|
نتناقش ف (ام ركبه سوداء +ابو فنيله و سروال= شي غرييب
نتناقش ف (ام ركبه سوداء +ابو فنيله و سروال= شي غرييب ام ركبه سوداء+ابو فنيله و سروال=يقولون : بسم الله الرحمن الرحيم السلآم عليكم ورحمه الله وبركآآته ............ لفت نظري مؤخرآ انتشآر برودكآست BC عن موضوع ( السعودية ام ركبة ) وصآرت النكت اووفر لدرجة يجيني باليوم 13 BC عن هالموضوع وطآحو فيهآ طيحة .. وبصرآحة هالشي مو جديد على مجتمعنا السعودي!! محشش بالطيارة ورااكبه جنبه وحده لابسه تنورة قصيره فوق الركبه،ويبغى يتميلح ويتعرف عليها ،،،قام سألها:مرحبا- انتي سعوديه؟ ابتسمت وقالت:صح عليك ،لكن وش دراك؟قال:ركبك سود بالله وش يضحك بهالنكتة؟ وجبتلكم بعض الاشياء اللي من جد تحززن ولاحظو ان اللي كآتبين هالاشيآء او حاطينها اساسا هم سعوديين انفسهم !! http://imagecache.te3p.com/imgcache/...dcf0230d81.jpg يعني بالله ركبة حليمة تسوى وجه سعودية؟؟ هذآ كلآم ينقآل عن مذيعة الاسفنج و تعمم على بنات السعودية كلهم ؟؟ بعض الناس مصيبتهم ما يعرفون قيمة الكلام اللي ينطقونة http://imagecache.te3p.com/imgcache/...fd722961be.jpg يعني مدري وش اقول .. "السعوديات اقل جمالا من جميع دول العالم واجسامهم من الوزن الثقيل" ؟؟ على اي اساس جبت هالكلام ؟ مشكلتنا احنا العرب عامة وخاصة بالسعودية كل واحد يفتي من راسه مافي منطق ولا دليل ولا اثبات او دراسة مثلا او اي شي يخليني ممكن اصدق كلامه! http://imagecache.te3p.com/imgcache/...ee6ee0274b.jpgوتطورت الركبة السعودية وفتحتلها اكاونت بالفيس بوك! ولايفوتكم وش كاتب لها الاخ بعد بعني بذمتكم يا عالم .. هل تردى الحآل بالمرأة او البنت السعودية انها صارت "تقآس" بلون ركبتها !!؟ هل هذا بنظركم المعيآر اللي يخليها افضل او اسوأ من غيرها ؟ يعني انا استغرب من هالهجوم القوي وخآصة على بنات السعودية مدري ليه يعني ... والمشكلة انه 90% غلط !! ويكون اللي كآتبه او منزلة او مخترعه اسآسا واحد ثوبه ما غسله له شهرين و شعره مغبرر وماعنده الا 3 ريال في جيبه! انا بالمناسبات وبالاماكن العامة اشوف السعوديات بكل امانة وصراحة عاديات ! ماراح اقول كلهم صارووخ جمال ولا كلهم ركبة سودا !! في بنات والله انهم قرطآس من البياض .. مو كلهم .. وبعدين هالسعودية اللي انت وياه تتكلم عليهاآ ما سآلت نفسك .. هي وش نظرتها لك انت يا السعودي ياللي كاتب هالكلام ؟؟ شوفو بعض البنات للاسف ردو على هالموضوع بالـBC اللي انتشر مؤخرا : الشاب السعودي .. مغزلجي و شفايفه سودا -- الشاب السعودي .. نفسيته خايسه و شفايفه سودا -- الشاب السعودي .. عقله صغير و شفايفه سودا -- الشاب السعودي .. مايملى عيونه إلا تراب و شفايفه سودا -- الشاب السعودي .. خروف و شفايفه سودا -- الشاب السعودي .. سلتوح و شفايفه سودا -- الشاب السعودي .. يخق على الشغاله " كفوه " و شفايفه سودا يعني بالله وش استفدتو كل واحد يسب بالثآني ؟؟ هل هذي اخلاقكم .. انا ما اقول ما تضحكون ما تقولون بس انتووو فاهمين الموضوع غلط يا جماعة في نآس ترسل هالموضوع كـ مزحة او نكته وتقول عادي خلينا نضحك .. بس بعضهم يكون راسلها و مصدقق انها واقع وينسى انها انعكاس عن مجتمعه! ترآ يا عالم في هجوم على البنت السعودية بكل مكان .. ومن ناس سعوديين -صحافيين وغيره .. يشوهون صورة البنت السعودية انها كذا وكذا وكذا ..مرآآ يتكلمون عن العبايات ومرة انها تخاف من اهلها و لا النكت اللي تجي سعودية راحت تقابل خويها وسعودية ركبتها مدري ايش اكتبو سعودية باليوتيوب وشوفوا http://imagecache.te3p.com/imgcache/...b14ff385da.jpg لاحظوا ان الموضوع لتشويه صورتها بدآ يوصل للاعلام العربي مو بس الخليجي او السعودي !! ما يجيبون الا الاشياء الـ (سلبية) ! والمشكلة اللي يكتب او يقول او يعرض هالاشياء هو سعودي او قنوات اصحابها سعوديين! وبعضهم يجيبه من واقع وهم نسبة 5% والاغلب كله صواريخ وتاليف ! ويقولون لك تحسين صورة المراة السعودية بالخارج و غيره .. شوفو الاجانب وش كاتبين عنها هذا وهم اجانب! http://imagecache.te3p.com/imgcache/...c03069c07f.jpgشفتو فضيحة جنسية ؟؟ شفتوو حالة فقر ؟؟ شفتوو سب فيها ؟؟ اكيد لآآ لان البلآ مو تحسين صورتها بالخارج المفروض نشتغل على تحسين صورتها ببلدها باالاول !! كل مكان الاعلام - الانترنت - حاليا البي بي كلها نكت و كاريكتيرات و سخافات سب فيهآآ وتشكيك في قدراتها وتفكيرها .. ليش النظرة السلبية لهآ ؟؟ يآخي ما قلنالكم ادعموها ولا تساعدونها الحمدالله ما نحتاج احد .. بس ارتقوا بتفكيركم عنها شوي هذي السعودية هي امك وهي اختك وهي بنتك ! وانتي وياها ياللي تنشرون هالكلام برودكاست و مدري وشو يعني اني (انا ركبتي مو سودا ومالي دخل فيهم ) كيف ترضين يقولون هالكلام عنك او عن اي واحدة سعودية؟؟ ويا عالم ترا في اختراع اسمه ليزر حتى اللي عندها مشكلة الركبة بتسوي تبييض وتفتك يعني من جد ماتو الناس اللي يعانون من هالمشكلة اصلا الحين عمليات التجميل والتصليح والسمكرة بكل مكان ! احس لما اقرا هالكلام عن البنت السعودية كانني راجعه بالزمن 30 سنة ورا! انا اللي ينرفزني "مستوى التفكير" اللي وصلنا له مع احترامي للكل! اخر شي تركنا العالم وقعدنا على "شفايفه سودآ " لا "ركبتك سودا" و "تلبس شلحة" وانا "البس سروال وفانيله" ! اتمنى يكون في رقي شوي في نظرتنا لمجتمعنا ولنفسنا علشان الناس تحسن نظرتها عننا ترآ في ناس يبون وقاصدين يشوهون صورة البنت السعودية لغرض في نفس يعقوب! ويطول كلامي بهالموضوع لان بعض العقول للاسف متحجرة وماراح تتطور.. صج آنآ مو سعوديه بس مآرضه على بنآت آلسعوديه ( دمـــي حمــر وعرووقي خـــضر ) مدري وش اقول بس .. اترك لكم حرية الرآي واختلاف الراي لايفسد للود قضية.. منقول وش ررايكم صبايا وشباب اكيد مرررت عليكم هالبرودكاست وربي صرنااا مسخرة بسبب تفاهه بعض العقووول بانتظار اراائكم |
[align=center]
مواقع التواصل الإجتماعي وغيرها من الوسائل وضعت للفائدة الشباب والفتيات اللي يطلقون هالحملات عندهم مركب نقص بالشخصية الإنسان الواثق من نفسه مايلتفت لهالأمور ويكبر عقله أم ركبة سوداء هي اختي وأمي ونصفي الثاني ورئتي اللي أتنفس بها الحياة وأبو سروال وفنيلة هو أخوي وابوي وولد عمي وعزي وسندي . . . الخ أي شخص غير سعودي يبي يقرأ مثل هالسخافات يبي يبصم بالعشر إننا ناس فاضين اللي يتهمون بعض مدري ليش يحسسونك إنهم أتراك ولا ألمان كلنا شعب شهبان لهبان ونفتخر بالركبة السوداء والسروال والفنيلة واللي ماهو عاجبه يعض على شحم يعطيك العافية على مجهودك [/align] |
ههههههههههه وربي شي يحيير حتى انا مستغربه من اللي يكتبون كذآ بس وش الحل معهم نـآس فـآضيه ..
يسعدك ربي ع الطـرح .. |
مدري متى هالنوعيه من الناس يرتقي بتفكيره ونظرته
للمجتمع,, اسال الله ان يهدي من ضل .. يعطيك االعافيه على الطرح |
اقتباس:
هلابك حد السيف معك ان الانسان الوااثق مايلتفت لها الامور بس المووضوع زااد عن حدة والمؤلم ان اللي كاتبه المووضووع مو سعوديه سلمت ع الرد واسجل اعجاابي بقلمك وفكرك الف شكر |
اقتباس:
هلابك لقيت روحي فعلا شر البلية مايضحك ليت اللي فااضي يشوف شئ مفيد الف شكر |
.. بسم الله الرحمن الرحيم يعطيك العافية على هالنقل " مايشبهوني ..!! ومع هذا كلهُ أنظريُ إلى هذا الجانب من الطرح ف إنهُ سلبيَ لا إيجابي ودائما َ مانبحثُ عن هذه الأمور والإلتفاتُ لهآ , وإن كانت الكاتبة غير سعُودية فهي تقصدُ بذلك إنَ ( آتحدى سعودية او بنت ركبتها بيضا ) وحتى احسنُ النية والظنَ واقول هذه نظرتها وكتبت دون قصد لشيء . أعتقد من الظلمُ ان نعمم أولاَ وما أظن اي واحد من هالسعوديين يمشي ( وُيفسرَ ) ركب بنات الناس يشوف شنو لونهآ ويحط إحصائية .. هذه مُجرد تفاهات تجدينها من خلال حتى الرسائل والشات والمواقع الأخرىُ وأصبحت الأن كاريكاتيرات بالصحفُ وذكرنا سابقاَ إن هذه الهجومُ لهُ اهدافه وذكرهآ الشيخ محمد العريفي كذلك وفضحَ بعضَ الكتابَ وحتى الرجلُ والله يستحي انه يتطرق لأمور النساء وحاجاتهنَ ما أدري حريم هالمملكة موكلاتهُ على ما يكتب مايردن ومالايردنُ . عُموماَ مازالت هذه التفاهات مُستمره الاسبوع الماضي في الفيس بوك تحديَ بين شباب × بنات على ان الشباب يخرجون بسروال وفنيلة بشارع التحلية الظاهر كذا وهذا اللي فهمته من نص الخبر يعني تطور الأمر واصبحت ام ركبة سوداء موضوعه قديم جداَ .. اصبري عليهم بس وشوفيَ في المستقبل وش بيكتبون عن البنت او النساء بشكل عام في المملكة العربية السعٌودية واهدافهم واضحه جداَ ولكن تقول لمن او تفهم من ..!! ودي / |
يووووووه العالم محتاس وتذابح وكل يوم يموت اشخاص بالمئات
وحنا على تفاهتنا ومسخرتنا وربي علامات يوم القيامه ضهرت وحنا بغفله يكفي ياناس |
السلام عليكم ورحمة الله وبركاته
أحترامي لك ياصاحبة الموضوع طرح يستحق النقاش والخوض فيه نعم لايمكننا السيطره على عقول الكثير من شبابنا وبناتنا ولكن لانسكت ونترك مثل هذا الموضوع يمر مرور الكرام فابسكوت دليل على تئييد مايذكر ..... هذا مايبدع به الشاب السعودي من تعليقات ساخر ه على أهله وبنات بلده وتتقاسم البنت هذه الصفه مع الشاب في مثل هذا الزمن وكثرة الوسائل الناقله والعولمه اصبح تفاهت البعض من بلدنا تصل بسرعة الصاروخ لدول المجاوره نعم اصبحنا ننقل السلبيات فقط حتى بعيد عن هذا الطررح لم يقتصر على هذه السخافات ... هل هذه هي ثقافة السعودي بتمصخر وتهاون بأردئ الشتائم وتعليقات وعلى من ناس منهم وفيهم بئس لتلك العقول الناقصه وبئس لتلك التربيه الفاشله وأسف على أسس لأسلام والدين وعلى خلق نبينا العظيم التي ضيعها شبابنا من باب المداعبه والضحك والسخررريه نعم أيقنت لما بتلك الجراءة يسب نبينا محمد عليه الصلااة والتسليم ويضع عليه تلك الرسومات القبيحه والماجنه من دول الغرب ايقنت لما شاهدوه من ضمور وخمول وسخريه وعدم الغيره على بعضنا البعض وعلمو اننا مشغولون بسخريه من بعض وهتك اعراض بعضنا البعض بتلك المشينات وهم مشغلوون بهتك ديننا العظيم وحنا سروال وفنيله وركبه سوداء الله المستعان نسأل الله الهدايه لنا ولهم جزيل الشكر لطرح لمؤلم لمن يتمعن بالفكره والى وين وصلنا اشكرك |
كل البنات اللي شاركو ركبهم سود باين من طريقه الانفعال ههههههههههههههههههه مشكوره ما يشبهوني |
كل البنات اللي شاركو
ركبهم سود باين من طريقه الانفعال ههههههههههههههههههه **************************** خخخخخخخخخ لالا غلطااان يعني لازم تكوون ركبهم سود عشاااان يكونو متفاعلين انا معهم وركبتي بيضاء ههههههههههههه ههههههههههههههههه |
يعطيك الف الف عاااافيه حياااتي ع انقااش بس موووباليد صااارت عندهم عاااده اي والله ...وش نسوووي ماعليناء منهم موو اكبر همنااا من شااان نرد عليهم ...اصلن همم نااااقصين عقل وفاااااصلين..
ااااااه بس مووو محلي البنت السعوديه غير ركبتهااا وشاااب السعووودي غيررر سرواله وفنيلته |
أأخخيه بس لاتقهررنيي
حسبي الله عليهم والله من جد تخللف اهي وصلت على ام ركبة وابو سروال لا والله حتى الدين !! استهزؤ فيه !!!! يعني ايش الغرض ماادري الضحك والمزاح !!!! فقط الشعب السعودي هو دائما الي يستخدم التكنولجيا بالاستخدام السلبي جداً ليش .؟ ماادري جهل غباء عطاله وبطاله اهنيهم ضحكوا الناس علينا مو اقصد بس سالفة الركبة اللسودا ! والشعوب الثانية الي ونسوهم ومسكوهم حاجة حلوة يمسكونها عليى شعبنا ولكن والله وحتى غير المسلمين حصلوا غايتهم توصلني أكثر من برودكاست احاديث ضعيفة موضوعة وبدع وانشر تؤجر .!! انشر تؤجر وتنكب عليك جبل من الحسنات وكلها بدع وكذب على الرسول للأسف آمسية المجد:118: .؟؟ مااعرف يعني انتي عاجبك انتشار هذي الفكره للبنت السعودية بإنها أم ركب سود لكل عربي وخليجي آآ على فكره فيه قناة لبنانية أم تي في استهزؤ بالبنت السعودية بالتنكيت .. !! الله يعين بس صدق الفراغ مصيبة عندهم أنا أتمنى من جد اشتري منهم وقت فراغهم لا والمصيبة انتشااار الفواحش والصور المخلة وشي عادي عندهم ! نسوا عقوبة المجاهرة بالمعصية ونسوا احاديث الرسول ان العين لتزني وزناها النظر وليتهم ناظروا وحفظوا الصور لأنفسهم حاطينها صور عرض !!!!!!!!!!!!!!!!!!!!!!!!!!!!! وه وه حسيت فررغت ماففيي جعبتي انفجرت هع هع :51ar: المهم من بدو يشتري البي بي بتاعي :minzdr: |
اقتباس:
وتقوى ردات الفعل ويبدا الهجوم الصارخ انه الكيان .. انها الذات .. بالعربي انها الحياه لن يقبلن .. لن يقبلن .. |
هذي اشاعه ومؤامره ضد الفتاة السعوديه لتشويه صورتها بعد ماشهد لها التاريخ وصارت تكتب وتتحدث عنها المجلات
فدبت الغيره في اغلبهم وبداو يكتبون مواضيع عن الفتاة السعوديه في اغلب المنتديات و التحريض بينها وبين الشاب السعودي ولتشويه صورتها بالداخل والخارج لاكن الشاب السعودي اللي فيه نخوه وحميه على بنات جنسه مايكذب عليهن بهالاحاديث المخله والزائفه حتى انك شاهدتي رد اغلبية الاخوان هنا وحميتهم على بنات جنسهم الله يحفظهم ويكثر من امثالهم واللي يكتب مثل هالمواضيع ماهم الا بزرنجيه متطفلين مع اني اشك بجنسيتهم لان مافيهم ذرة النخوه والشهامه طيب اللي خلق السعوديه والخليجيه والمصريه واللبنانيه والمغربيه ما خلقهم من طينه وحده من تراب شئ غريب وش معنى حنا السعوديات ركبنا سود وش السبب قالو السبب الصلاة اذن هذي ميزه لنا دون عن غيرنا واللي غيرنا مايصلون من البلدان الثانيه استغفر الله وهل لو صلو ياترى بتصير ركبهم سود شئ عجيب وكلام مشكوك واشاعه واكاذيبهم واضحه مثل عين الشمس وياما بيكتبون الين يتعبون ما علينا مانقول الا حسبنا الله عليهم مايشبهوني مشكوره يسلمو ايدينك |
| الساعة الآن 12:27 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010