|
محتاجة نصيحة..:(
بسم الله الرحمن الرحيم
السلام عليكم ورحمة الله وبركاته من فترة... حصل سوء تفاهم بين اربع من زميلاتي طبعا انا الخامسة ثنتين بجهة وثنتين بجهة ثانية يعني الخواطر واقفة حيل والنفوس صادة وبدون سبب واضح للخلاف مجرد كلام فاضي يعني انتي قلتي كذا وانتي سويتي كذا اللي يقهرني انه مافيه سبب جوهري المهم هن صارن حزبين وانا تقطعت لحالي كل وحدة تسحبني من جهة لاتاقفين بصفهن خليك بصفنا انا وربي كلهن عزيزات علي وحاولت اصلح بينهن وفشلت لكن الحين مادري وش الحل انا تعبت :037: لو اضحك مع هذي زعلت هذي تــــــــــــــعــــــــــــــــبـــــــــــــــــ ت:088: وش الحل؟؟ّمابي اخسرهن وش تنصحوني فيه:082: |
سددي وقاربي بين وجهات النظر وحاولي
تقلصين هالخلاف بسبب معين.. وذكرينهن بالله وانه ماترفع اعمال المتخاصمين.. ايضا شوفي من زميلاتكم اللي لها تاثير على الطرفين تساعدك في حل المشكله.. اسال الله ان يصلح القلوب.. والله يؤفقك لكل خير يارب.. |
هههههههههه
انتحري او سددي المسدس عليهن سبحان الله طبع فيكن يالنساء ما يتغير ابد اقول تذكروا انكم زميلات وحبايب وان الشيطان حريص على تفريقكم بدون سبب روحي للفريق الاول وقولى والله الفريق الثاني يمدح فيكن ونفسه يحب راس كل وحده من كن ومن هذا الكلام الي ما اوصيكي فيه وحسب علمي انك حلالت مشاكل من ايام الابتدائي هههههههه والله يوفقك لفك الخصام واعادة المياه الى مجاريها |
وعليكم السلام ورحمة الله وبركاته
أعتقد مثل ما قالوا الأخوانُ , محٌاولة الصلح بينهنَ هو أنسب حل , إما بطريقة أخوي النجم الشمالي مثل ماذكر أو بمُحاولة إنك تسيطرينَ عليهنَ بالقوة والعقل وإنَ الكلمة الأخيرة لك أنتي , سوا تضحكينَ مع هذه آو هذه , آنتي المسؤولة عن تصرفاتك موب هنَ ..!! وآلله يهديهنَ ويصلحهنَ إنَ شاء الله , ويرجعنَ مثل أول :) ودي / |
اقتباس:
كبرياء شمر نصائح جميلة جزاك الله خير وفعلا حاولت وارسلت لهن حديث الرسول صلى الله عليه وسلم انه ماترفع اعمال المتخاصمين حتى يصطلحا وان شاءالله خير اشكرك |
اقتباس:
وش فيهن النساء؟؟:m17asmilies-com: المشكلة الفريق الاول مايبي يسمع اي شي عن الثاني وسبق وقالن لي لو لنا معزة لاتفتحين الموضوع وانا انجرح صراحة :037: خلاص على اي كلمة تسبقني دموعي وماأتحمل...:yoyo: واشكرك على النصيحة وان شاءالله تنحل المشكلة هالاسبوع يارب |
اقتباس:
اشكرك على النصيحة وحاولت والله شاهد تدري مالها حل الا اني ازعل عليهن كلهن ولااكلمهن لين يتصالحن..:( مالها الا كذا بس المشكلة اني الوحيدة اللي للان احاول اقرب وجهات النظر اخاف يتسع الخلاف ويصعب السيطرة عليه ..:( |
ههههههههااي حياة شقى
شوفي لو انا في مكانك والله لااسحب عليهم كلهم واتهاوش مع الحزبين عيب هم كبااار انا من رايي تتركينهم عشان يحسون في بعض خخخخخ وبعدين يجون كلهم يصالحونك اسألي مجرب ولا تسألي طبيب << ياشينك ياشيخة ههههههه |
ههههه
الصراحه انا مع أختي مجنونه وفاهمة من جد أتركيهم فترة معينه ولا تكلمين احد منهم ولا شي حتي لو دقو عليك لا تردين عليهم كم يوم وأن شالله تتغير الأمور ويرجعون لبعض في حديث للرسول الكريم محمد ((ص )) لا يهجر المسلم أخوة المسلم ثلاث أيام والله يوفقك يارب وكل مسلم |
قولي للفريقين
وش رايكن اسوي حرب معاكن على شان ما أحد يزعل سوي تحالف بين الفريقين أن الفريق الأول تبقى دولة صديقة مثل سالفة القذافي القبر امامك والموت ورائك كل وحدة من الفريقين تطق راسه بالجدار وقولي انتم مسكينات وخبول وبقر وكل شي وقولي أنا رئيستكم وماتسمعون كلامي أي حركة من الطرفين : اذا ماتسامحتن بينكن يالخبول .... لاتلكموني ولا اكلمكم وقولي وين عايشين انتم ... الأتجاه المعاكس !!!!! السلام عليكم |
اقتباس:
مجنونة فاهمة يقول المثل خذ الحكمة من افواه المجانين وانتي ماشاءالله فاهمة شكلي بسوي بنصيحتك ومشكووورة |
اقتباس:
مشكور ياكاشف الظاهر مالها الا كذا ومشكوووور |
اقتباس:
اقتباس:
نسيم الليل وش تشتهي؟..:) لو تموت مااقول لصديقاتي خبول هههههههههههههههههههههههه بس حلوة منك احلى شي القذافي:734: الله يسعد ايامك شرفت موضوعي بتواجدك |
[align=center]مدري بس هذي تحتاج لدهاء السحالي >>> طيب وش جايبك قاط خشتك >>برااااااااا
اقتباس:
طيب سوي لهن عزيمة غداء عشاء خارج المنزل بـ استرحة مثلاً ويكون معكم من زميلاتك مِن من يؤيدنك الرأي ومِن يكن لهن كل الاحترام والتقدير من جميع الاطراف واهم شيء الوقت المناسب للجميع وحاولي بأستغلال هذه العزيمة لكسر حاجز النفوس الصاده وكسر التوتر بكلام لين وان لا يكون الكلام رسمي ففي النهاية لابد من التنازل عن بعض المكابره بطريقة دبلوماسية تؤدي لتصالح والله يكتب لك الاجر يا نور [/align] |
اجلسي معاهم وكل واحدة تقول اللي في قلبها هذا الحاصل فيه شي سابق وتصفى القلوب وانتي تقدري تحددي موقفك منهم كلهم
بس ياشينها وانا اختك لاجاي فيه كلام قلتي وقلت انا لو شفت في احد ذي الصفه اسحب نفسي واصير لوحدي اصرف ربي يحفظكم ويخليكم لبعض |
| الساعة الآن 07:53 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010