية تحياتي لك .. |
شاكرين على الردود
هذا حال المملكة العربية السعودية معاك واسطة تمشي ....... مامعك واسطة ؟؟ الباب يوسع جمل وأقول ....... ( لاحـيـاة لـمـن تـنـادي ) ــــــــــــــــــــــــــــــــــــــــــــــــــ ـــــــــــــــــــــــ سلمولي على الكويت وقطر دمتم بخير ***************************************************** |
طبقته ايام الجامعة كثيييييييييييييييييييييييرا
لان الدكاترة كانو يسوون فينا النون وما يعلمون بس كنا نصبر لين ربي فرجها... |
ماادري انا مع مجنونه فاهمة فيه ناس تكوون اموورك عندهم مجرد زيارة وتوضيح للموضوع تنحل الامور بدون حب خشووم وسيدي
لكن فيه نااس برضو تنبسط لمى تذل احد وتتفنن في اذلال النااس وع طاري الامثال في مثل مصري <امشي عدل يحتار عدووك فيك> وهذا اللي مطبقته انا مع مديرتي شغلي كامل ماتقدر تقول حرف واحد واذا بخست حقي انااقشها بعين قويه لاني عاارفه نفسي يسلموووو ع الطرح |
اذا ماطاعكـ الزمن مجبور تطيعه
ماكو غير الله سيدك لاكن اكيد وقتـ الجد مجبور تقول للجلب سيدي طبعامن ناحيه الامورالدنيويهـ فقط لاكن غيرها لا الله خلق الانسان وخلق كل وحد وطبقته الموظف مجبور يتودد للمدير وكل شخص مجبوريحترم اللي حاجته عنده حتى لو أنه مايستحق الاحترام يسلمو على الطرح |
الواسطة سلبت حقوقنا واعطتها لغيرنا
الواسطة ظلمت ناس وحرمتهم اسرة في مستشفيات وجلسات كيماوي على حساب ناس ثانية الواسطة هدمت بيوت ودمرتها الواسطة ورقة رابحة في يد ناس لا يحملون ادنى درجة من المسؤولية. الواسطة حرمت طلاب من مواصلة دراستهم العليا وحرمت اخرين من الوظيفة الواسطة داء تغلغل في مجتمعنا حتى استفحل وصار من الصعب مكافحته .. عافاك الباري على طرحك |
شاكرين على المرور
ومن ناحيتي أنا : الشكوى لغير الله مذلة دمتم بخير |
الله يعطيك آلف عافية على طرحك لهذا الموضوع الحساس , والذي يلامس الواقع
هل تؤمنون به أو هل تعملون به ان حدتكم الظروف؟! والله ماكنت آمن فيه لكن الظروف تجبرك على اللي ماتبيه .. وهل ان كنتم تعملون بالمثل تطبقونه على كل الأحوال في حال انه لكم مصلحة أوحاجة ايآ كانت؟! ام ان تطبيقه على حسب حجم الحاجة؟! والله التطبيق بيكون حسب الحاجة .. ومامدى الحاجة اللتي تضطرنا ان نقول للكلب ياسيدي؟! إذا كانت هالحاجة ماتنقضي الا من عنده ولا فيه بديل .. وهل هي تستحق؟! والله أحيانا تضطرك الظروف ويكون الأمر يستدعي ذلك .. وهل إن كان مصدر الرزق لن يتم الا من خلال تطبيقي للمثل هل يعتبر هذا مبرر؟! ام ان هناك حل آخر؟! في ظل ظروفنا هذي وآنه كل شي بالواسطة فلابد من قولة سيدي للكلب عشان نواصل ونعيش .. آحلي ++ لك تستاهل |
| الساعة الآن 07:08 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010