يامل قلب مع اتلع الجيد مرهون
اقفا ينادي لابيض الخد ساري

اهداهاحياته واتبع القلب عربون
ياتل قلبي تلة جيوب السفاري

يصرخ بصدره صوت منهدومسجون
كنه ينادي يالفرح طال انتظاري

عزي لمن همه فالاضلاع مدفون
ماكن جراله من صواديف الايام جاري

ياخوي وش بك ضايق الصدر مغبون
والحزن له في عيونك مواري

تحمّل من الدنيا غرابيل وطعون
وشي يعلم به الله ماطرته الطواري

ظلت تخم النوم وتخطيه العيون
حتى لوانه نام كل نومه هذاري

ياخوي كانك ضايق الحال مديون
يرزقك رزّاق الخلا بالخباري

ابديت لي ضيمك وماكان ويكون
من جوربقعاء ماتكبدته أجباري

توكل على الله وان كبر همك يهون
ينصرك ناصرهم في ذات الصواري

وانجز علومك من قبل لا يخبرون
واليا نشدوك الناس خلك حذاري

وقل هذي هي الدنيا وسنة الكون
بين الخسارة والربح بايع وشاري

والطايرة لاصابها خلل وش يسوون
ماله سواة الا هبوط اظطراري

كله عشان ركابها لايموتون
والا يقال بحكمهم فعل انتحاري

وان جت على بنت اللذينا بيسلون
مصيرهاتلقى بدل مآجد مشاري

الله يردلها على قدر مايريدون
صبرك جميل ولالك فالمشاريه طاري

وياكثرهم نقّالة الهرج بالعون
جوابهم مدري ولوكنت داري

وخل الذي بيلحق الهرج مليون
لانته طبيب له ولاأنته بقاري

حيل الله أقوى مالنا غير هاللون
من ضيع دروب السنع يلقى الغداري

ياخوي خلك ذيب وابليس ملعون
رجل بليا دين خالي القلب عاري

وخلك فطين بالك الناس يدرون
يفرح بزلاتك عدو بها دايم يثاري

وليا افتروا بهتان خلهم على مايظنون
خبل لقى له ناس تحدر الاثاري

شالوا من الاوزار مالايطيقون
لانه على درب الردى معوّد وضاري

يقضي حياته بين قالو ويقولون
ماكنه قرا عن صحيح البخاري

هذا قضاء الله وقدرته لوتدارون
شي كتبه الله علينا ماهو اختياري

خذ النصيحة من قلب ناصح ومضنون
كله عشان أم عليك تهل العباري

وابوك لامنه عطاك العلم مضمون
عده صديق وفـ اللزوم استشاري

واللي تبيه اليوم حاظر وممنون
انا تراني معك بكل المساري

والا العذارى على قفا من يشيلون
وكلن يبي شرواك لسترالقمآري

وابشر بكل علم غانم ومصيون
ياعزوتي واناافتخر بك دايم واماري

فيك الطبايع فارقةواسمرومزيون
يالحر يالنشمي ياصياد الحباري

يالذيب ياراعي الفزعات ياكاره الدون
يارافع راسي ولاترضى انكساري

ياطيّب العشرةدوك الاسامي على هون
يالشامخ النادروالتعامل حضاري

جتك المشاعر تحتفي شعر موزون
فيها الاخوة تنتشي وفيها انتصاري

والله يرزقك كثر مال قاروون
فضايل من عندرب الفضاءوالبراري

واخر كلامي صلواقدر ماتستطيعون
على النبي محمد وسلم يالله الباري