|
آبكي قصير قصرته ماتملي ..
: السلام عليكم ورحمة الله وبركآته :127::134:.. حيهم ي رب:127::134: علومكم من زمان عنكم وعن هنا:127::127::134: من سمن من نحف من اعرس من تعدل نظاموه:p:123: >حسيت اني مهاجره 90 سنه:p:123: وانا بخير وادري انكم فقدتوني وكذا >كف :123::123: طبعا" العنوان شرحه لغير الناطقين باللهجه الحايليه :127::134::p القصير = الجار :p:123: قصرته= جيرته :p:123: والبيت يقول :p:123: يادار وين اللي بباتس يهلي ابتسي قصير قصرته ماتملي ^ طبعا" لطشت هالبيت من عمتي :p:123: ولاادري له كماله ولاادري هو صحيح الكتابه:p:123: ولاادري وش مناسبته بعد:p:123: يعني حسوا انه ماهو موجود اصلا" :p:123: طبعا" الكل يعرف اننا في حاره جديده :127::p>يلعن ابليس ماتركتي هالسالفه اللي لها سنتين وانتوا ناقلين :p:123: عندنا جيران متطفلين لدرجة ماتتخيلوها :139::037: عن كل شيء يسآلون يتدخلون في اتفه الامور:139::037: وحتى في الامور الخاصه فينا يسآلون عن اي شيء يشوفونه:139::037: يسآلون كل شيء كل شيء كاشفين كل تحركاتنا:139::037: وين رحتوا امس ليش تاخرتوا البارح:139::037: عيالكم رجعوا 9 الصبح ابونا شافهم:139::037: سياراتكم ماهن بوه:139::037: عيال خالتكم عندكم:139::037: عمامكم شفناهم:139::037: مره احنا في المخيم ارسلوا لنا لمبات بيتكم والعات من فيه:139::037: يعني بشكل مو طبيعي:139::037: صراحه عايشين ضغط نفسي من تحركاتهم تحس عندهم دربيل من الاشياء اللي شافوها :123::139:.. نجي هنا فيه ناس قالوا لنا هذا شيء حلو .. وانه هالنوع من الجيران زمان هلحين كلن تغير مافيه مثل قبل بس لاصار كافي خيره وشره افضل عندنا من هالتطفلات .. رائيكم :127::134::134:.. - اخباركم مع الجيران وهل فيه تواصل مدى العلاقه..؟ - تفضل هالنوعيه من الجيران عن انه مايكون فيه يعني عادي يكون هالجار جاركم افضل من مافيه ..؟ - التصرف اللي تتصرفونه لاصار هالجار جاركم ..؟ يعني مافي جعبكم :p:123:>او جعبتكم :127::134: >اكتب الموضوع وانا اقراء المعوذات لايكون احد بس من جيراننا هنا ويقراء :cry::123: >وسوست من كثر ماعرفوا عنا كل شيء :39rfff::p وبس القفوآ :152: .. |
وعليكم السلام ورحمة الله وبركاته حياك اختي حوسة منورة القسم بطرحك الرائع والواقعي وهالمرة جبتيها ع الجرح وعندنا وعندكم خير واعتقد الحل لمواجهة هالمشكلة يكمن في التأقلم مع هذه النوعية من الناس ههههههه ادري صعب بس مجبرا اخاك لابطل خصوصا انك بتكونين استهلكتي جميع الطرق في التصدي لهم وسبق وطرحت مموضوع مماثل على هذا الرابط http://www.b3b7.com/vb/showthread.php?t=90015 |
السلام عليكم ورحمة الله وبركاته
مرحبا مبدعتنا العزيزه حوسة مشاعرر طرح جمييل قبل البدء بسئلتكـ نعلم جميعنا ان للجار حقوق لا بد من حفظها وهي كثيره ومن اهمها عدم ايذائهم وأن نحسن تعاملنا معهم وان نكون على يقين ان للجار حرمة فايجب ان نعي ذالك ونحترمها ليس كما ذكرتي مبدعتنا ان جيرانكم لديهم فضول وكأنهم يتجسسو لدرجه انكم لاتنعمو بالاستقلااليه والخصووصيه اي نعم لعلهم يتصرفو بطبعهم ولونعايشهم لاوجدنا انهم مبسوطين من مايفعلو يحسبون انهم هكذا هو الحرص على الجيران والحفاظ على حقوقهم كلن وعرفه ولكن للأسف فهذا العمل ليس هو الصحيح .. كان الله بعونكم - اخباركم مع الجيران وهل فيه تواصل مدى العلاقه..؟ نعم علااقتنا معهم علااقة محبه وبيت واحد وتواصل موجود والله الحمد وهذه العلااقه اكثر من عشرين سنه - تفضل هالنوعيه من الجيران عن انه مايكون فيه يعني عادي يكون هالجار جاركم افضل من مافيه ..؟ لا للأسف لعلهم اجتهدو ولكن بهذه الطريقه الخاطئه لا اتمنى أحيان تتمنى ان تكون بدون جيران لكي تنعم بستقلااليتك - التصرف اللي تتصرفونه لاصار هالجار جاركم ..؟ بصراحه اذا كثرت هذه التصرفات سألجئ لمن هم أكبر سنن منهم وأخبرهم بهذه التصرفات الغير لاائقه شكرن مبدعتنا الله يديم هذه الاطلاله لاهنتي |
وعليكم السلام ورحمة الله وبركاته
ياهلا فيك حوسه ووضعكم محتاس.. يقول مقحم النجدي مقتطف من قصيدته المشهورهـ إلا ومع ذلك لك الله لنا كار عن جارنا ماقط نخفي الطريفه ونرفا خماله رفية العش بالغار ونودع له النفس القوية ضعيفه ولا نبدي الخافي إلى صار ماصار يفلج قصير البيت لو بان حيفه والجار لابده مقفي عن الجار وكل بجيرانه يعد الوصيفه جارٍ على جاره بختري ونوار وجارٍ على جاره صفاةٍ محيفه بعض الجيران يصيرون اهل بيت واحد من حبهم لبعض واحترامهم للجيرهـ ولاهل البيت.. لكن الوضع الان تغير ماعادوا الجيران مثل اول الحين جارك الجدار بالجدار ماتعرفه ولاتختلط به هذا الوضع اللي عندي بالرياض عكس وضعنا بالديره كل حارتنا وجيرانا نعرفه ونختلط فيهم وبينا موده واحترام.. وايضا يبقى للجيره حدود وخصوصيات وضروري ما تتجاوز هالحدود اما مسالة اني احط لي رادار على جاري واراقبه واشوف تحركاته اشوف انها مهي حركه حلوهـ.. سلمتي على الطرح الله يسعدك.. |
هلا فيكِ اختي حوسه كأنك حاسه بمعاناتي مع اللهجه
شفت العنوان راح بالي لحاجه تانيه مافهمت الا لمن شرحتي وتسلمي ع الشرح طبعاً مثل مابيقولوا الجار قبل الدار والله يعين الي يحصل جيران مثل جيرانكم فيه جار مايحب يختلط مع احد وكأنك تقولي البيت مافيش احد ساكن فيه وفيه جار عسل كأنه واحد من العيله وينحط ع الجرح يبرأ وفيه جار الله المستعان ما بدك تذكريه مثل جيرانكم واحياناً يكون قريب لكم بس مايراعي حرمة جاره ولا عندو دم ولا يخجل من تصرفاته وبدي اقولك ع حاجه انا سكنت بحايل فتره ولا اعرف فيها احد بس الحمدلله رزقني ربي بجيران لواقولك ع جميلهم معايا من هنا لبكره ماراح اخلص قمة في الذوق والطيبه والمعامله شئ خيال ملاك مش بشر لدرجة ابويا وصاهم عليا ونزل ع المدينه بس ما شاء الله ما سابوني احتاج حاجه ولا يسألوا ولا يتطفلوا وطبعا هالجيران من شمر الله يحفظهم ويبارك فيهم وباصلهم صدق اهل كرم وجود معليش اختي حوسه حوستلك الموضوع بس فعلا ما ينتسوا هالجيران الله يعطيكِ الفين عافيه ياعسل وُطلي علينا بحاجه رائعه كروعتك |
نجي هنا فيه ناس قالوا لنا هذا شيء حلو ..
لا والله ماهو شئ حلو الا الله يعينكم بصراحه متطفلين وشاغلين انفسهم من كثر الشفايه تعبانين ولا وش لهم باللي مالهم فيه بكرة النهار بيتدخلون بخصوصياتكم ويزعلون عليكم لاماسمعتوا كلامهم ويبونكم بعد تاخذون شورهم بكل شئ وتعلمونهم بالاسرار لو حصل لهم ولا بيزعلون ويروحون يحشون فيكم المهم الله يعينكم ولا يبلانا بس ماحب هالحركات رائيكم .. - اخباركم مع الجيران وهل فيه تواصل مدى العلاقه..؟ الحمدلله محد له دخل بالثاني الا ان طلب منه - تفضل هالنوعيه من الجيران عن انه مايكون فيه يعني عادي يكون هالجار جاركم افضل من مافيه ..؟ لا والله قلق هالحركات لان هذا يعتبر تدخل بخصوصيات الغير انا عن نفسي ماحب كذا - التصرف اللي تتصرفونه لاصار هالجار جاركم ..؟ بصراحه اكفيه شري واحاول ما اختلط فيهم كثير وعلى قد ماقدر اخبي عنهم وكل ماقالوا لي شئ اخذ الامور على لامبالاة طبعا من قهري بتصرف كذا لاجل اصدهم وكل ما يكلموني عن شئ اقول لهم ايه طيب وش فيه يعني احاول افشلهم لاجل يستحون على دمهم عاد هذا ان كانوا يحسون مشكوره للطرح الرائع تسسلمين كل الشكر |
.. وعليكم السلام ورحمة الله وبركاته اهلاَ وسهلاَ " حوسة مشآعر .. حيآك الله وعاش من شآفكِ .. وآلله يعطيك العافية على هالطرح وهو فعلاَ معاناة لكمُ وبنفس الوقتُ نقدر نقول امر جميل في مثل هذه الجيره .. طبعاَ مجتمع مثل منطقة حائل يصير وتصير مثل هذه الأمور , علماَ ان المنطقة في تطور من امرهـآ .. - اخباركم مع الجيران وهل فيه تواصل مدى العلاقه..؟ مامن علاقـة قويةةة , مجرد روحتي للمسجد اشوفهم ويشوفوني نقعد نسلم على بعضَ ونسولف ,, بعض المرات بين فترة وفترة بمناسبة يقلطونُ عندنا ونقلط عندهـم ..!! - تفضل هالنوعيه من الجيران عن انه مايكون فيه يعني عادي يكون هالجار جاركم افضل من مافيه ..؟ الجار قبل الدار .. والجار له احترامه ومكانته وتقديرهُ , ولكن بالمقابل انا رجُل عندي عمل .. عندي ظروف مشاكل فوق هذا كلهُ تجي وتزعجني .. لن اقبل بمثل هذه التصرفات إطلاقاَ من الجار واكيد كلامي على كبيرهمُ .. - التصرف اللي تتصرفونه لاصار هالجار جاركم ..؟ كلامي مع كبيرهـمُ كما ذكرت .. ومثل هالنوعية من الجيره مايجب ان توصل الأمور إلى هذا الحد من ( الشفاية ) ما استبعد بكرى وش لبستوا , ليش غسلتوا حوشكم , ليه رحتوا للمسجد ض1 ..!! كآن الله بعونكمُ .. وآلله يعطيك العافية ودي / |
اقتباس:
: نور الموجودين ي هلا :) .. صحيح مجبرين نتآقلم معهم :( تسلمين على هالتواجد وهالرائي نورتي ي هلا .. , |
اقتباس:
: ياهلا بالاممير :) .. تسلم والله .. كلامك صحيح والله وفي مححله الاستقلاليه ماش عندنا منهم :( الله يعين .. العفو ولاهان غاليك تسلم على هالتواجد وهالحظور يخليك ربي .. وححيآك ددوم :) .. |
اقتباس:
: ياهلا بفايز... اي والله محتآسس حيل :( اي والله كلامك سسليم يسسلمك ربي ويسسعدك :) تسلم .. وحيآك دوم :) .. , |
اقتباس:
: ياهلا والله بـ رواء الروح فديتس اشوى اني شرحت خخخخخخخخخ :jhjb: .. اي صحيح صصادقه فيه كذا وفيه كذا احنا بحارتنا قبل اهل مو جيران وكلن حافظ حقوق الثاني بس هنا لا تغير الوضضع :( .. والنعم فيهم وفيكم .. تسلمين على هالتواجد وهالرائي :) حيآتس دوم .. |
اقتباس:
: ي هلا بعطر الورد .. اي صحيح مششكله والله حاولنا انه تكون علاقتنا رسميه معاهم بس ماضضبطت معنا :( .. العفو تسلمين على هالتواجد وهالرائي وحيآتس دوم ي بعدي :) .. , |
اقتباس:
: هلا فيك شيخ المافيا .. الله يحييك وعآشت آيآمك ك .. مافهمت تطور من امرها ..؟ ) .. حلو علاقتكم مع جيرانكم ممتازه كافين خيرهم وشرهم اذا صار كبيرهم هو يسآل مثلهم اخواني يرجعون الساعه 9 انت شكوا تسآل ليش رجعوا الساعه 9 ..:( والججميع ي رب يعافيك تسلم على هالتواجد وهالرائي .. حيآك دوم :) .. , |
وعليكم السلام ورحمه الله وبركاته
- اخباركم مع الجيران وهل فيه تواصل مدى العلاقه..؟ الحمد لله جيرانناا عال العال مافيه مثلهم ماشاء الله:nlkn: - تفضل هالنوعيه من الجيران عن انه مايكون فيه يعني عادي يكون هالجار جاركم افضل من مافيه ..؟ لا حبيبتي افضل انه يكون مافيه جيران من الاساس عشان ماابغى وجع رأس:h56: - التصرف اللي تتصرفونه لاصار هالجار جاركم ..؟ اسهل حل عندي التطنيش ولو تكلم معي اعطيه كلمه ورد غطاهاا >>يعني اتكلم معه باختصار وما اعطيه وجه في الكلام الله يعينكم يعطيك العافييييييه ع الطرح :154: |
| الساعة الآن 06:15 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010