روّح علي من ليـل الأشـواق ثلثيـن
واقبل عليّ ثلثٍ طوا ضيقتـي طـيّ
عقب الهموم وظلمة الليـل والبيـن !
تنويرة الهاتـف ملـت ليلتـي ضـيّ
البارح اضوي به وادوّر على شيـن !
والحين نوره مالـي البيـت والحـيّ
حي اتصالك يوم جاني علـى الحيـن
الفـا يقدّينـي عـن الطيـش والغـيّ
يامرحبا يا صـوت اشاهـده بالعيـن
صوتٍ رسم طيفـك بلوحـات عينـيّ
في ذمتـي يـا سيـد كـل المزاييـن
صوتك مثل ما أخذتني ؟ ... رَدني ليّ
تنشد عن احوالي وانا اقول لك : زين
ماغير جرحٍ وآخـر علاجـه الكـيّ
أتعبنـي ان الحـب مـا بيننـا بيـن
والمجتمع باقي علـى وصلنـا عـيّ
بس التعب فدوه .. وحن أجل اثنيـن
تعبـك يالغالـي مثـل شربـة المـيّ
يرخص لك الغالي .. ويهدا لك الزين
تامر عيوني ؟ هـاك هـذي قبـل ذي
في خاطري يا مهجـة القلـب بيتيـن
دامـك بتقفـل قبـل الآذان بـشـويّ
حق الأذان وحق صـوت الملبيـن ؟
لك في خفوقي شي .. لا ماهو بـشي
اشيااااااء .. لكنّي باعلمـك شيئيـن :
شوق و محبه .... موتتني وانا حـيّ
م/ن