دامك نويت البعد عجل بالرحيـل =
وش تنتظر دامـك مبيـت النيـه
كان قلبك للهجـر أصبـح يميـل =
هاذي تراها قهر وهـاذي الأذيـه
أسهر ليالي بعتمة الليـل الطويـل =
وآصبح على هم وأيامـي شقيـه
كانك تبي برهان وتشوف الدليـل =
محد(ن) قدر قبلك يسيطـر عليـه
كنت الرفيق وكنـت أروع خليـل=
تفداك دنيـا والعمـر كلـه هديـه
منهو نواك بشـر خليتـه عليـل =
وتهبط كرامة وعزته ويختفي ضيه
ماشوف مثلـك بالبشـر إلا قليـل =
يمر طيفك حي طيفـك وطاريـه
الله معـك بأسبآبـك كنـي قتيـل =
علاج جرحي جرح أقوى شويـه
صعب أنسى وهذا شي(ن) مستحيل=
لحظة فراقك مثل شـوف المنيـه
محد(ن) على هم غيره يقدر يشيل =
همي على نفسـي تحوفـه يديـه
أقولها ودمعي على خـدي يسيـل =
انت ذكرى وصرت قصة مطويـه
درب السلامة روح يحفظك الجليل =
شد رحالك عسـى أيامـك هنيـه