أنت أول من وسط قلبي سكن=لو بغيت أخفي يعاتبني غلاك
ليش هذا الدمع ماأحب الشجن=كل هذا الشعر ياعمري فداك
تدري أنك يابعدعمري وطن=والقصائد مالها طعم (ن) بلاك
في حضورك صار لأبياتي لحن=من يلوم(ن)ماعرف لحظة لقاك
أكره دموع(ن)على خدك مشن=للآسف أهواك وأسبب غثاك
من قصيدي من كتابتي بكن=وأنت ساكت مخفي بصدرك عناك
آسف آسف ياحبيبي واسمعن=بأعتزل هالدرب لأجل أكسب رضاك
أبشر بعزك لو أبياتي عصن=ماأبي غيرك ولاهم(ن) سواك
صادق(ن) والله هالشلة عفن=مابهم طاهر ولافيهم ملاك
مابقى بالعمر ياعمري زمن=يستحق أشوف في لحظة بكاك
لاأسلوك الناس قل خلي ركن=للغلا وأنا بصدق لك حكاك
بكل لهجات القبائل لحكن=مالهن سيرة سوء طاري وفاك
بأترك أفكاري إذا وصلك ثمن=وحدد أفكاري وأنا كلي وراك
خلنا بالحب وأشوق(ن) نمن=كيف ينسى الحب من يجلس معاك
هات يدك يابعد عمري عطن=من حنانك من دلالك من حلاك
لحظة العشاق نتركها لمن=وأنت ظامي بس لاتخفي ظماك
آيه غن بصوت هادي سمعن=لاتقول الشعر ياعمري نساك
من صباح الخير كم لجلك رون=لين ليلة بان شوقي من جفاك
كلهن في وصف حبك غردن=والغزل عندي مقيد في هواك
اسكن بقلبي وقلبي لك سكن=وأبشر بشعر(ن) يترجم لك غلاك

آســف آســـف ياحبـيـبـي واسـمـعـن

بأعتزل هالدرب لأجل أكسب رضاك

أبـشـر بـعـزك لــو أبـيـاتـي عـصــن

مـاأبـي غـيـرك ولاهــم(ن) ســـواك

صـــادق(ن) والله هالـشـلـة عــفــن

مـابـهـم طــاهــر ولافـيـهــم مــــلاك

المشاركة الأصلية كتبت بواسطة على النيه (المشاركة 1139020) شاعرنا المميز \ فلاح العايد ابيات جدا رائعه ... صورها إحساسك المرهف وشاعريتك العذبه فكان نصا زاهيا بلون البياض لاعدمنا مدآد حرفك .. وطبت ودمت بفرح لا ينقطع ,,

المشاركة الأصلية كتبت بواسطة اسير هواك (المشاركة 1139040) اسـكـن بقلـبـي وقلـبـي لـــك سـكــن & وأبشر بشعـر(ن) يترجـم لـك غـلاك أخي صح لسانك وبنانك اجدت وابدعت وفقك الله

المشاركة الأصلية كتبت بواسطة جيتك وله (المشاركة 1139075) رؤعه عساك تسلم اخوي فلاح صح لسانك مليون

المشاركة الأصلية كتبت بواسطة جـــود (المشاركة 1139278) العآيد صح لسآنك .. أبدعت وسلمت يمينك دآمـ بوحك الرآقي ...